reforma

Negociatori i PD-së, Oerd Bylykbashi, ka zbardhur sot një nga pikat ku është frenuar diksutimi gjatë natës. "Mbrëmë nuk arritëm dot ta mbyllnim reformën, gjithçka u draftua dhe ishte gati.

Nga deklarata e mbrëmshme e Ramës për 94 votat pro reformës në drejtësi sipas versionit euroamerikan, kuptohet që ai ka marrë garanci nga 64 deputetët e PS-së se do ta votojnë atë. Nga deklarata e Metës në emisionin “Opinion” për  votat e LSI-së që janë në Uashington, kuptohet që 20 deputetët e saj do të votojnë pro reformës në drejtësi sipas versionit euroamerikan. Për të arritur në shifrën 94 vota, duhen edhe 5 votat e PDIU-së, 1 votë e PBDNJ-së, 2 vota të demokristianëve, dhe 2 vota nga opozita.

Ambasadori amerikan, Donald Lu ka shfrytëzuar një protestë të “shoqërisë civile” për të rritur tonet dhe dërguar sinjale në sallën e parlamentit dhe specifikisht për kreun e PD, Basha. Lu qartësoi se  se do të ketë pasoja specifike për udhëheqësit që nuk do votojnë refomën, duke zbardhur edhe atë çka është biseduar mes palëve.

Presioni për miratimin e reformës në drejtësi, apo më saktë, të variantit amerikan të saj, ka arritur kulmin sot, kur ambasadori Donald Lu ka marrë pjesë në një protestë para selisë së Kuvendit të Shqipërisë. Një protestë që i mvishet shoqërisë civile, përbërë nga grupime që siç e dimë të gjithë mblidhen si me bilbil. Lu ka qenë i qartë dhe i hapur dhe për këtë meriton respekt, pasi rëndom ambasadorët flasin me një gjuhë që duhet deshifruar: “Koha për të vendosur është tani, miratojeni reformën në drejtësi, qytetarët po kërkojnë ndryshim.

Kryeministri është në rolin e tij kur mbron reformën e tij me shantazhe të tipit “pas dështimit vjen qameti”. Si gazetarë jemi në rolin tonë t’i shfryjmë hiperbolat. Jo, toka s’do të pushojë të rrotullohet pas 21 korrikut. Jo, BE-ja nuk e ka në axhenda, as të hapë e as mos të hapë negociatat me Shqipërinë pas 21 korrikut. Sepse ekziston një kriter i katërt që kushtëzon hapjen e negociatave (përveç atyre të demokracisë funksionale, ekonomisë së tregut dhe “acquis communautaire”). Ai është kriteri i kapacitetit të BE-se për ta thelluar zgjerimin.

Takimi i orës 16:00 ka prodhuar dy qëndrime: një është qëndrimi i Lulzim Bashës dhe Ilir Metës dhe një është qëndrimi publik i Edi Ramës që foli për një reformë në drejtësi që kalon me 94 vota. Duket se ky ka qenë provokimi i radhës, pasi Basha dhe Meta kanë konfirmuar se Edi Rama ka patur tjetër sjellje gjatë takimit. Kreu i LSI-së, Ilir Meta, ka rikonfirmuar ndërkohë në “Opinion” ato që tha një ditë më parë: konsensus për reformën ose do të ketë destabilitet. Dhe konsensus sipas tij nuk janë 94 vota. “Votat e LSI do të jenë gjithmonë aty.

Takimi i sotshëm mes Edi Ramës, Ilir Metës dhe Lulëzim Bashës, ka përfunduar pas 1 ore e 45 minutash me një përfundim që mund të quhet taktik. Të gjitha palët kanë marrë kohën e tyre, duke caktuar tre negociatorë për të negociuar mbi propozimin hibrid të hedhur nga Victoria Nuland. Sipas këtij propozimi, kandidaturat për gjyqtarë e prokurorë do të kalojnë në sitën e një komision ad hoc, i quajtur si komisioni i Vettingut, i cili do të ketë përbërje të barabartë mes pozitës dhe opozitës.

Ambasadorët e angazhuar me reformën në drejtësi, Donadl Lu, i SHBA-së dhe Romana Vlahutin e BE-së, kanë refuzuar pjesëmarrjen në takimin e propozuar nga kryetari i Kuvendit Ilir Meta, i parashikuar të zhvillohet sot pasdite. Shkak për këtë është bërë deklarimi i kryetarit të PD-së, Lulzim Basha, që ka folur për qeverinë teknike.

Qysh nga janari i këtij viti, 55-sa e 88-ta (sipas kësaj rradhe kronologjike), ishin numrat që i dëgjonim përditë. Bëhat fjalë për rekomandimet 55 dhe 88 të Komisionit të Venecias rreth reformës në drejtësinë shqiptare. Por qysh kur Meta kërkoi që, fill pas votimit të një reforme të dakordësuar në takimin e pritshëm Lu-Vlahutin-Rama-Basha-Meta,  të krijohet një qeveri teknike, numri 71 është bërë numri më i përhapur në faqet e gazetave shqiptare (në internet e në letër).

Një popull që është mësuar me të keqen qysh kur vdiq Skënderbeu (për të mos u shtyrë më mbrapa në histori), e ka pothuaj zero probabilitetin e realizimit të një gjëje shumë të mirë. Për 70% të shqiptarëve që anketova para ca kohe, roli kyç i ndërkombëtarëve në spastrimin e drejtësisë nga gjykatësit dhe prokurorët e korruptuar ishte versioni më i mirë i reformës në drejtësi. Për 18% të tjerë, versioni më i mirë ishte ai spastrimit të drejtësisë përmes një shoshe sovrane shqiptare, ndërsa 12% të tjerë jepnin përgjigje të tipit “ku di gjo un lale”.