vdekja

Ka ndërruar jetë në moshën 84 vjeçare, poeti i njohur rus, Yevgeni Yevtushenko. Poeti ka ndërruar jetë në SHBA dhe i ishte nënshtruar një trajtimi mjekësor që nga 12 marsi. Ai është nominuar për Nobel në Letërsi në vitin 1963 dhe mori famë që në atë kohë. Yevtushenko ka shkruar mbi 150 libra, jo vetëm poezi, dhe ka disa përkthime edhe në shqip. Më e njohura prej tij është poema Babi Yar. 

Ka ndërruar jetë(dje) në moshën 78 vjeçarae filozofi bullgar Tzvetan Todorov. Ai lindi në vitin 1939 dhe në vitin 1960 u vendos në Francë për t’I shpëtuar regjimit komunist në vendin e origjinës. Një mendimtar origjinal që publikoi 21 libra, mes të cilëve Hyrje në Poetikë, Konkuista e Amerikës, Parimi Dialogjik, Përballja me Ekstremen: Jeta morale në Kampet e Përqendrimit etj.. Ndërhyrjet e tij publike kanë patur temë kryesisht terrorizmin, mënyrën e reagimit ndaj dhunës, duke dalë kundër asaj që ai e quante “filantropia e akteve ushtarake”.

Ka ndërruar jetë në moshën 86 vjeçare Dritëro Agolli. Shkrimtar i njohur i jetës letrare shqiptare, Agolli e nisi karrierën si gazetar. Lëvroi prozën dhe poezinë, nga të cilat disa njohën edhe famë në Shqipëri. Agolli kishte edhe angazhim politik. Ai ka qenë ndër njerëzit e besuar të regjimit të Enver Hoxhës në detyrën e Kryetarit të Lidhjes së Shkrimtarëve. Me funksione edhe në parti, Agolli kërkoi reformimin e PPSh-së në kongresin e vitit 1991. Ishte prezent me krijime edhe gjatë tranzicionit, por edhe me kontribute në publicistikë. 

Është ndarë nga jeta në moshën 83 vjeçare këngëtarja Anita Take. Ajo i përket një brezi të hershëm, ndër të parët e muzikës së lehtë shqiptare. Take veçohej për zërin e ëmbël dhe performancën e ngrohtë në këngë që do të kujtohen si “Më do apo s’më do”, “Në mes të gushës ke një pikë” etj..
Ajo është nderuar me urdhërin “Naim Frashëri i Artë”. 

George Michael, këngëtari i mirënjohur i popit ka ndërruar jetë në moshën 53 vjeçare. Lajmi është bërë i njohur nga publikuesi i tij dhe është raportuar fillimisht nga BBC. Michael ka ndërruar jetë në gjumë dhe sipas asaj që thuhet deri më tani “vdekja ka ardhur për shkaqe të panjohura, por jo të dyshimta”.

Ndërkohë menaxheri i tij Michale Lippman deklarois e Michael vdiq si pasojë e infarktit, “në krevat, i shtrirë në paqe”.

Andrea Stefani, gazetar dhe opinionist i njohur, ka ndërruar jetë. Stefani vuante nga një sëmundje e rëndë të cilën nuk ka arritur ta tejkalojë, pavarësisht ndërhyrjes së mjekëve. Stefani hyn tek ata opinionistë që nisi punën si gazetar nga terreni: fillimisht në gazetën “Puna” në vitin 1989, në vitin 1993 në “Gazeta Shqiptare”, pastaj në gazetën “Rilindja” të Kosovës që botohej në Tiranë.

Prej vitit 1997, ku shtypi shqiptar fitoi një tjetër dinamikë Stefani u angazhua me “Shekulli”, “Shqip”, “Dita” si opinionist.

Vdekja e Fidel Kastros ka hapur një mundësi të re për Kubën, prej nga ku do të shtrohet modeli I së ardhmes edhe për Amerikën Latine. Ndonëse u kritikua dhe akuzua si tiran e kriminel, lideri kuban ishte pikë referimi në një continent ku e majta revolucionare gjallon ende, qoftë edhe si paradigm gjuhësore.

Ka ndërruar jetë në moshën 90 vjeçare ish presidenti grek, Konstandions Stephanopoulos. Ai shërbeu për dy mandate si president i Greqisë, nga vitet 1995-2005 dhe I përkiste krahur konservator. Stephanopoulos ka vizituar edhe Shqipërinë gjatë qeverisjes së socialistëve pas vitit 1997.

Ka ndërruar jetë në moshën 92 vjeçare historiani Arben Puto. I lindur në Gjirokastër në vitin 1924, Puto përfundoi Liceun e Korçës në vitet 1935-39. Ai u diplomua në Universitetin e Moskës për Drejtësi në vitin 1951 dhe mandej nis karrierën si profesor dhe historian i çështjeve të diplomacisë. Në periudhën e para viteve ’90, ishte i njohur libri i tij “Pavarësia shqiptare dhe diplomacia e Fuqive të Mëdha”, i cili trajtonte pavarësimin e Shqipërisë në kontekstin e shthurjes së Perandorisë Osmane dhe antagonizmit të fuqive imperialiste, siç quheshin askohe.

Erjon Veliaj, kryetar i Bashkisë Tiranë ka qenë sot i ftuar në emisionin “Top-Story” ku ka folur për vdekjen e Ardit Gjoklajt në Landfillin e Sharrës. Ja çfarë thotë Veliaj:

“Mund të ndodhte kudo...Ajo që ka ndodhur është e dhimbshme...Kompania që u paraqit, nëse provohet, nëse është e vërtetë, që e kanë shkelur Kodin e Punës le të përgjigjen para drejtësisë. Ky shtet ka inspektorë për çdo gjë, ka Inspektoriat të punës, inspektorët e rregullave të punës të vepronin” u shpreh Veliaj.