Vdekja e Lucio Dalla-s i kap në befasi të gjithë

Ka vdekur Lucio Dalla, kant-autori italian i njohur në botë për një numër këngësh, por sidomos për atë me titull ‘Caruso’. Vdiq krejt pa pritur, në Zvicër, nga një atak kardiak. Bota muzikore përtej Adriatikut është në zi. Një numër kolegësh kanë reaguar në mënyrën e tyre me të marrë lajmin e vdekjes së Dalla-s.

Luciano Ligabue, ka shkruar një letër në facebook, të cilën e fillon me fjalët “ke qenë një nga njerëzit më të lirë që kam njohur”, dhe e përfundon me frazën “e quajnë kant-autor, por ky emërtim nuk thotë asgjë për të”. Në facebook bëhet i gjallë dhe Vasco Rossi, e shkruan duke e filluar me një frazë në gjuhën frënge: “C’est la vie. Vdekja arrin atëherë kur s’e pret, dhe ne s’jemi kurrë gati të presim lajme të tilla... Wiva Lucio Dalla!” Roberto Saviano shkruan në twitter: Të qoftë i lehtë dheu, Lucio! Gianni Morandi u ngashërue në TGUno, teksa fliste për të. Francesco de Gregori u shpreh më herët se të tjerët: “nuk kam fjalë; mos më pyesni, pasi jam pa fjalë”. Pippo Baudo: Jam i shkatërruar nga ky lajm. Ron kapet në telefon, por nuk ia del dot të thotë një fjalë të vetme; Jovanotti shkruan në twitter, se “jo, jo, s’është e mundur, nuk arrij ta besoj se ka vdekur”. Claudio Baglioni: ai ishte gjenial. Celentano: Nga sot e tutje bota do të jetë me më pak dritë. Antonello Venditti: Sot më ka vdekur një pjesë e rëndësishmja e imja.

Re.Pu.