rama

Tani që Shqipëria dhe Greqia po ecin drejt një “fushe me lule”, gjembi që do të mbetet mesa duket është çështja e çamëve.  Teksa problemet që  lidhen me  kufirin detar, ligjin e luftës, varrezat e ushtarëve grekë, tekstet shkollore apo lehtësitë konsullore kanë marrë rrugën e zgjidhjes, çështja e çamëve mbetet dritëhija e fundit e një raporti historik të dy popujve që ruan ende shumë të panjohura, po të marrim parasysh edhe një ndjenjë përkatësie që po “zgjohet” tek të ashtuquajturit arvanitas.

Teksa qeveria dukej disi e hutuar nga reaksioni që krijoi deklarata e ministrit të Jashtëm, grek Nikos Kotzias për njohjen nga Shqipëria të së drejtës nga Greqisë për të shpallur deklarimin e ujërave territoriale në 12 milje, kryeministri Rama ka mbrojtur marrëveshjen dhe parimin mbi të cilën ajo është ngritur. 

Kryetari i Partisë Demokratike, Lulzim Berisha ka deklaruar në emisionin “Opinion” se me marrëveshjen e 17 majit ai shmangu luftën civile në Shqipëri. 

Po kështu Basha ka deklaruar se ai nuk ka bashkëpunuar ndonjëherë me Edi Ramën dhe se nuk bashkëpunon asnjëherë me të. 

Z. Basha tha po ashtu tha se ai beson nga zemra se më 27 janar Edi Rama do bjerë moralisht dhe politikisht. 

Po kështu z. Basha nuk e pati problem të madh të thoshte se njerëzit duhet të vijnë në protestë për veten e tyre sepse ai është në rregull për vete. 

Në Davos ku kryeministrat Rama e Cipras do të çertifikonin arritjen e bisedimeve të Kretës dhe Korçës u mësua se shefi i qeverisë greke së shpejti do të vizitojë Tiranën, duke i dhënë kështu fund një periudhe të ftohtë mes dy vendeve.

Mediat e vendit fqinj raportojnë se nënshkrimi i partneritetit strategjik i hap rrugën normalizimit të plotë dhe përmirësimit të marrëdhënieve greko-shqiptare pas takimit të kryeministrit Aleksis Cipras me homologun e tij shqiptar Edi Rama.

Nuk ka më dilema se Tirana dhe Athina i kanë zgjidhur brenda 3 muajsh të gjitha mosmarraveshjet politike dhe historike.  Pas klimës optimiste që shoqëroi bisedimet e Korçës dhe deklaratës së përbashkët, kryeministri Rama konfirmoi suksesin e negociatave që u mbyllën në dy raunde brenda 3 muajsh. Në një intervistë për Report Tv, zoti Rama ka konfirmuar se do takohet në pranverë me homologun e tij grek Cipras, për të nënshkruar një marrëveshje të partneritetit strategjik që zëvendëson traktatin e miqësisë së vitit 96’.

Hermetizmi me të cilin u mbajtën në Korçë bisedimet tre ditore mes ministrave të Jashtëm, Bushati e Kotzias, dhe më pas deklarata optimiste për arritje të rëndësishme në negociata nënkuptojnë se dy qeveritë kanë rënë dakord për shumicën e çështjeve, por triumfi për shpalljen do t’u takojë kryeministrave Rama e Cipras.

Ashtu si në takimin e Kretës edhe në Korçë, bisedimet e ditës së parë në Korçë mes ministrave Bushati e Kotzias janë mbajtur hermetike. Ajo që palët kanë tejkaluar është çështja e varrezave dhe vullneti i shprehur i Athinës për të shfuqizuar ligjin e luftës. Pika më e vështirë ka të bëjë me marrëveshjen e detit, ku mund të ketë një rinegocim të paktit, në thelb pa lëvizur shumë nga kordinatat e marrëveshjes ekzistuese. Por kjo mbetet e pakonfirmuar.

Kryeministri Rama bëri këtë të enjte një tjetër mbledhje të hapur me drejtorët e administratës për të theksuar se është i vendosur të reformojë një shërbim që ka çeduar në vite si ai i hipotekave. Mesazhi ishte publik për 35 drejtorët e rinj, që na thuhet se janë përzgjedhje profesionale përmes konkursit. Sipas kryeministrit ai që nuk do të bëjë detyrën do të përgjigjet para drejtësisë.

Edi Rama zhvilloi një takim me infermierë për të prezantuar Portalin për Infermierë, një mekanizëm që sipas tij do t’i japë fund emërimeve nepotike apo klienteliste në sektorin e shëndetësisë. Këtu ai gjeti rastin të shfajësohet për filozofinë me të cilën qeverisi mandatin e parë ku sipas tij pati shumë raste ku në vend të infermierëve me përvojë që i thoshin gjilpërës gjilpërë u rekrutuan të afërm deputetësh që i thoshin gjilpërës gozhdë.

Kryeministri Rama po përgatit terrenin që dyshja PD-LSI të mbajë edhe njollën edhe faturën në rast dështimi të hapjes së negociatave të Bashkimit Europian me Shqipërinë.

Nga mbledhja e asamblesë socialiste ai tha se qëndrimi kundër reformës në drejtësi shpjegon në thelb edhe kalimin në opozitë të LSI-së në një front me Partinë Demokratike.

Ndarja me LSI-në