vdes

Ndërroi jetë në moshën 77-vjeçare, regjisori i madh italian Bernardo Bertolucci. I konsideruar si një "mësues" i filmit, Bertolucci është nderuar me Palmën e Artë në Festivalin e Filmit në Kanë në vitin 2011, ndërsa është konsideruar si maestro i fundit i kinemasë italiane.

Bertolucci, biri i poetit Giuseppe Bertolucci ka lindur në Parma më 16 mars 1940. Para karrierës në kinema , ai u dallua me disa çmime letrare. Bertolucci ishte ateist dhe marksist në bindje.

Fizikani i shquar britanik dhe kozmologu Stephen Hawking vdiq të mërkurën në moshën 76 vjeç në shtëpinë e tij në Kembrixh."Ndiejmë keqardhje të madhe për vdekjen e babait tonë të dashur, i cili ishte njeri i rrallë dhe një shkencëtar i madh, puna e të cilit do të jetojë për shumë vite”-thuhet në një deklaratë të familjes.

Charles Manson ndërroi jetë të hënën në moshën 83 vjeçare. Vrasësi serial amerikan ishte shtruar në spital javën e kaluar, ndërsa shëndeti i tij po përkeqësohej gradualisht. Ai ishte një nga vrasësit më famëkeq në SHBA, i cili ka qenë në burg për më shumë se 45 vjet.

Ndërroi  jetë në moshën 66 vjeçare, Hajrie Rondo një nga aktoret më të spikatura të teatrit dhe kinemasë shqiptare. E lindur në vitin 1951 në Delvinë ajo  ka luajtur rreth 120 role në teatër dhe rreth 40 role në filma. Gjendja e saj u përkeqësua në vitin 2013 kur nisi një kalvar të gjatë terapish kundër dy sëmundjeve që prekën shëndetin e saj. Rondo do të mbahet mend për rolin e Tanës në filmin “Përrallë nga e kaluara” me regji të Dhimitër Anagnostit, ndërsa ka intepretuar në filma si  “Kush vdes në këmbë - (1984) në rolin e  Linës.

Vdiq sot në një spital në Romë, në moshën 58-vjeçare, Pino Pelosi, i cili ishte dënuar si vrasësi i i shkrimtarit  dhe poetit të njohur italian, Pier Paolo Pasolini.  Pasolini u vra më 2 nëntor, 1975 në zonën bregdetare të Ostias, pranë Romës. Po atë ditë u arrestua e duke ngarë makinën që i përkiste poetit italian me famë ndërkombëtare. Pelosi u dënua nga gjykata për vrasje në bashkëpunim. Megjithatë, Gjykata e Apelit dhe Gjykata e Lartë e Italisë, arritën në përfundimin se Pino Pelosi e vrau i vetëm Pasolinin, pa asnjë bashkëpunëtor.

Ish-diktatori i Panamasë, Manuel Noriega ka ndërruar jetë në moshën 83 vjeçare pas një operacioni në tru. Vdekja e tij u njoftua nga Presidenti aktual i Panamasë, Juan Carlos Varela. Noriega sundoi Panamanë nga 1983 deri më 1989. Ai ishte spiun i CIA-s, deri në ndërhyrjen e SHBA-së dhe përmbysjen e qeverisë së tij të korruptuar.  Gjatë qeverisjes së tij ai kishte bashkëpunuar me shitësit e drogës si Pablo Escobar. Noriega u dënua fillimisht në SHBA në vitin 1992 dhe u burgos në Panama deri në vdekjen e tij.

Babai i Revolucionit Kuban, Fidel Castro ka vdekur natën e së premtes në Havanë në moshën 90 vjeçare. Njoftimin e bëri presidenti i Kubës dhe vëllai i tij Raul Kastro, i cili pasoi atë në pushtet në vitin 2006. "Komandanti i Revolucionit Kuban vdiq në 22:29 në mbrëmje"- ka thënë Raul Castro në fjalimin e tij që u transmetua drejtpërdrejt nga televizioni publik në Kubë. Me dëshirën e tij trupi do të digjet.

Leonard Cohen, poeti dhe këngëtari i muzikës rock, interpretimet e të cilit depërtuan thellë në mistikën e besimit dhe erosit, ndërroi jetë në moshën 82 vjeçare. "Kemi humbur një nga krijuesit më vizionarë"-shkruhet në njoftimin për vdekjen e tij. Forca lirike e vargjeve të tij u përqafua shumë shpejt nga miliona njerëz në mbarë botën që audhuruan muzikën e tij.

Regjisori, aktori dhe shkrimtari i çmimit Nobel në letërsi, Dario Fo ndërroi jetë pas një pneumonie të rëndë në moshën 90 vjeçare. Biri i një drejtori hekurudhash që ndërronte shpesh vendbanimin për shkak të punës, Dario Fo ndoqi filimisht gjurmët e të atit si aktor i majtë joprofesionist.
Në vitin 1940 Dario u transferua në Milano për të studiuar arkitekturë në Brera Art Academy, por Lufta e Dytë Botërore i prishi planet. Familja e tij mori pjesë në luftën antifashiste, duke ndihmuar ushtarë të forcave aleate të kalonin drejt Zvicrës. .

Ish-presidenti i Izraelit i vlerësuar me çmimin Nobel të Paqes, Shimon Perez ndërroi jetë në moshëm 93 vjeçare pas një goditje cerebrale në tru. Me vdekjen e tij Izraeli humbet një nga fizionimitë më të spikatura të politikës dhe diolomacisë. Ai konsiderohet një nga arkitektët e marrëveshjes së Oslos që i hapi rrugë autonomisë së palestinezëve në vitin 1990