Gjuha e Bashës në Washington dhe gjuha e Berishës në Tiranë

Lulzim Basha ka qenë ministër i brendshëm më 21 janar 2011, por nuk mbahet mend të ketë folur pas asaj ngjarjeje. Për herë të parë ka folur dje nga Washington-i, dhe ka thënë (sipas Panoramës): “Mendoj se është shumë e rëndësishme që procesi të ecë në parametrat e shtetit ligjor  dhe në këtë kuptim çdo aktor duhet të udhëhiqet pikërisht nga ligji  dhe nga nevoja për të ekzekutuar  brenda kornizës ligjore përgjegjësitë që ka”. E shihni? Nuk ju duket e çuditshme që flet si një njeri që e sheh nga jashtë e e nga larg këtë ngjarje, si një njeri që s’ka gisht fare, madje si një njeri që është i interesuar të bëhet një hetim e gjykim i drejtë? Ky qëndrim i tij nuk ka asgjë të përbashkët me qëndrimet e mentorit të tij në Tiranë; ky i fundit, edhe dje në grup parlamentar vijoi të inkurajonte hetimin parlamentar të asaj ngjarjeje, dhe të inkriminonte Ina Ramën.

Duket sikur Lulzim Basha e Sali Berisha s’kanë asnjë lidhje me sho-shoqin. Janë duke u divorcuar? Apo është një teatër i të parit që bëhet me amen-in e të dytit?

Re.Pu.