Nëpër kurthet “patriarkaliste” të leksikonit shqip
Në shkrimin e vet të fundit, të publikuar fillimisht në blogun ‘Peizazhet e Fjalës’ e të marrë më pas nga ‘respublica.al’ (shih linkun tonë: http://respublica.al/opinion/2013/11/23/si-te-zgjerojme-leks...), Eda Derhemi ish ngacmuar nga termi ‘çiqitëmizëm’ që unë e përdora në dy raste, duke e marrë hua nga Aurel Plasari, që nga ana e vet e kish coin-uar në një rrethanë të shkujdesur, në një shënim që kish bërë në profilin e tij në facebook, duke i dhënë kuptimin “indiferencë, moskokëçarje, etj” (Derhemi përmendte vetëm inicialet e Plasarit, dhe nuk e kuptova pse). Sipas Derhemit, kjo gjetje, që afërmendsh e ka burimin tek lokucioni ‘ç’i qi t’ëmën’, nga më të përdorshmit në zhargonin urban të gjuhës shqipe, është e pahijshme, e pashijshme, e dëmshme, seksiste, maskiliste, etj, e prandaj nuk duhet përdorur. Po citoj gërmë për gërmë Derhemin: “Neve si shoqëri na janë mësuar veshët me shprehjen, dhe kjo mund të krijojë përshtypjen se shprehja është bërë tashmë e padëmshme. Në fakt, nuk është hiç kështu. Gjuha jo veç shpreh, por edhe mban gjallë të njëjtën ideologji grua-urrejtëse.” Dhe pak më poshtë: “Hyrja e fjalës në çfarëdolloj diskursi, sado larg atij të akteve seksuale kafshërore ndëshkuese të nënkuptuara, e bart dhe e transferon kudo që gjendet, po atë peshë kulturore të një shoqërie tmerrësisht të pagdhendur, primitive dhe abuzive ndaj gruas. Kjo është një shëmti patriarkale që shoqëria jonë ende e ruan, dhe, duke legjitimuar shprehjen qoftë edhe në një kuptim tjetër, gazetari krijon një alibi të re kulturore dhe konfirmon se shprehja (bashkë me të edhe akti) indeksohet në ligjërim si e pranueshme.”
Shkrimi i Eda Derhemit është argëtues (në një moment, ajo sugjeron që në vend të termit ‘çiqitëmizëm’ të përdoren terma të tjera “që nuk e rëndojnë edhe më shumë antifeminizmin e kulturës sonë patriarkale”, si ‘pirdhinteizëm’, ‘mosçajbythizëm’, ‘kushpytizëm’), por ajo që lë shenjë është çalltisja polemike. Dhe në këtë pikë kam frikë se vetëm vrulli është i madh, sepse me goditjen ka dalë huq. Unë vetë pretendoj, ashtu si dhe Derhemi, se e kam hall ethosin e shoqërisë patriarkale shqiptare, me të gjitha përthyerjet praktike që ka ky ethos. Edhe në rastin konkret e pata një lloj ngurimi para se ta merrja prej Plasarit e ta shtija në punë për llogarinë time, dhe ngurimi ka qenë i lidhur me shqetësimet e Derhemit, por nuk është se hoqa shumë për ta bindur veten se t’i njohësh në çdo rrethanë lokucionit ‘ç’i qi t’ëmën’ një ngarkesë patriarkale është si të kërkosh të gjesh qimen në vezë. Ky lokucion, me shumë gjasë, e bart qysh në krye të herës një ngarkesë e motivim patriarkalist, gjë që të vjen ta besosh edhe prej trajtës veprore të foljes ‘qi’ e prej faktit që subjekti veprues është burri. Është burri që qi pra, dhe gruaja që qihet. Është kështu në shumicën e gjuhëve të botës. Apo mos vallë e gjitha ka lidhje me fiziologjinë e aktit seksual, ku praktikisht është mashkulli që bën një akt depërtues? Këtë nuk di ta them. Por edhe në mos pastë asnjë logjikë patrirkaliste (patriarkaliste në kuptimin: përbuzëse ndaj gruas) qysh në origjinë, kjo logjikë e ka përmbytur lokucionin më pas.
