suedia

Rusia kërcënoi me kundërveprim nëse Finlanda dhe Suedia hyjnë në NATO, por për analistë në Perëndim, Kremlini nuk ka numrat për të bërë ndonjë gjë në këtë drejtim. Në një intervistë për France 24, William Alberque i Institutit Ndërkombëtar për Studime Strategjike shprehet ndër të tjera se Rusia aktualisht jo vetëm ka provokuar zgjerimin e perimetrit të sigurisë së Perëndimit, por ajo ka shtuar kapacitete reale mbrojtëse të Aleancës. 

Turqia ka rënë dakord për anëtarësimin e Finlandës dhe Suedisë në NATO. Të trija shtetet kanë firmosur një memorandum përmes të cilit Ankaraja zotohet të mos pengojë procesin e hyrjes në aleancë të dy vendeve nordike. 

Presidenti i Turqisë Recep Tayyip Erdogan ka përsëritur qëndrimin "jo pro" anëtarësimit në NATO të Finlandës dhe Suedisë. 

Ne po ndjekim zhvillimet lidhur me këtë çështje me kujdes, por nuk kemi një opinion të favorshëm

është shprehur Erdogan para gazetarëve.

Ai nuk ka dhënë një jo të prerë, që mund të nënkuptojë një veto të mundshme, por ka lënë të kuptohet se Turqia nuk mund të mbështesë vende që në dyshimet e saj mbështesin separatistët kurdë dhe komunistët e jashtëligjshëm.

Presidenti i Kroacisë, Zoran Milanoviç, ka bërë thirrje për të ndalur anëtarësimin në NATO të Suedisë dhe Finlandës në Samitin e Madridit.

Do të vija veton nëse në samit do të përfaqësoheshin krerët e shteteve

ka thënë ai.

Rusia nuk do të qëndrojë indiferente lidhur me anëtarësimin e Finlandës dhe Suedisë në NATO. Nënkryetari i Këshillit të Sigurimit Rus, Dmitry Medvedev, paralajmëroi se Rusia do të duhet t’i shtojë forcat e saj tokësore dhe të mbrojtjes ajrore dhe të vendosë forca të konsiderueshme detare në Gjirin e Finlandës në momentin që dy vendet e Europës veriore bëhen pjesë e aleancës së Atlantikut Verior.

Qasja e Suedisë ndaj pandemisë ka qenë ndryshe nga ajo e vendeve të tjera që në krye të herës. Një grup studiuesish belgë, suedezë dhe norvegjezë kanë dalë në përfundimin se Suedia dështoi në përballimin e pandemisë së Covid-19. Konkluzionet janë publikuar në revistën shkencore Humanities&Social Sciences Communications.

Suedia shmangu mbylljen për të limituar dëmin në ekonomi dhe duke i besuar përgjegjësisë së individit dhe për të shkuar në mënyrë natyrale te imuniteti i tufës.

Anëtarësimi i mundshëm i Finlandës dhe Suedisë në NATO do të kishte pasoja të rënda ushtarake dhe politike dhe do të sillte masa hakmarrëse nga ana e Rusisë. Paralajmërimi bëhet nga drejtori i departamentit evropian të Ministrisë së Jashtme ruse, Sergei Belyayev.

Suedia hoqi pothuajse të gjitha kufizimet e mbetura të pandemisë dhe ndaloi shumicën e testimeve për COVID-19, pavarësisht paralajmërimeve të disa shkencëtarëve.

Qeveria e Suedisë, e cila gjatë gjithë pandemisë ka pasur një qasje tjetër nga ajo e pjesës më të madhe të vendeve të botës, njoftoi javën e kaluar se do të hiqte kufizimet e mbetura - duke e shpallur në mënyrë efektive pandeminë të përfunduar - pasi vaksinat dhe varianti më pak i rëndë Omicron kanë zbutur rastet e rënda dhe kanë ulur numrin e vdekjeve.

Që në krye të herës, Suedia ka pasur një qasje të ndryshme nga pjesa tjetër e botës lidhur me menaxhimin e pandemisë. Kur në shumicën e vendeve të botës, qeveritë imponuan mbylljen, Suedia e la këtë në dorë të qytetarëve të vet, të cilëve u sugjeroi një paketë masash që gjithsesi, nuk përfshinin karantinën.  

Shumë në atë kohë e cilësuan qasjen e saj një katastrofë dhe “shembulli se si nuk duhet menaxhuar pandemia”.

Suedia nuk është dakord me propozimin e ministrave të mbrojtjes të BE-së për ngritjen e një force evropiane të reagimit të shpejtë për t'iu përgjigjur shpejt krizave në Afganistan. Ministri suedez i Mbrojtjes, Peter Hultqvist, i tha radios kombëtare se bashkëpunimi me SHBA mbetet shtylla kurrizore e sigurisë evropiane.

"Nuk e shoh një forcë europiane si linjën kryesore për zgjidhjen e këtyre problemeve," tha Hultqvist.