Shpend Ahmeti: Ja e vërteta mbi takimet e VV-së me ministra të Tadiçit

Para dy ditësh dhamë lajmin, se kryeministri i Kosovës, Hashim Thaçi, u është drejtuar në parlament deputetëve të Vetvendosjes me fjalët: “Na shpjegoni pak se si e se pse jeni takuar me ministrat e Tadiçit, dhe çfarë keni biseduar me ta!” La të kuptohej se dinte ca gjëra që të tjerët nuk i dinin dhe që eksponentët e VV-së i fshihnin. E vërteta u mor vesh sot. Shpend Ahmeti, deputet dhe nënkryetar i VV-së, tha se “nuk është i sigurt se cilit takim i është referuar Thaçi, por nëse flet për konferencën e mbajtur në Vjenë, [Ahmeti] aty ka përfaqësuar Vetvendosjen dhe se ka qenë bashkë me anëtarët e të gjitha partive parlamentare të Kosovës. Vetvendosja nuk mban takime të fshehta, nuk ka asgjë të fshehtë, nuk mban sekrete. Nuk mund të barazohet një takim i kryeministrit me dikë që ia heqin emrin Republikë, me Vetvendosjen që na paska qenë në Vjenë dhe paska prezantuar qëndrimet e veta. [Takime të tilla] do të mbajmë edhe në të ardhmen”.

Me pak fjalë, Thaçi paska ditur një gjë që e paskan ditur të gjithë.

Re.Pu.