referendum

Nuk është vetëm pushtimi ushtarak ai që kërcënon integritetin territorial të Ukrainës, por edhe iniciativat politike që synojnë të sanksionojnë amputimin përfundimtar të një pjese të vendit. Një skenar "korean", sipas inteligjencës së Kievit, "një përpjekje për të krijuar Korenë e Veriut dhe të Jugut në Ukrainë" është ajo e rajonit të Luganskut.

Në mbështetje të një referendumi të dytë për  Brexit, janë shumica e laburistëve ndonëse udhëheqësi i tyre, Jeremy Corbyn, nuk e ka mbështetur këtë ide. 72% e të anketuarve kërkojnë një referendum të ri, duke dalë kundër argumenteve të Corbyn se një qeveri e Laburistëve  do të vazhdojë Brexit, por me një marrëveshje më të mirë se ajo që ka siguruar kryeministrja aktuale.

Taktika elektorale e opozitës maqedonase për t’u kërkuar mbështetësve të bojkotojnë referendumin u dha një fitore disi morale kundërshtarëve të Zaevit, por duket se nuk e frenon hyrjen në fuqi të marrëveshjes me Greqinë për ndryshimin e emrit të Ish-Republikës Jugosllave të Maqedonisë.

50% e britanikëve kundrejt 40%  janë në favor të mbajtjes së një referendumi në Britaninë e Madhe ku qyetetarët të zgjedhin nëse duan që vendi të largohet nga Bashkimi Evropian në bazë të propozimit të të bërë nga qeveria, apo të mos shkëputen nga BE.

Anketimi u publikua në rrjetin televiziv Sky News, ku vetëm 10% u përgjigjën se nuk kishin një përgjigje. Që prej referendumit të BREXIT që i tha po daljes së Britanisë nga Bashkimi Europian politika në Britani edhe qytetarët kanë qenë skeptikë për raportet e mëtejshme me BE-në.

Gjetja e një zgjidhje për emrin e Maqedonisë nuk do të shtrohet për miratim në referendum. Si Athina dhe Shkupi duket se kanë rënë dakord të gjejnë një emërues  politik bazuar në propozimet e negociatorit të OKB-së, Methju Nimiç me pëlqimin e palëve për variantet që janë në tavolinë. 
Zv/kryeministri i Maqedonisë, Bujar Osmani (përfaqësues i BDI-së) i cili këtë të martë viziton Athinën deklaroi se mbajtja e një referendumi të mundshëm në Maqedoni mund të ngarkonte procesin dhe të vështirësonte gjetjen e një zgjidhje.

"Gjithçka është në tryezë". Me këto fjalë e ka përshkruar  ambasadorja e Britanisë në Athinë, rithemelimin e një marrëdhënie të re mes Mbretërisë së Bashkuar dhe Bashkimit Europian. Ajo theksoi se qeveria britanike do të synojë të arrijë një marrëveshje të re me Bllokun për lëvizjen migrimin dhe tregëtinë e lirë. Sipas saj, prrioriteti kryesor është mbrojtja e qytetarëve britanikë dhe evropianë, pasi pothuajse 3 milion qytetarë evropianë jetojnë dhe punojnë në Britaninë e Madhe, ndërsa 1.5 milionë britanikë  jetojnë në shtetet anëtare të BE

Skocia do të provojë sërish një referendum për shkëputjen nga Mbretëria e Bashkuar. Lajmi u bë i ditur nga kryeministrja Nicola Sturgeon se gjatë javës që vjen do të mbahen konsulta për realizimin e një referendumi të dytë.

Partia Demokratike u shfaq apatike ndaj një projekligji që goditi ndjeshëm kredibilitetin e qeverisë dhe që ngre hije të mëdha dyshimi lidhur me shtysat që çuan mazhorancën të miratojë në mënyrë tinzare importimin e plehrave në Shqipëri.
E kushtëzuar nga fakti se projektligji i propozuar ishte një ligji i miratuar nga qeveria e Partisë Demokratike, opozita u druajt se mund të vinte në diskutim edhe besueshmërinë e saj. Lulzim Basha la të nënkuptohet në intervistën në Opinion se do të mbështesë një referendum për anullimin e ligjit.

Kryeministri serb Aleksandër Vuçiç, deklaroi për gazetën Bild se vendi i tij nuk do ndërmarrë asnjë referendum për hyrjen ose jo në Bashkimin Evropian. Beogradi shpreson që të bëhet anëtar i Unionit në vitin 2020 dhe Vuçiç e ka bërë të qartë se objektivi i qeverisë së tij është integrimi i vendit në Bashkimin Europian.

I përforcuar pas tronditjes që shkaktoi vota në favor të tërheqjes e Britanisë së Madhe nga Bashkimi Evropian, kryeministri i Hungarisë, Viktor Orban insiston në planin e tij për të organizuar  në vjeshtë një referendum mbi Migracionin. Diplomatët evropianë konsiderojnë se kjo është një nga  betejat e ardhshme të Brukselit kundër politikanëve populistë.