Me kalimin e kohës, megjithatë, lokucioni “i qi t’ëmën, a motrën, a robt e tjerë ‘me vrimë volitëse’” ka marrë formën e një tic-u ligjërimor që është tek-tuk asnjanës në planin kulturor. E di, në shumë raste kjo shprehje përdoret me ngarkesën e njohur fyese e poshtëruese për gratë, por të gjithë e dimë se në jetën e përditshme, në gojën tonë, të të gjithëve, ‘ç’i qi t’ëmën’ ka marrë formën e një shprehjeje krejt të pafajshme. Filmat e Hollywood-it janë të mbushura me sharjen ‘motherfucker’, dhe të shumtat e herëve kjo sharje ka formën e një shfrimi aspak seksist. Nuk është çudi që edhe vetë Eda ta ketë nxjerrë shumë shpesh nga goja këtë term, në anglisht a në shqip. Mund ta ketë nxjerrë nga goja, kuptohet, nëse në tentativën për ta përsosur harmoninë mes vetes e kauzës së saj në favor të barazisë mes gjinive, nuk ka gjetur ende mënyrën për t’u dhënë munxët të gjitha shprehive, që ajo vetë ka marrë në habitatet patriarkale ku është rrritur (edhe shoqëritë më të përparuara të botës së sotme janë sadopak patriarkale), s’ka gjë se këto shprehi nuk e bartin më atë virulencën e origjinës apo të qytetërimeve e kulturave që përbuzjen e gruas e kanë tipar dallues të tyrin edhe sot e kësaj dite.
Por unë jam i sigurtë se Derhemi nuk ia ka dalë “ta përsosë veten” e ta ngrejë atë në lartësinë e kauzës së vet. Sepse duket e pamundur, tek-tuk dhe e panevojshme, një gjë e tillë. Sikur të isha në vend të saj, më shumë do t’u sulesha ideologjive e doktrinave mizogjine, siç janë fetë dhe librat e shenjtë të tyre, të cilat përbëjnë themelin patriarkalist të njerëzimit, dhe më pak, ose aspak, lokucioneve ‘ç’i qi t’ëmën”, ‘ç’i qi motrën’, termit patriarkal ‘mankind’ (pse jo womankind?, do thosh Eda), apo përemrit mashkullor ‘ata’ që shpesh herë shtihet në punë për të kualifikuar grupe të papërcaktuara apo të përziera në pikëpamje gjinore, apo ku di unë se ç’çikërrime tjetër.
Edhe nëse këtë diskutim e sjellim në terrenin konkret të Shqipërisë, duhet thënë se vëmendjen duhet të na e tërheqin shfaqje të dhunshme e dramatike të natyrës patriarkale të shoqërisë sonë. Nuk them se Derhemi nuk e ka bërë këtë. E ka bërë. Por duhet bërë më shumë. Madje, vëmendja jonë duhet drejtuar ekskluzivisht tek këto shfaqje (nuk po sjell shembuj, pasi nuk di ç’të zgjedh më parë). Ndryshe i bie që të merremi me gjininë e engjëjve, siç bënte në mesin e shekullit XV nomenklatura e topitur dhe e ngeshme e Kostandinopojës bizantine, teksa Sulltani Mehmet II e kish rrethuar këtë të fundit. Po e kishin kot pasi, përveç të tjerash, edhe engjëjt janë burra, në ngjashmëri me krijuesin e tyre, apo me Atë që i ka mandatuar për ta përfaqësuar edhe në angaritë e botës sonë, me Atë pra që në fetë e mëdha abrahamike është, gjithashtu, në imazhin e burrit. Dhe s’ka se si të jetë ndryshe, ngaqë fetë abrahamike kanë lindur në kohë sundimesh patriarkale, në ato kohë që kanë pjellë dhe shprehjen “ç’i qi t’ëmën” me një ngarkesë fyese e poshtëruese për gratë. Fetë, ku më shumë e ku më pak, vijojnë ta bartin edhe praktikisht këtë qasje, ndërsa shprehja “ç’i qi t’ëmën”, në të shumtën e herëve, është thjesht një trajtë ligjërimore e zhveshur prej semantikës mizogjine të origjinës a të traditës. Në mos, është një çikërrimë.
