privatizimi

Kryeministri Edi Rama shpërndan në Facebook një pamje ajrore nga Kepi i Rodonit nën etiketën: Beautiful Albania. Zoti Rama vazhdon kështu propagandimin e Shqipërisë turistike, propagandë që po nab ëhet së fundmi në mënyrë bajate edhe nga gazetarë që bredhin anembanë vendit e na tregojnë përvojën e tyre nën autoritetin e vetëshpallur të një këshille për të vizituar të njëjtat vende.

Debati i fundit për marrëveshjen e detit me Greqinë ka hapur një debat dhe për një prej negociatorëve, Artur Meçollari. Ndërkohë përfaqësues të opozitës po mbrojnë marrëveshjen e vitit 2009, e cila u rrëzua nga Gjykata Kushtetuese. Lidhur me dinamikën e këtyre ngjarjeve, flet për ResPublica, ish-Komandanti i Forcës Detare, Kudret Çela. Ai sqaron edhe arsyet e largimit nga detyra në vitin 2012 edhe të z. Meçollari që sipas tij lidhen thjesht dhe vetëm me lakminë për pronat e ushtrisë.

Naftëtarët e Ballshit ndalën protestën pasi morën garanci nga qeveria se përmes një kredie do shlyheshin pagat e muajit nëntor. Megjithatë kjo duket një zgjidhje e përkohshme, pasi problemet me rafinerinë e Ballshit janë më të thella dhe zënë fill që në vitin 2008 me privatizimin e kompanisë "ARMO". 

Në shtator 2016, qeveria aktuale bekoi në një ceremoni të veçantë atë që e shpallën si një marrëveshje private me një grup biznesmenësh "COGM Holding LTD" për të rivënë në punë rafinerinë.

Këshilltari i PD-së në Këshillin Bashkiak të Tiranës, Akil Kraja, ka deklaruar sot se rritja e çmimit të ujit në Tiranë ka si arsye aferën e privatizimit të UKT-së.

“Rritja me 40 % e çmimit të ujit nuk do të përmirësojë furnizimin me ujë, por i shërben aferës korruptive për privatizimin e Ujësjellësit të Tiranës…

Prej 2 vitesh, ekspertët nuk pranojnë të çertifikojnë bilancet e Ujësjellësit të Tiranës për shkak të abuzimeve dhe keqmenaxhimit.

Erjon Veliaj gënjeu paq edhe kësaj radhe dhe i eci. Ai tha se çmimi i ujit rritet për ta barazuar të paktën me Kamzën dhe si shembull tjetër solli Korçën ku sipas tij uji paguhet me 99 lekë/m3. Sot televizioni i mikut të tij, Carlo Bolino, “ReportTv” që për këtë çështje është pozicionuar kundër kryebashkiakut, raporton se kjo është e pavërtetë. Sipas këtij televizioni në Korçë uji paguhet me 65 lekë/m3 dhe çmimi nuk ka ndryshuar për 15 vjet.

Janë ndërtuar në vitet ’80, por nuk figurojnë në asnjë dokumentacon zyrtar. Bëhet fjalë për pesë pallate në Bradashesh të Elbasanit ku prej gati 40 vjetësh jetojnë 41 familje të cilët nuk bëhen dot pronarë pasi “shteti” nuk ka inventar për godinat që ka ndërtuar vetë(me kontribut vullnetar). “Reporter.al” raporton se një mënyrë për të zgjidhur këtë situatë absurde është fitimi i pronësisë me parashkrim.

Porti i Selanikut në Greqi është shitur me vlerën 231.9 milionë euro. Blerësit janë një grup kompanish mes të cilave gazeta greke “Protothema” cilëson Deutsche Invest Equity Partners dhe Ivan Savvidis, pronari I ekipit të futbollit PAOK. Kompania do të ofrojë shumën në fjalë për të blerë 67% të aksioneve të portit në një marrëveshje, vlera e plotë e së cilës është 1.1 miliardë euro. Në këtë marrëveshje parashikohen investimet 180 milionë euro në 7 vitet e ardhshme, ndërkohë që të ardhurat për shtetin grek nga kontrata parashikohen në 170 milionë euro.

Çështja CEZ, reforma në sektorin energjetik, projektet e HEC-ve të reja, këto janë disa nga tema e prekura në intervistën që ResPublica zhvilloi me ministrin e Energjisë dhe Industrisë, Damian Gjiknuri. Ministri deklaron se problematikat e ngritura nga opozita nuk kanë adresojnë një qasje alternative për hapat që duhen marrë në sektor, as konstituojnë një politikë tjetër; sipas tij ato janë diversion që buron nga shqetësimi që sjell reforma në drejtësi.

Sot “Top-Channel” raportoi një lajm që duket si pa rëndësi. Ujësjellësi i Tiranës do të privatizohet. Madje televizioni në fjalë ka komunikuar me burime në Bashkinë e Tiranës, të cilat konfirmojnë ofertat e mbërritura. Emrat e kompanive që kanë prezantuar ofertën nuk bëhen publike dhe që këtu nis ai rituali i përhershëm i abuzimit me pasurinë publike.

Kreu i Departamentit të Çështjeve Mjedisore në Partinë Demokratike, Jamarbër Malltezi, ka denoncuar përmes profilit të tij në “Facebook” një projekt që e sheh Gjiun e Vlorës  si hapësirë për shfrytëzim për akuakulturë. “Nuk ka mundesi te jene vec te cmendur. Gjithe Gjiri i Vlores po jepet per akuakulture PA ASNJE (i) vleresim strategjik mjedisor, (ii) vleresim te thelluar te ndikimit ne mjedis, (iii) vleresim te ndikimit kumulativ, (iv) batimetrise se Gjirit, dhe (v) ne dhunim te Direktives se Bashkimit Evropian! 438,880 m2 shfrytezim me 1 leje! 5 te tjera aplikuar”, shkruan Malltezi.