rus

Tërmet politik ka shkaktuar në Austri, një filmim i fshehtë ku partneri i të djathtës radikale në koalicionin qeverisës zv/kancelari Hainc-Kristian Shtrahe i kërkon ndihmë financiare mbesës së një oligarku rus.

Videoja daton pak para zgjedhjeve të përgjithshme të tetorit 2017, ku Partia e Lirisë u rendit e treta në zgjedhje, çka i mundësoi Shtrahes postin e zv/kancelarit.

Anullimin nga Bashkimi Europian të gazjellësit “Nord Stream II” kërkojnë ambasadorët e SHBA në Gjermani, Danimarkë dhe BE në një një artikull për DË.

"Varësia e BE-së nga gazi rus e vendos Evropën dhe gjithë Perëndimin në rrezik  dhe na bën gjithmonë e më pak të sigurt. «Nord Stream II» do të rrisë më tej predispozicion Evropës ndaj shantazhit rus në sektorin e energjisë" shkruajnë ata duke shtuar se «Nord Stream II» jo vetëm që do të transportojë gazin rus, por do të zgjerohet ndikimi i Rusisë në Evropë nëpërmjet detit lindor.

Lideri serb i Bosnjës, Milorad Dodik, udhëtoi në Rusi për një garë të Formula 1, jo se është ndonjë tifoz i madh sportit, por për t’u takuar me presidentin rus Vladimir Putin. Pamjet nga Soçi tregonin Putin duke uruar Dodik për "sukses" në zgjedhjet serbe të Bosnjës dhe rajonin autonom të kontrolluar nga serbët, Republika Srpska.

Videoja ishte një shprehje e qartë e ndikimit rus në një nga zonat më të ndjeshme të Ballkanit, ku Perëndimi ka kërkuar të nxisë pajtimin dhe reforma pas luftës së ashpër mes grupeve të ndryshme etnike në vitet 1990.

Baktere të gjalla të cilat mund të kenë origjinë jashtëtokësore u gjetën në sipërfaqen e Stacionit Ndërkombëtar të Hapësirës (ISS). Mikroorganizmat sipas kosmonautit rus, Anton Shkaplerov do të studiohen më tej në Tokë.

"Bakteret nuk kishin qenë aty gjatë nisjes së stacionit.  Pra, ata kanë fluturuar nga diku në hapësirë ​​dhe janë vendosur në anën e jashtme"-deklaroi Shkaplerov duke shtuar se mikroorganizmat mund të kenë ardhur nga hapësira e jashtme.

Regjisori i njohur rus, Aleksandër Sokurov, i cili ndodhet në Shqipëri për realizimin e një filmi të bazuar mbi skenarin e Ismail Kadaresë ka dhënë një intervistë për emisionin “Kapital” të gazetarit Aleksandër Furxhi ku ka shprehur impresionet e tij për Shqipërinë. Si regjisor me eksperiencë, fitues i 20 çmimeve në festivale ndërkombëtare të filmit ai pranon se arti dhe politika është një raport bashkëveprimi që dirigjohet nga interesat e udhëheqësve politikë sidomos në vende me tipare autokratike.

Dëshmi për kushtet çnjerëzore të  rusëve gjatë rrethimit të Leningradit nga forcat e Boshtit, sjell historiani Alexis Peri i Universitetit të Bostonit. Gjatë kërkimit në arkivat ruse ai ka gjetur ditare ku janë shënuar raste kanibalizmi gjatë rrethimit që zgjati 872 ditë ( nga shtatori 1941 - në janar 1944). 
Peri i ka përmbledhur dëshmitë e gjetura në një libër të titulluar "The war within: Diaries From The Siege of Leningran"

Një avion ushtarak rus i tipit TU-154 me 84 persona në bord dhe 8 anëtarë të stafit u rrëzua në Detin e Zi, pak minuta pas ngritjes së tij nga aeroporti i Soçit. Në të udhëtonin gazetarë, personale ushtarake dhe 64 muzikantë dhe valltarë nga ansambli i ushtrisë. Avioni do të ulej në bazën ushtarake të Hmaimim të Sirisë. Burime nga Sputnik thanë se dyshimet e para janë për një defekt teknik apo gabim njerëzor të pilotit pasi kushtet atmosferike ishin normale për fluturim.

Ambasadori i Rusisë në Turqi, Andrei Karlov u sulmua me armë nga një oficer i policisë turke, teksa ndodhej në një ekspozitë arti në Ankara. Sipas CNN Turk, diplomati rus ndërroi jetë pak momente pasi u qëllua. Karlovy u sulmua  teksa ishte duke mbajtur fjalimin në këtë ekspozitë në kryeqytetin turk. Sulmi vjen një ditë para se ministri i Jashtëm turk të shkojë në Moskë për bisedime homologun rus dhe iranian mbi situatën në Siri. 

Një mercenar rus, Arseniy Pavlov, i njohur me nofkën “Motorola” është vrarë dje në Donetsk të Ukrainës. Kreu i separatistëve ukrainas, Denis Pushilin e cilësoi vrasjen nga shpërthimi si një akt terrorist dhe akuzoi për të forcat ukrainase. Tragjikomedia e këtij akti vijon kur kreu i republikës së vetëshpallur në Ukrainë, Alexander Zakharchenko, e cilësoi vrasjen e një mercenari si akt lufte nga Kievi.

Një drejtues i një anijeje transporti 129 m të gjatë, u deh dhe me shpejtësi maksimale iu drejtua brigjeve skoceze. Ngjarja është e vërtetë dhe ka për protagonist një kapiten rus të transportueses “Lysblink Seaëays”, 7000 tonëshe, i cili pasi kishte pirë gjysmë litri rum devijoi itinerarin dhe u përplas në Kilchoan, në gadishullin Ardnamurchan më 18 shkurt të këtij viti. Anija u dëmtua rëndë dhe tani shkon për skrap.