Botuar në DITA
Comments
Ngele duke promovuar ateizmin
<p>Ngele duke promovuar ateizmin o Mustafa. Sikur ta ka njeri borxh faktin qe ti nuk beson. Harron diçka veçse; qe nje besimtar te kthehet ne ateist, duhet te humbase diçka ashtu sikurse nje ateist te kthehet ne besimtar, duhet te fitoje diçka. Ne te dyja rastet, nje besimtar ka diçka me shume, behet fjale per besimin Mustafa, qe ti e injoron se nuk e ke. Gjithsesi, sot eshte dita e Shenjtores Ana, te emes te se Tereshenjtes Mari, te dyja femra o Mustafa.</p>
Ngele duke promovuar
<p><span style="font-family: Arial, Verdana, Helvetica; font-size: 13px; line-height: 22.4375px;">Ngele duke promovuar fanatizmin fetar o Andrea. Sikur ta ka njeri borxh faktin qe ti beson. Harron diçka veçse; qe nje besimtar te kthehet ne ateist, duhet te fitoje dicka ashtu sikurse nje ateist te kthehet ne besimtar, duhet te humbase diçka. Ne te dyja rastet, nje besimtar ka diçka me pak, behet fjale per mendjen e hapur dhe logjiken o Andrea, qe ti e injoron se nuk e ke. Gjithsesi, sot eshte dita e Maria Magdalenes,asaj qe e zinin me gure o Andrea. Apo ti pret diten e Inkuizicionit ,qe i trajtonte femrat me keq se patriarkalizmi.</span></p><p><span style="font-family: Arial, Verdana, Helvetica; font-size: 13px; line-height: 22.4375px;">ps- here tjeter per fanatizmin shko e shkruaj tek Zani larte apo Hylli drites....</span></p>
Besimi ne zot dhe mendja e
<p>Besimi ne zot dhe mendja e hapur nuk jane aspak ne alternative me njera tjetren. Po kujt i mungon njera nga te dyja, i levrdis ti paraqese si te tilla. Si gjithnje njeriu defiçitar, perpiqet te justifikoje defiçitin ne emer te nje "zgjedhjeje alternative". Nuk eshte faji juaj qe ju mungon besimi pasi ky i fundit eshte nje dhurate dhe jo zotesi, po eshte faji juaj qe sulmoni vazhdbhundes wifeimisht ate qe nuk keni. Rruget e zotit jane te pafundme. Kjo eshte nje urim nga ne dhe nje shprese per ju. </p>
Tako, pse s'mbyllesh ne
<p>Tako, pse s'mbyllesh ne ndonje qele e te mesosh permendesh germe per germe dhjaten e re e te vjeter bashke se kot na besdis ketu me propagande paranoikesh. ok, jul?</p>
Nuk besoj se duhet te te
<p>Nuk besoj se duhet te te shqehtesoje se çfare duhet te beje une, po çfare duhet te besh ti. Por si gjithnje defiçitaret pretendojne nga te tjeret per te evituar veshtrimin brenda vehtes se tyre. </p>
ky eshte artikulli i trete
<p>ky eshte artikulli i trete per çikitemen...Ishalla nuk replikon prape Derhemi,se do shkoje dhjetori me çikitemen dhe do na mesohet goja edhe neve.</p>
çiqinanizëm, çiqinonizëm,
<p>çiqinanizëm, çiqinonizëm, çiqinënizëm etj. nga Nano-Derhemi.</p>
Kjo eshte absurde - te thuash
