Rruga e Kombit

Ish-kryeministri Sali Berisha ka komentuar sot në faqen e vet në Facebook projektin e ri të qeverisë për rrugën Milot-Fier. Sipas Berishës ky projekt përfaqëson një histori vjedhjeje me një faturë të ekzagjeruar prej 1.2 miliardë eurosh. Për ta ilustruar këtë, z. Berisha sjell disa të dhëna:

5 orët e takimit informal të Albin Kurtit me Edi Ramën mbrëmjen e së premtes prodhuan më së shumti lajmin se Edi Rama është kundër shkëmbimit të territoreve. Të paktën këtë fragment veçuan mediat në Shqipëri nga deklaratat e kreut të Vetëvendosjes mbi përmbajtjen e takimit mes tyre në kryeministri.

Deklarata nuk duket dhe aq naive, por është hedhur në publik me premisën e garancive që përcjell figura e zotit Kurti si një lider radikal dhe i besueshëm kur bëhet fjalë për integritetin e Kosovës.

Zyra për shtyp e kryeminsitrit shpërndau këtë të premte një material mbi inspektimin që kryeministri Rama u bëri punimeve për ndërtimin e urave, mbikalimeve dhe viadukteve në Rrugën e Kombit. 

Mbi ecurinë e punimeve u informua nga drejtori i ARRSH-së, pasi investimet për përfundimin e punimeve po bëhen me paratë e buxhetit, ndonëse rruga është marrë në dorëzim nga konçesionari. Qëndro flet për një volum të mëdha punësh të pambaruara që shteti ka marrë përsipër t'ia bëjë gati konçesionarit.

Nga kjo e hënë kalimi në Rrugën e Kombit bëhet me pagesë. Sipas kontratës, për çdo kalim të automjeteve do të ketë një taksë fikse për hyrjen dhe daljen nga autostrada. Koncesionari dhe autoriteti kontraktues kanë rënë dakord për një skemë zbritjeje për përdoruesit e shpeshtë, të cilët do të pajisen me “Digital Pass”. 

Qeveria ka nisur sërish fushatën e informimit për tarifën e rishikuar të Rrugës së Kombit. Dy ministrat Arben Ahmetaj dhe Damian Gjiknuri  zhvilluannjë takim me biznese të Kosovës ku premtuan se do të ketë një taksë të reduktuar për përdoruesit e shpeshtë të rrugës së Kombit dhe se kompesimin e uljes së tarifës do ta paguajë buxheti i shtetit. 

Banorë të Kukësit dhe Kosovës janë përplasur me policinë teksa nisën protestën kundër taksës së vendosur për kalimin në rrugën e Kombit. Protesta nisi në orën 11:00 në afërsi të sporteleve ku do të paguhet tarifa ndërsa qytetarët fillimisht bllokuan qarkullimin dhe më pas qëlluan me gurë sportelet e firmës konçesionare.

Polcia është dorëzuar para protestuesve ndonëse në Kukës ndodhen edhe Forcat e Ndërhyrjes së shpejtë. Situata vijon të jetë e tensionuar dhe siç tregojnë edhe pamjet. Mësojmë se kabinave të firmës konçesionare u është vënë zjarri.

Ministria e Transportit ka shpallur fituesin e garës për shërbimin e konsulencës lidhur me projektin e koncesionit të autostradës Milot-Morinë, kompaninë “DOLSAR Engineering Inc. Co”. Ky dikaster ka publikuar dje njoftimin se fondi limit për këtë shërbim do të jetë 485 milionë lekë (3.6 milionë euro), pa përfshirë vlerën e TVSH-së, financuar nga Buxheti i Shtetit dhe Kompania Koncesionare, nga 50% secili, për një periudhë 5-vjeçare.

Korporata Financiare Ndërkombëtare, IFC ka dhënë sqarimin e saj për debatin e lindur në lidhje me koncesionin e Autostradës Milot-Morinë. Sipas saj, tarifa e parashikuar reflekton kostot e mirëmbajtjes së rrugës, nivelin e jetesës së popullsisë dhe është më e ulët se mesataret e rajonit.

Ministria e Transporteve shpenzoi para një javë më parë për të rritur sigurinë në Rrugën e Kombit, por këto para shkuar dëm. Tv Klan raporton se janë banorët ata që kanë hequr blloqet e betonit të vendosura në segmentin Kukës – Morinë, pasi sipas tyre “nuk është lënë kalim”.  “Banorët e Shtiqnit, Rexhepajt dhe Kodër Lumës i kanë hequr, pasi kalimi përmes i autostradës është e vetmja mundësi e tyre. Thonë se bllokimi ishte sa për sy e faqe dhe i paplanifikuar, pasi atyre nuk u është lënë asnjë mundësi kalimi.

Sot televizioni kombëtar “Klan” raportonte për vonesat e krijuara në doganën e Kukësit, si pasojë e procedurave të skanimit, një shërbimi i dhënë me konçesion në kohën e qeverisë Berisha. Nisur nga kjo situatë dhe nga deklarimet e ndryshme të njerëzve, TvKlan konkludon se praktikat e zvarritura të konçesionarit, po vënë në pikëpyetje vlerën e vetë rrugës Durrës-Kukës, e cila si aspekt kryesor pozitiv ka pikërisht shkurtimin e kohës mes Kosovës e Shqipërisë.