Lajme

Ndodh që ndonjëherë të të vijë keq për ata që merren me politikë në Shqipëri. P.sh kur e njeh dikë personalisht, kur e rrëzojnë pa arsye, apo kur ka fatkeqësi familjare. Rrallë, por mund edhe të ndodhë. Çështja është se eliminimi i raportit human është provë e një krize shumë të thellë e cila herët apo vonë do prodhojë faturën e vet. Një ndër to është mosbesimi ndaj vendit, mungesa e optimizmit për funksionimin e shtetit etj..

Prishja e godinës së Teatrit Kombëtar e ka vrarë arsyen e protestës qytetare që është zëvendësuar nga protesta e partive politike. E cila është e destinuar të dështojë. 
Në përgjithësi opozitat e besueshme u bashkohen apo udhëheqin kauzat qytetare duke katalizuar ndryshimin politik të mundshëm. Në Shqipëri ndodh e kundërta. Opozita është  shndërruar në dezinfektant i protestës. Vërtet protesta e Teatrit u mbështet me militantë të PD-së, apo LSI-së, por asnjë qytetar i zakonshëm nuk ishte pro saj nisur nga numri i pjesëmarrësve. 

Ky është Erion Veliaj, kryetari i Bashkisë së Tiranës, i cili në një video 10 minutëshe u përpoq të shpjegonte vendimin e vështirë që sipas tij  iu desh të merrte për të hedhur në tokë me fadroma godinën e Teatrit Kombëtar.

Presidenti i Kinës, Xi Jinping ka njoftuar Organizatën Botërore të Shëndetësisë se vaksina kineze kundër CoVid-19 do të jetë e mirë e disponueshme për mbarë botën.

Në momentin kur vaksina të jetë gati dhe e disponueshme ajo do të ofrohet për të gjithë botën

Edi Rama publikon fotot e Teatrit të ri. Ky “lajm” që të ngjan si ato pakot që vinin nga jashtë dhe gëzonin mileti, rrëfen me foto mrekullinë arkitektonike të teatrit të ri.

Mirëpo nëse shohim fotot e z. Rama aty ka një hapësirë parazitare, bosh, pa funksion. Dhe është sipërfaqe jo e vogël.

Vallë të lihet ashtu një hapësirë e tillë? Ku i dihet, por kryeministri ndan me popullin aq sa i takon popullit të dijë.

Një nga artistët më të njohur të artit bashkëkohor, piktori Adrian Paci, i cili prej vitesh jeton në Itali, e cilëson shembjen e Teatrit aktin e fundit të braktisjes së tij nga politika.

Në një intervistë për TvT, Paci u shpreh se përgjegjëse për shkatërrimin e tij janë si partitë politike që janë në pushtet, edhe ato që përpiqen të fitojnë kredibilitet politik nga ky moment.

Ky më poshtë është mesazhi i kryebashkiakut të Tiranës, Erion Veliaj pas shembjes së Teatrit Kombëtar dhe pas protestave që vazhdojnë. Thelbi i mesazhit të tij është: Teatri i vjetër iku, të shohim të riun. Tipike. Dje fliste për pakica të zhurmshme, sot për opinione.

Puna e do që emocionet të kontrollohen edhe kur nuk është mesazhi që provokon, por vetë qenia e dikujt. Megjithatë është e udhës që pas këtij mesazhi, Tirana të zyrtarizojë Ditën e Urrejtjes, për të kujtuar poshtërimin që po tentohet përmes hipokrizisë. Më poshtë mesazhi i Veliajt: 

Akti i prishjes së Teatrit Kombëtar hoqi edhe mbulesën e fundit të atij që gjoja është konsensusi ynë shoqëror dhe politik. Këto ditë të fundit para prishjes, kryeministri, që është personalisht i përfshirë në këtë që ndodhi, iu referua disa herë të drejtës që një qeveri e votuar ka për të kryer akte të kësaj natyre. Është një sofizëm që nuk shtym më përpara asnjë lloj demagogjie. Nuk ka ndonjë socialist të thjeshtë, apo të rëndësishëm që të dijë të mbrojë këtë që ka ndodhur. Mundet të shfaqen duke brohoritur shefin e tyre, t’i bëjnë like dhe share videove dhe lajmeve, por kaq.

Protesta për Teatrin vazhdon ende në bulevard dhe siç shihet nga pamjet video pjesëmarrës në të po bëjnë thirrje për shpërndarjen e Parlamentit. Ndërkohë pritet që opozita të dalë me një qëndrim politik pas asaj që ka ndodhur në orët e para të mëngjesit: 

 Epilogu i mbijetesës së Teatrit Kombëtar na vuri para syve teatrin e shëmtuar të selive diplomatike në Tiranë. Atyre perëndimore. Disa seli nga BE-ja, Britania e Madhe janë shprehur të shqetësuara për situatën, se me këtë akt u ndërprenë mundësitë për dialog etj..Është një recital i rëdomtë gjoja partnerësh që i kemi parë të vënë shpesh ultimatume, të kritikojnë dhe vendosin afate.