<p>Kjo eshte absurde - te thuash qe disa shprehje te caktuara, pervec ngarkese banalizuese qe bartin, nuk kane asnje konotacion fyes per gjysmen femerre te popullates boterore eshte enderr me sy hapur. E pra per konotacionin e theksuar seksual/seksist qe bart shprehja ne fjale. E dyta, edhe ne qofte nje rudiment i periudhave apo mentaliteteve Abrahamike, shprehje qe kujtojne skllaverine dhe nenvleftesojne nje kategori te caktuar apo nje race te vecante ne tere boten jane cilesuar jo te pershtateshme.</p><p>Se fundi, keto jane shprehje qe ne Shqiperi rendm perdoren vec ne ambiente te dominuara nga meshkujt dhe ne mbi 90% te rasteve evitohet perdorimi i tyre ne prezence te femrave, sado qe tradita e tyre Abrahamike eshte po aq e cilesuar sa ajo e meshkujve qe perdorin shprehje te tilla. Argumentat si ato te mesiprmet nuk jane gje tjeter vec sofizma.</p><p>Megjithe simpatine per z. Nano dhe admirimin per punen e mire qe ai pergjithesisht ben per inkurajimin e nje gazetarie te pavarur dhe dinjitoze, argumenti ne fale eshte i pambrojtshem logjikisht. Aq me teper qe zgjatja e nje diskutimi qe pavaresisht syjnimeve te tij, nuk ben gje tjeter vec lakon nje fjalor banal nuk i sherben fare emancipimit as te gazetarise e as te shoqerise ne pergjithesi.</p>
@Astrit, Dua te ndaloj pak me
<p>@Astrit,</p><p>Dua te ndaloj pak me shume ne argumentin tuaj te fundit, ku ju, me shume te drejte , vini ne dukje faktin, se ne ambjentet familjare apo publike me prezence te femrave, ne 99% te rasteve, nuk eshte ne traditen shqiptare te flitet ne menyre vulgare, as te permenden fjale te cilesuara si te "ndyra" dhe aq me pak te perdoren sharje me "ta befsha apo ta kthefsha" nenen, motren apo grarine e fisit.</p><p>Ky ka qene nje rregull, nje tabu, dhe nese dikush kishte zakonin ta thyente kete tabu, nese do te guxonte, ky dikushi do te kishte namin dhe epitetin si "gojendyre", ose "goje shthurur" dhe ne pergjithsi, nuk gezonte ndonje emer apo respekt per ta pasur zili.</p><p> <span style="font-size: 1.2em; line-height: 1.7em;">Eshte vertet interesante te veresh etiken publike, pothuaj aristokratike, te ligjerimit shqiptar dhe te vetepermbajtjes se te shprehurit ne mjediset e perzjera persa i perket gjinise.</span></p><p>Dhe kjo etike ka qene, (nuk e di sa eshte tani), gjithperfshirese, ne te gjitha shtresat e popullates, te pasur dhe te varfer, fisnike dhe plebej, duke perbere nje nga pjeset kryesore e integritetit moral te njeriut dhe te komunitetit, pjese e fytyres publike te shoqerise shqiptare ne te gjitha trevat ku ajo jeton.</p><p>Kjo etike dhe vetesqime ligjeruese e popullatave te gjera shqiptare, ne nivelin dhe fisnikerine e saj , ka ekuivalente vetem me etiken e veshjeve popullore te tradides, pasuria, bukuria, shtrenjtesia dhe eleganca e te ciles, befason cdo studiues vendas apo te huaj, qe e ka pasur objekt te hulumtimeve te veta kostumnajen e veshjes popullore ceremoniale shqiptare.