Turqia

Perëndimi me SHBA në krye ka dhënë sot një tjetër shfaqje të pozicionit qesharak që ka marrë në botë për shkak të inkoherencës së madhe që ka krijuar mes predikimit për paqe, ligjit ndërkombëtar që e ka imponuar vetë dhe nevojës për të bërë çfarë i leveridis kudo. Rasti e solli që të jetë Turqia në pozitën e vendit që ka nevojë sot për mbështetje. Po ajo Turqi që sillet pa pyetur shumë për SHBA dhe BE kur vjen puna për situatën në Siri, apo blerjen e sistemeve mbrojtëse ruse.

Bullgaria ka njoftuar se është e gatshme të dislokojë 1000 trupa ushtarake në kufi me Turqinë qëllim ndalimin apo frenimin e fluksit migrator që ka nisur me hapjen e dyerve nga Ankaraja zyrtare. Policia kufitare ka ndaluar sot dy grupe me nga 30 refugjatë  që po tentonin të hynin në Bullgari, ndërkohë që në vitin 2015, ky vend nuk përjetoi valë migratore.

Sofja zyrtare ka bërë të ditur se nuk do të lejojë hyrjen e refugjatëve edhe në kuadër të masave kundër coronavirusit. Bullgaria ndan me Turqinë një kufi prej rreth 300 km të gjatë.

Marrëdhëniet mes Turqisë dhe SHBA-së po shkojnë nga divorci i një aleance strategjike drejt një bashkëjetese në rivalitet të paktën në zona interesi të lartë si Lindje e Mesme dhe Mesdheu Lindor. Duket se qasja reciproke e të dy vendeve nuk ka të bëjë me qëndrimet e një administrate apo tjetrës, por me interpretimin ideologjik dhe strategjik të qëllimeve politike të Turqisë

Memorandumi mes Turqisë dhe Libisë për Zonën Ekskluzive Ekonomike është përfshirë në bazën e të dhënave të Divizionit për Çështjet e Oqeanit dhe Ligjit të Detit në Organizatën e Kombeve të Bashkuara. Kjo lëvizje është interpretuar nga Ankaraja zyrtare si zyrtarizim i marrëveshjes me qeverinë e al-Sarraj dhe po kundërshtohet nga Athina zyrtare.

Një tjetër vend ka njohur atë që quhet si Genocidi Armen. Parlamenti sirian ka marrë vendimin e njohjes së përkufizimit të një ngjarjeje historike sipas së cilës Perandoria Osmane është përgjegjëse për vdekjen e 1.5 milionë armenëve në vitet 1915-1917. 

Parlamenti dënon dhe njeh genocidin e kryer ndaj armenëve nga otomanët në fillim të shekullit të 20-të

thuhet në deklaratën e Parlamentit sirian.

Turqia e Recep Tayyip Erdogan është duke kërkuar rrugët e një marrëveshjeje detare e Izraelin. Në një opinion publikuar në qendrën studimore izraelite, Besa Center, kolumnisti Burak Bekdil shkruan se memorandumi me Libinë është një model të cilin Ankaraja po synon ta aplikojë edhe me TelAvivin. 

Tensionet mes Greqisë dhe Turqisë në Mesdheun Lindor kanë përshkallëzuar drejt një niveli të ri duke u ndërkombëtarizuar më tej. Mediat greke raportojnë se aroplanmbajtësja francez, Charles De Gaulle po qëndron në Bllokun 8 që është pjesë e Zonës Ekskluzive të Qipros ku dy javët e fundit aty ka zhvilluar aktivitete kërkuese edhe anija turke Yavuz. 

Administrata amerikane e Donald Trump ka bërë të ditur se nuk do të sakrifikojë raportet me Ankaranë zyrtare as për një projekt të madh si gazsjellësi EastMed. Përveç qëndrimit ambig të presidentit Trump për këtë çështje, gjatë vizitës së kryeministrit grek, Kyriakos Mitsotakis në SHBA, edhe këshilltari për Sigurinë në Shtëpinë e Bardhë, Robert O’Brien ka përsëritur qëndrimin, duke kërkuar nga Greqia të mos përshkallëzojë politikën e vet.

Në një intervistë për gazetën greke “Kathimerini”, O’Brien ka thënë se SHBA inkurajon bashkëpumimin.

Rusia dhe Turqia po tentojnë të përsërisin në Libi atë që realizuan në Siri. Dy rivalët Sarraj dhe Haftar janë takuar në Moskë ku raportohet se janë njohur me një draft marrëveshje armëpushimi.

Agjencia ruse “Sputnik" raporton se dokumenti parashikon ndalimin e të gjitha operacioneve ofensive ushtarake dhe lidhur me këtë pikë Haftar ka kërkuar kohë deri të martën dhe mandej është larguar nga Moska pa firmosur. 
I njëjti dokument parashikon krijimin e një komisioni të përbashkët, krijimin e një linje beteje dhe shmangien e goditjeve të qyteteve kryesore. 

Në rrugën e Erdogan qëndrojnë vetëm fuqi rajonale. Memorandumi i Turqisë me qeverinë libiane të Tripolit për delimitimin e ujërave detare nuk ka sjellë mobilizimin diplomatik të ShBA siç pritej së paku nga Qipro dhe Greqia. 

Takimi i fundit i kryeministrit Mitsotakis me presidentin amerikan Donald Trump u provua si i papërmbushur në objektivin e arritjes së mbështetjes së pakushtëzuar amerikane për synimet dhe interesat greke. Trump nuk ka shprehur asnjë qëndrim të prerë në këtë drejtim duke e lënë fushën bosh dhe me aktorë që nuk janë në gjendje ta kërcënojnë presidentin turk.