pd

Pa shumë koreografi dhe  tullumbace, Lulzim Basha çeli fushatën e Partisë Demokratike për zgjedhjet e 25 Qershorit. Kreu i PD-së pak a shumë përsëriti ato që ka thënë në çadër për 90 ditë se ka një plan për Republikën e Re, plan mbi të cilin u bazua edhe përzgjedhja e kandidatëve për deputetë të kësaj partie. Ajo që la të kuptohet ishte se në lisitat e kandidatëve për deputetë përzgjodhi njerëz që ishin dhe janë për Republikën e Re.

Lista e kandidatëve të Partisë Demokratike publikuar mbrëmë natën nga kryetari Lulzim Basha ka provokuar debate. Largime të disa personazheve publikë, përfshirje aleatësh dhe emra krejt të rinj. Lista nuk ka sesi të befasojë më shumë sesa emrat e ministrave që Basha propozoi së fundmi. Ata janë ose njerëz të afërt me PD-në, ose ish-drejtorë, pra njerëz të parasë dhe pushtetit financiar të qeveirijes së Berishës, ose zgjedhje personale e kryetarit. Shikoni emrin e Grida Dumës në Tiranë dhe kujtoni për analogji sesi Elisa Spiropali përfshihet në listat e Korçës nga PS-ja.

Në limitet e kohës Partia Demokratike dorëzoi në Komisionin Qëndror të Zgjedhjeve listën e saj të kandidatëve për deputetë. Lista ka një ndërthurje të emave të njohur, por edhe prurjeve të reja. Në të janë përfshirë edhe aleatët e PD-së, si Fatmir Mediu, Nard Ndoka, Vangjel Dule e Agron Duka. Bie në sy mungesa e ish-zërave kundër, Topalli, Bregu, Patozi. Ndërsa Sali Berisha është vendosur i pesti në listën e Tiranës. 

Fushata elektorale që ka nisur është atipike dhe nuk ngjan me asnjë nga fushatat e mëparëshme. Me tri partitë kryesore të skenës parlamentare në qeverisje, tensioni politik, premtimet e shumta, programet, shpalosjet, shifrat e punësimeve etj., janë bërë thuajse aneks i bezdisshëm informativ. Mungon kontrasti pozitiv që sjell denocnimi i dështimeve, shmangiet nga programi, evidentimi i problemeve, të gjitha pra detyra të opozitës e cila nuk ka pse të lodhet më sa kohë është në pushtet.

Nuk duhet lodhur koka shumë me zbërthimin e Pazarit të 18 majit. Ai po zbulohet vetë nga palët e përfshira atë natë që në fund shpërndanë një tekst si lëmoshë transparence për popullin.

Menjëherë pasi firmosi Pazarin, kryeministri nisi fushatën duke u bërë thirrje demokratëve që të votojnë PS-në se ajo do jetë e sigurtë në pushtet. Fundja siç tha Edi Rama, “ne 71 mandate na duhen”.

Një ditë më parë u bë e njohur se me ndryshimet e reja ligjore, shitblerja e votës dënohet me burg. Diçka absurde që i shtohet absurditeti juridik ku po hyn vendi. Një nga deputetët e PD-së, Astrit Patozi, pyese se çfarë dënimi parashikohet nëse një deputet kalon me një parti tjetër, pra nëse e shet mandatin e vet. Në përgjigje të kësaj pyetjeje, gazeta “Panorama” njofton sot përgjigjen e kreut të PD-së, Lulzim Basha, i cili për kujtesë duhet thënë se ka përfunduar studimet për jurisprudencë. Basha sipas “Panorama” ka deklaruar se “Lidhur me pyetjen  shumë të drejtë të z.

Ajo që nis më 18 maj pritet të vazhdojë edhe pas zgjedhjeve të 25 qershorit. Nën emrin e reformave dhe integrimit, PS-ja dhe PD-ja kanë hapur derën e bashkëqeverisjes në ekzekutiv edhe pse nuk preferojnë që ta quajnë të tillë. I pyetur për këtë çështje në Report Tv, ministri i Jashtëm Ditmir Bushati, tha se objektiv i PS-së mbetet kapja e 71 mandateve dhe programi. Në të kundërt siç tha vendos matematika e votave, pa përjashtuar këtu PD-në.

Në komunikimin e përjavshëm në Facebook kryeministri Edi Rama u ka dhënë përgjigje zërave që  e kanë kritikuar marrëveshjen mes tij dhe kryedemokratit Lulzim Basha, si një bashkëqeverisje ne kurriz të popullit dhe partive të vogla.

Ministri i Jashtëm Ditmir Bushati nuk të zhgënjen asnjëherë. Për atë që e njeh e di shumë mirë se Bushati njeri dhe deputet ka si patologji sociale detajin, hollësinë. Me gjasë edhe analizën e çdo situate e nis dhe mbaron me vëzhgim detajesh që i thonë më shumë sesa aspekte të tjera. Sot ai ka zgjedhur që një detaj të tillë ta qarkullojë si një lloj simboli të “Shkodrës që nuk duam”. Një qese e zezë mbetjesh fotografuar në një trotuar të pedonales së qytetit shitet nga ministri fotograf me diçiturën ironike: Vepër arti. 

Kryeministri Edi Rama u ka kthyer përgjigje kritikëve që akuzuan atë dhe Bashën se firmosën një marrëveshje për bashkëqeverisje PS-PD. Ai deklaroi nga Korça se zv/kryeministri dhe ministrat teknike iu dhanë opozitës si garanci për të monitoruar mospërfshirjen e administratës dhe makinës shtetërore për periudhën 30 ditore të fushatës zgjedhore.