</p><p>Isamil Kadare, me se njehere e ka vene ne dukje ne veprat apo publicistiken e tij kete karatkteristike aristokratike te veshjeve shqiptare qe behet edhe me verbuese ne kushtet e nje popullate qe nuk ka lundruar ne lluks dhe ne pasuri dhe qe, pa dyshim, eshte relike e nje origjine dhe lashtesie siperore te shqiptareve. </p><p>Eda Derhemi, ne shkrimin e saj elegant dhe njeherazi pa shume skrupuj gjuhesore, ka vene ne dukje pikerisht ate qe kompromenton me se shumti Mustafa Nanon ne perdorimin e "ciqimitizmit", perdorimin e pretenduar te ketij termi, pa kuptimin perkates paresor te tij, qe eshte neglizhenca, qe eshte "vari hejbet".</p><p>Prej ketej, rrjedh edhe nje tipar vulgar, me dhe pa vend, i fjalorit te gazetarit apo publicistit Nano, qe i pelqen ti jape kolor artikullit nepermjet edhe vulgaritetit, duke rrezikuar keshtu te marre persiper akuzen, qe ja rendit nje nga komentusit e ketushem, kjo ndodh per shkak te kultures rurale te Nanos.</p><p>Nuk dua, apo me sakte, nuk mundem, per shkak te mungeses se kohes per kerkim si dhe per mungese njohurish adekuate te gateshme, te hyj ne diskutimin e tezes tjeter te Derhemit, dhe jo vetem te saj, qe perdorimi i "ciqitimizmit", eshte nje tendence denigruese dhe nje poshterim per femrat ne pergjithesi, i ngritur tashme ne nje nivel publik, nga perdorues te tipit Nano. </p><p>Por kam ndjesine, se kjo lloj terminologjie sharjesh, qe i takon gjithe botes maskiliste ne pergjithsi, jo vetem ne Shqiperi, nuk e ka aq me femren si objekt skllave seksi, se sa me perdoruesit e ketij objekti seksi, dmth mashkullit si posedues i saj.</p><p>Jo vetem ne martese, i ligjeruar nga betimi para dogmes, religjionit apo nepunesit civil, por edhe ne bashkjetese pa kurore, apo ne mardhenjet e lira dashurore boyfriend-girlfriend, posedimi seksual per perdorim vetiak i partnerit eshte nje atribut dhe nje e drejte e nenkuptuar, thyerja e te cilit, nenkupton prishjen e lidhjes dhe humbjen e te drejtes te posedimit seksual vetiak te partnerit.</p><p>Eshte pra, nje cpronesim dhe, nje lloj si cdo cpronesim tjeter i natyres pasurore apo teritoriale, prek resurset e mbijeteses dhe te riprodhimit, cenon te drejten natyrore, zakonore apo ligjore te posedimit dhe prandaj, perben fyerjen dhe kercenimin me te madh te mundshem ndaj nje individi mashkull.</p><p>Dhe prandaj, tej pertej historise se cdo vendi dhe popullate, fyerja superiore ka gjetur formen e vet ideale ne shprehjen "te befsha nenen", per te shkuar me tej, tek gjithe graria e shtepise dhe e fisit, si nje artikulim ligjeror i aksionit real, gjithperfshires i aplikuar tejpertej historise nga fitimtari ndaj te mundurit, me se pari roberimin dhe perdorimin seksual i grarise se te mundurit, cveshja e tij nga mundesia e perteritjes dhe riprodhimit, si dhe poshterimi moral dhe etik i atuve te tij.</p><p>Ky aksion nuk eshte bere per te poshteruar grate, pavaresisht konseguencave qe ato kishin.</p><p>Ky aksion eshte bere per te poshteruar burrat e tyre, qe ishin realisht ata qe ishin mundur dhe qe nuk mund ti nbronin dot ato.