Lajme

Vlora Hyseni është propozuar nga kryeministri Edi Rama si drejtuese e re e Shërbimit Informativ të Shtetit. Në një postim në Faceboiok, z. Rama shkruan se:

Sot i paraqita Presidentit të Republikës propozimin për emërimin e Znj.VLORA HYSENI drejtore e Shërbimit Informativ të Shtetit, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar

Gazetat greke njoftojnë për ekspozimin nga shërbimi sekret I Greqisë të një agjenteje të huaj, prezantuar nën identititetin Maria T., por që në fakt quhet Irina.

Është shfaqur sot në një takim me përfaqësues të biznesit të madh kryeministri Edi Rama, të cilit i ka ardhur goja sërish pas stuhisë me FBI-në, ku mbeti për disa javë memec dhe vuv. Dhe mbeti i tillë duke rrezikuar shumë, sepse të gjithë panë se jeta vazhdon dhe është më e mirë pa ndotjen akustike të gënjeshtrave të këtij njeriu, se madje problem psiko-social i këtij vendi është pikërisht pushteti i tij.

E ashtuquajtura dramë parazgjedhore në Shqipëri u konsumua si të gjitha ato që kemi parë: në zgjedhje do garojnë po ata që kemi parë vërdallë këto dekada. Pavarësisht se çfarë komente bëri Ilirjan Celibashi. 

Skena është po ajo: PS përballë PD+LSI dhe një parti me vulë PD-je që apelon mesazhin e bashkimit për të konfonduar deri në fund elektoratin dhe për të ruajtur një rezervë riintegrimi nesër. 

Banka Qendrore Europiane ka vendosur rritjen e normës së interesit me 0.5 pikë përqindje duke e çuar atë në 3%. 
Vendimi është marrë për të përballuar inflacionin në dritën e vlerësimeve se “inflacioni do të mbetet shumë i lartë për shumë kohë”. 
 Banka ka siguruar po ashtu se stabiliteti bankar është i qëndrueshëm në zonën e Euros, garanci këto që lidhen me falimentimet bankare në ShBA. 

Silva Caka, sekretare për marrëdhëniet me publikun në Partinë e Lirisë deklaroi në studion e lajmeve të MCN Tv se në koalicionin mes PL dhe “Rithemelimit” nuk ka asnjë kompleks në lidhje me përcaktimin e vendeve në listën e Këshillave Bashkiak.

Duke vijuar më tej me shpjegimin e saj, Caka tha se në vazhdën e vendimeve të KQZ dhe KAS u pa e udhës të mos lihet pa përfaqësim dhe garë asnjë figurë potenciale dhe se kjo nuk do të thotë që kjo është një tërheqje e PL.

Më tej, Caka tha se koalicioni fiton së paku 31 bashki dhe ndër to dhe bashki të mëdha.

Mediat italiane pasqyrojnë një situatë të ndezur në rrugët e Napolit, ku rreth 600 tifozë të Eintrahtit janë përleshur me policinë në prag të një ndeshjeje për tetëshen e kupës së Kampioneve. Tifozëve gjermanë u janë bashkuar edhe disa ultras të Atalantës për të ofruar kështu të vetmin spektakël baruti të Europës së sotme: atë të tifozëve të sportit.

Ka një luftë mediatike që po zhvillohet mbi Shqipërinë, sidomos në mediat britanike. Gazeta “The Guardian” flet për shpalljen e lumit Vjosa parkë kombëtar, diçka që u pompua me të madhe nga kryeministri Edi Rama, qartazi në një përpjekje për lajme të mira nga vendit i tij i njollosur. “Spectator” dhe “Financial Times” flasin keq, nëse konsiderojmë keq zbardhjen e narko-realietit të Shqipërisë.

Në një opinion të publikuar në “Politico”, presidenti i Eurogrup, Paschal Donohoe, hedh idenë e një monedhe europiane të digjitalizuar. Duke komentuar dyshimet dhe faktin se ka disa kriptomonedha në qarkullim, Donohoe thekson se dallimi i euros digjitale është një bankë qendrore apo monedha fiat që nënkupton depozitat e bankave qendrore dhe paranë e emetuar prej tyre.

Në zemër të projektit të euros digjitale është objektivi për të ruajtur lidhjen mes qytetarëve dhe parave të bankës qendrore

Rusia është emër shumë europian, i vjedhur madje nga Kievi, ndaj ajo duhet të riquhet Moskovi.  Në media po qarkullon një peticion për këtë çështje, i cili rimerret në mediat perëndimore për t’i dhënë zë një ideje që nuk dihet ku qëndron veçse në logjikën e atyre që i fryjnë vetëm zjarrit.

Mediat shkruajnë se “presidenti Zelenskiy është i interesuar mbi këtë ide”, diçka që marketohet sikur kjo të jetë thënë në kuatrinat e Nostradamusit, apo në ndonjë ungjill apokrif.