plani

5 shtetet anëtare të Këshillit të Sigurimit diskutuan të shtunën planin e Francës për Sirinë. Ky plan fokusohet te situata në Alepo, pas bombardimeve të vazhdueshme nga ushtria Siriane dhe Rusia që erdhën si rezultat i prishjes së armëpushimit të arritur mes Uashingtonit dhe Moskës.
Plani francez synon rivendosjen e armëpushimit, bazuar në marrëveshjen e 9 shtatorit dhe shpërndarjen e ndihmave humanitare për civilët në Alepo, duke kërkuar ndërprerjen e fluturimeve ushtarake në zonë.

Qeveria kineze ka bërë të njohur së fundmi planin e saj dhjetëvjeçar në fushën e Teknologjisë së Internetit. Këshilli Shtetëror dhe Komiteti Qendror i Partisë Komuniste kanë zyrtarizuar draftin për strategjinë kombëtare të IT-së, që do të drejtojë politikën e qeverisë kineze në dekadën e ardhshme.

Nuk ka më asnjë dilemë, LSI dhe PD janë me një plan thuajse të përbashkët për formën në drejtësi. Pas disa ditësh heshtje LSI vendosi të sqarojë pozicionin e saj pas propozimit amerikan për reformën në drejtësi. Nënkryetari Petrit Vasili e bëri të qartë se "Lëvizja Socialiste për Integrim ka vetëm një plan, që nga fillimi i Reformës, Planin A, me konsensus dhe sipas Komisionit të Venecias". Vasili u deklarua kundër një drafti ekspertësh duke sjellë si shembull përvojën me kompaninë britanike Crown Agents.

Një kopësht fëmijësh i paregjistruar dhe jashtë çdo parametri ligjor funksiononte për mrekulli në mes të Saukut dhe asnjë institucionin nuk kishte lëvizur as gishtin për të parë nëse plotësonte kriteret për të qenë kopësht fëmijësh. Biznesi informal ku dhunoheshin fëmijët nuk u ra në sy as tatimorëve, as policëve bashkiakë dhe as inspektorëve arsimorë që paguhen për të kryer kontrolle.

Dega e OMONOIA-s dhe e PBDNJ-së Himarë kanë ngritur shqetësimin se plani për  Rikualifikimin Urban të qendrës së Himarës ka për qëllim dëmtimin dhe çrrënjosjen e komunitetit helen të Himarës dhe ndryshimin demografik të kësaj zone. Në deklaratën e shpërndarë për mediat thuhet se ky shqetësim i është përcjellë qysh vitin e kaluar kryeministrit  Rama, por ai e ka shpërfillur.

Stefano Boeri, studioja e të cilit UNLAB është fituesja e projektit për planin urbanistik të Tiranës, nuk mendon se Tirana ka nevojë për tram apo metro për të zgjidhur problemet me transportin publik. Ai propozon makina elektrike për të hequr flotën e makinave me lëndë djegëse si dhe lëvizjen me dhe taksi.

Stefano Boeri, arkitekti italian i përfshirë në disa projekte për Tiranën, ka dhënë një intervistë për Top-Story. Boeri jep edhe disa mendime për kryeqytetin shqiptar për të cilin mendon se “duhet zhvilluar së brendshmi”. Më poshtë dy nga përgjigjet e tij:

Plane të cilat kanë qenë “të Ramës”, “të Bashës”, por kurrë plane “të Tiranës”. Cili do të ishte dallimi i këtij të riut nga të tjerët? Pra, cila do të jetë firma e një eksperti, e një arkitekti, sepse Tirana gjithmonë ka pasur firmën e arkitektëve politikë, kjo që nga kohërat e Enver Hoxhës.

Pas lajmeve të tipit “Strazimiri drejt burgut” dhe kallëzimit penal për të nga PS-ja, një ekip i ngushtë drejtues i kësaj të fundit është mbledhur me urgjencë dhe ka vendosur komunikim direkt me Lulzim Bashën.

Arsye është shmangia e arrestimit të Strazimirit, deputetit i dyshuar se mbante një armë gjatë protestës te Parku i Liqenit, pasi kjo do të konsumonte mendimin që po ngjizet se reforma në drejtësi do të çojë në pranga Doktorin, qoftë edhe për një ditë, pasi...arrestimi i një deputeti është arrestim i një deputeti. Dhe nuk mund të digjet momentumi për një arsye kaq banale.

Rusia nuk ka parashikuar për asnjë moment një zgjidhje të njëanshme të krizës siriane. Madje, varianti më i preferuar prej saj është kompromisi me Perëndimin, me disa kushte që në pamje të parë ngjajnë mëse të logjikshme dhe pozitive. Revista gjermane “Spiegel” shkruan në një artikul të datës 14 nëntor 2-15, se sipas një dokumenti të klasifikuar, të cilin ajo e posedon, rezulton se Vladimir Putin, presidenti i Rusisë, e ka patur në tryezë këtë plan përpara se homologu i tij sirian, Bashar al-Assad të vizitonte Moskën. Pra përpara 21 tetorit.

Shtetet e Bashkuara të Amerikës po përgatiten dhe po marrin masa për goditjen nga një stuhi diellore me pasoja katastrofike. Pasojat përllogariten nisur nga efektet shkatërruese në ekonomi dhe në mjetetet e komunikimit. Në vitin 2008 një studim i Akademisë Kombëtare të Shkencave në SHBA vlerësoi se kostot mund të arrinin në 2.6 trilion dollarë. Dalja jashtë funksioni e gjenratorëve dhe transformatorëve, mjeteve të komunikimit, do të çonin të gjithë jetën që kemi pas: pa internet, pa karta krediti funksionale dhe pa celularë.