</p><p>Reminishenca te ketij aksioni, aq normal dhe moral per kohet e hershme historike, jane perdhunimet masive qe ushtrite e fitimtareve te koheve moderne, kane bere ndaj popullatave femerore te humbesve, jo thjesht si nje akt genocidist, sic njihet tashme, por si nje konfirmim i posedimit total te kundershtarit, nepermjet posedimit te femrave te tij, te cilat, ndryshe nga resorset e tjera pasurore qe edhe mund te shiten e blihen dhe mund te perdoren edhe nga perdorues te tjere , jane thjesht per perdorim vetiak seksual dhe riprodhues.</p><p>Ne kete kuptim, gjykoj, Mustafa Nano, duke perdorur publikisht "ciqimitizmin" nuk ka pasur qellim te dinigroje femre, ne pergjithsi, pra as zonjen Derhemi, ne vecanti.</p><p>Dhe as qe mendoj se, me kete perdorim, Nano i shton apo pakson mundesite e denigrimit te femres si objekt seksual i poseduar nga mashkulli, dhe as qe ndryshon natyren e rolit aktiv apo pasiv te femres gjate aktit sesual. Nuk e kemi ne shqipe, por ne anglisht, natyrshem, nje mashkull mund ta pyes nje femer: Do you want to fuck me?</p><p>Ajo qe Nano realisht ka rrezikuar, dhe jo vetem me kete shkrim, eshte vete emri i tij, cilesimi i tij si nje gazetar pak gojeshthurur! </p>
Mustafa, sikur ta shikoj
<p> </p><p>Mustafa,</p><p>sikur ta shikoj "merine burrerore", prej kendej ku jam merguar,</p><p>dhe sedren ballkanike, nuk e fsheh dot, si ti edhe tere ne meshkujt e lindur atje!</p><p>Bejme me mire te heshtim, jo thjesht se Derhemi ka te drejte, por se Femerorja ne ato troje do duhet</p><p>kujdesur e perkujdesur sa me shume. Se paku me Fjalen!</p><p>Dhe ti, Mustafa merresh me fjalen, me ate ushqehesh dhe me te po ben emer. Per shembull, ne hyrjen paraqitese </p><p>me Pellumb Kullen, vertete shkelqeve, e kam fjalen tek Fjala, perdorja e saj...</p><p>Keshtu qe lere menjane ate fjalen e Plasarit, qe jam i sigurt, po qesh nen musteqet tani qe ti po u del zot</p><p>qortimeve qe mund t'i ishin adresuar atij! Por Plasari e ka fituar kete status prej kohe, teksa ti, zor e fiton dot.</p><p>Jo se eshte ndonje hall i madh, por ti je tjeter, Much, ty te shkon tjeter gjuhe, Plasarit tjeter. Se edhe jetet i keni te ndryshe. Nuk kam asnje te drejte te levdoj jeten tende apo te qortoj te Plasarit ose anasjelltas, por jemi tek Fjala dhe tek fjalori yt, imazhi qe eshte krijuar per ty, nuk tingellojne natyrshem keto gjera, kurse Plasari s'ka kuptim pa keto "plasarizma" te fjales!</p><p>Mos e perdor ca kohe kete "plasarizem" dhe do shohç (do thoshte Kulla!, miqesisht) se ke marr borxh nje mall qe s'hyn dot ne inventarin tend!</p><p>Dhe ata te Hollywoodit, leri ne bedovane apo mallkimin e tyre! Ka edhe nje kategorie te tere njerezish qe ne nje </p><p>fjali emrin, kallzuesin, kundrinorin e tere pjeset e fjalise i kembejne me "motherfucker", por ne nuk po flasim per njerez qe rrojne si keta.</p><p>Edhe ne shqipe, ka jo pak "plasarizma" fjale te kesaj natyre dhe jane te mrekullueshme kur i perdorim ne mjedise te caktuara, ne raste te caktuara, por nuk besoj se (edhe ti si ne) ndjehemi mire kur kete fjalor e perdorim ne mjedise te buta njerezore...</p><p>Nuk je ne faj, o Njeri jo, Eda nuk e ka kurre ndermend kete akuze, as luften s'e do (se, ndryshe, do i ish kthyer Aurelianos!), por me qe ra fjala per Fjalen...</p><p> </p>
