teatri kombetar

Arkitekti Maks Velo ka deklaruar sot gjatë një fjale të mbajtur në protestën e artistëve kundër prishjes së Teatrit, se godina ekzistuese mund të rikonstruktohet. Mendimi i dhënë prej tij shko kundër idesë së promovuar së fundmi se godina nuk mund veçse të prishet. 

Më poshtë edhe deklarata e Sindikatës së Artistëve të Skenës dhe Ekranit dhe Sindikatës së Pavarur të Artistëve të Teatrit Kombëtar që hedh poshtë pretendimet e z. Veliaj se kompromisi është afër. 

Dy aspekte të debatit

Do desha ta ndaj çështjen e teatrit në dy aspekte: duhet ruajtur apo duhet bërë teatër i ri. Sigurisht që ky teatër ekzistues nuk është i mjaftueshëm për një teatër dhe qendër kulturore reale për një kryeqytet. Pra ku ka salla dytësore ku zhvillohen edhe aktivitete të tjera. Atëherë në këtë rast bëhet pyetja: këtë teatër duhet ta ruajmë dhe të bëjmë një tjetër diku gjetkë, apo do prishim këtë teatër dhe do bëjmë një të ri aty ku ndodhet i vjetri.

Ajo që po ndodh së fundmi me Teatrin Kombëtar mund të kuptohet më mirë në kompleksitetin e vet nëse shohim edhe aspektin politik të çështjes, përpos atij financiar dhe social. Dhe në këtë aspekt, do të duhet të lexojmë lojën e kryeministrit Rama, i cili vazhdon me debatin për Teatrin, goditjen ndaj klanit kundërshtar në Partinë Socialiste të drejtuar nga treshja, Veliaj-Xhafa-Ruçi.

Ministria e Kulturës ka publikuar për konsultim projektligjin për përcaktimin e një procedure të veçantë për negociimin dhe kontraktimin e partnerit privat që do të realizojë Projektin e Teatrit Kombëtar, sëbashku me një komplekse privat zhvillimi. Ky ligj ka për objekt përcaktimin e procedurës së veçantë për negociimin dhe lidhjen e kontratës me objekt realizmin e projektit të zhvillimit të zonës së Teatrit Kombëtar, duke përfshirë projektimin, ndërtimin dhe dorëzimin e godinës së re të Teatrit Kombëtar.

Seanca dëgjimore në Komisionin e Medias për projektligjin për zhvillimin e zonës ku ndodhet Teatri Kombëtar është mbërthyer nga debate për shkak se në të ka hyrë si xhol Kryetari i Bashkisë së Tiranës, Erjon Veliaj. Ministrja e Kulturës Mirela Kumbaro, e cila ishte thirrur në seancë, ka preferuar të heshtë dhe të marrë si engjëll mbrojtës Veliajn, që ka bërë zhurmuesin. Albana Vokshi, kryetare e Komisionit, ka deklaruar se Veliaj është thirrur të mërkurën.

Shkrimi i mëposhtëm është publikuar në shkurt të këtij viti dhe sqaron se ajo që po ndodh sot me godinën e Teatrit Kombëtar është vetëm një fragment nga një plan më i gjerë që parashikon transformimin e qendrës historike të Tiranës. Një plan për të cilin zyra e kryeministrit aktual ka punuar në drejtimin jurdik dhe atë teknik, duke anashkaluar me shpejtësi garën, duke eliminuar çdo aspekt transparence dhe duke prekur pjesë nga më të lakmuarat në kryeqytet.

Juristja Mirela Jorgo, që replikoi me kryetarin e Bashkisë së Tiranës Erjon Veliaj, gjatë takimit të këtij të fundit me artistët, ka publikuar dje një shkrim në www.hashtag.al përm,es të cilit thotë se toka ku sot është Teatri Kombëtar, por edhe sheshi “Skënderbej” kanë qenë pronë e familjes Libohobva.

Dëgjojeni me vëmendje tironsin e zgjut, siç e quan veten kryebashkiaku Erjon Veliaj. Sipas tij, ai po ndërton tetrin si pronar toke, si tirons i zgjut që e merr mirë fitimin nga trualli kundrejt ndërtimit.

Por aritmetika e këtij lloj tironsi çalon dhe ofendon tironsit. Sepse siç ia kujton gazetari Bashkikm Hoxha në 205 milionë euro, bashkia merr 30 milionë euro, që është diku te 15% dhe këtë Pazar në Tironë, nuk e bo kush, veç me qenë Lali Eri në tokë të tjetërkujt.

Debati për Teatrin dhe mënyra sesi qeveria po formalizon qëllimin e saj për shembjen e godinës dhe ngritjen e një kompleksi multifunksional, nga firma “Fusha shpk” e cila sipas projektligjit është edhe përfituesi i truallit publik ku do të ngrihen kulla biznesi ka ekspozuar edhe më shumë aktorët që ndodhen pas këtij projekti, kryeministrin, kryetarin e Bashkisë dhe ministren e Kulturës.

Partia Demokratike denoncoi dhënien e truallit të Teatrit Kombëtar kompanisë “Fusha shpk.”, e cila sipas opozitës planifikon ngritjen e disa kullave të biznesit.  Albana Vokshi tha se qeveria ka publikuar për konsultim projektligjin për përcaktimin e një procedure të vecantë negociimi me kompaninë në fjalë, e cila bie ndesh me ligjin për Partneritetin Publik Privat.