Me duket e gabuar idea se
<p>Me duket e gabuar idea se patriarkalizmi luftohet nepermjet shkrimit te fjaleve "banale ". Ka nje etike ku njeriu i ve kufi asaj qe quan morale dhe imorale. Per me teper do thoja se vetem eshte i demshem dhe shkakton vetem viktima. Ka raste te panumerta ku njerez te pafajshem kane rene viktima te luftes mes shoqerise dhe patriarkalizmit qe karakterizon shoqerine tone. Nga ana tjeter meqe patriarkalizmi nuk ka pushtet nuk ka sesi te jete problem per ate qe deshiron te shkruaje edhe terma hollivudiane dhe bulevardeske. Nese duhet te bejme nje krahasim banal i bie sikurse te shkruajme ashtu sikurse flasim ne jeten e perditeshme, ne familje, shoqeri, shkolle mes miqsh etj leksiku nderron sipas ketyre konfigurimeve te mesiperme. Dikush do te skandalizohej ashtu sikurse skandalizohet per perçundimin qe i behet gjuhes shqipe me zhargonin popullor si p.sh. ça ke bo, jam ktu, noshta, nojher, kaiher etj. per te mos folur per dialektet sidomos ate gege. Ne fund te fundit nuk ka pse ta zbukurojme, maskojme apo ti shtojme mbrapashtesa asaj qe eshte me e natyrshme e kam fjalen per shkrirjen e fjaleve dhe bishtin apo çi qi t'emen.</p>
Eda Derhemi duhet te shkoj
<p>Eda Derhemi duhet te shkoj per nje vizite ne Kosove dhe Metohi e atje i mesojne me shume metafora, qinonizma dhe qibothizma.</p>
Nje nga keshillat qe Don
<p>Nje nga keshillat qe Don Kishoti i jep Sanco Pances, te prokllamuar Gubernator te Xhabaries perafersisht thote: Fol me mburrje Sanco per zorzoperine e prejardhjes tende dhe as te mos te vij hicfare turp nga prejardhja jote bujqesore, kur piqesh dhe kuvendon me te tjeret... Dhe Mustafai i Skraparit, i zbritur kete cerekshekulli ne qytet, i duket se ben hyner kur perdor zhargonin me te paturpshem dhe vulgar, me qellimin e vetem per tu dukur interesant.</p>
Per kunderpeshe, femrat duhet
<p>Per kunderpeshe, femrat duhet te zhvillojne lokucionet " c'i qi baben" dhe rjedhimisht me pas, "c'iqibabizem", keshtu qe Eda do jete ne rregull.</p>
Or njerez, po a e merrni vesh
<p>Or njerez, po a e merrni vesh qe pa dashje po perepiqeni te na mbushni mendjen qe grave nuk u pelqen kur u behet ajo puna apo jo? Mjaft se ate pune e ka dhene Zoti (a natyra po te doni) dhe te gjitha palet e perfshira kenaqen e nuk vuajne. Sepse ky eshte thelbi i muhabetit......</p><p>Lojrat me fjale te Plasarit, dikujt mund t'i pelqejen dikujt mund te mos i pelqejne, dikush mund ti huazoje, dikush t'i percmoje....... po ato jane vetem kaq, lojera me fjale. Diskutimet "shkencore" rreth ca fjaleve banale nuk jane gje tjeter vecse banalitete.</p><p> </p>
Keto argumenta qe rendisni Z.
<p>Keto argumenta qe rendisni Z. Nano nuk ju ndihmojne por tingellojne me shume si perpelitje per t'u shfajesuar...Dhe ketu qendron dhe thelbi i gjithe kesaj historie, cfaredo justifikimesh pseudo akademike nuk mund te justifikojne perdorimin e nje togfjaleshi fyes per 51% te popullates. Se si, kur, pse, u perdor per here te pare apo per here te fundit nuk justifikojne faktin qe nuk duhet perdorur, te pakten jo nga ajo pjese e popullsise qe pretendon te drejtoje kulturen shqiptare si Z. Plasari, apo te perfaqesoje denjesisht gazetarine shqiptare si Zoteria Juaj.</p><p>Sa per shembullin Hollywood-ian, ju lutem, shpresoj qe te keni qene duke bere shaka... Nuk mund te merret si shembull Hollywood-i. Do ju kuptoja nqs ju do ishit duke krahasuar humorin e degraduar shqiptar te momentit por jo shkrime ne gazeta apo ese' nga gjuhetare apo eseiste. Ne SHBA, nuk behet fjale qe shprehje te tilla te thuhen e jo me te shkruhen nga njerez qe i perkasin elites kulturore dhe ne pergjithesi shoqerore te vendit. Nqs dikush qofte edhe do i shpetonte nje shprehje e tille ne merzitje e siper, te jeni i sigurt qe do kerkonte falje... Demin shpirteror dhe moral qe perdorimi i ketij togfjaleshi shkakton sa here qe thuhet e kuptojne vajzat dhe grate shqiptare, qe jetojne mes imoralitetit dhe sjelljes kafsherore te meshkujve shqiptare. Nuk eshte nje sjellje e pergjithshme, po eshte dominante, sidomos ne zonat rurale...</p><p>Le ti leme imitimet e shemtuara te sjelljeve ne TV qe vijne prej Hollywwod-it, jo vetem t'i leme, por t'i injorojme dhe te kerkojme me te miren per shoqerine. Jeta nuk eshte Hollywood Z. Nano, jo ne Shqiperi, por as edhe ne Amerike (besoj kete e dini, por akoma nuk arrij t'a besoj qe shikoni nga Holliwood-i per te argumentuar perdorimin e kesaj shprehjeje).</p>
Keshtu ndodh kur ne gazetari
<p>Keshtu ndodh kur ne gazetari gabimisht, hyjne dhe jane ne mode, gazetare qe femijerine , kohen e rinise deedukimin e kane mare ne ambiente te prapambetura fshatareske te thella si ne Corovode dhe rreth e rrotull Tepelenes.</p><p>Fjalet qe perdo shoku jane te denja per ambiente te ngushta shoqerore ne momente cakerqejfi shkakta nga avujt e rakise.</p><p>Duhet ditur se keto lloj fjalesh i lexojne dhe nenat dhe motrat tona perfshi ketu dhe te ketj shoku qe "eshte gege", megjithse nuk dihet qe ne Corovode te kete pasur gege pervec ndonje oficer drejtues te reparteve apo garnizoneve ushtarake!</p><p>Gjithsesi nano eshte i prirur dhe mburet duke bere dicka jo normale qe te beje sensasion apo te provokoje lexuesit dhe shqiptaret! Ka lloj lloj kenaqesish ne kete jete me te shumtat e te cilave kane ne baze te tyre vesin!</p>
E gjitha eshte thjesht nje
<p>E gjitha eshte thjesht nje varileshtizem.Plasari ka nevoje te perdori fjale te tilla ,sepse do te vertetoje qe ecura dhe e folura e tij jane te vetmet devijanca qe ,sipas tij,nuk mjaftojne per te hedhur dyshime mbi seksualitetin e tij.Ndersa mustaqet dhe fjalet e pista jane "prova" ku na thote :a nuk e shihni qe dhe une jam burre!</p><p>Patriarkalizmi egziston atje ku femra eshte me paafta ne cift.Pra nuk eshte shoqeria qe e nxit ,por thjesht aftesia apo paaftesia e njerit prej anetareve te ciftit.Nese ti ,si grua,nuk ke intelekt te mjaftueshem per ta barazuar veten me burrin,nese di te besh vetem byrek dhe te lash enet,nese vetem burri bie para ne shtepi dhe ti di vetem ta presesh te dera..atehere mos u anko per patriarkalizem,por per paaftesizem per veten tende.Nese gruaja nuk di ti cucurisi ne vesh dhe nuk di tia corboje mendjen burrit,eshte paaftesia e saj-nuk eshte patriarkalizem-te vazhdoje te krruaje enet.Aq meriton!</p>
Add new comment