pd

Kryetari i Lëvizjes Socialiste për Integrim, Petrit Vasili ka dalë sot në një konferencë për shtyp përmes të cilës ka njohur zyrtarisht rezultatin e zgjedhjeve të 25 qershorit 2017. Ai ka falenderuar votuesit e LSI-së, 230 mijë, duke shtuar se tashmë misioni I LSI-së është Opozita.

“Kam dalë të falënderoj pafundësisht mbi 230 mijë votues shqiptarë, në radhë të parë qindra mijë të rinj që ishin forca jonë kryesore në këtë fushatë të vështirë që votuan për t’i bërë Shqipërisë një opozitë të vërtetë të vërtetë në vend.

Bëri përshtypje dje në emisionin “Opinion” qëndrimi i pronarit të TV Klan, Aleksandër Frangaj. I ashpër me kreun e PD-së, Lulzim Basha, Frangaj u shfaq pa dorashka duke kaluar madje edhe në sugjerime për mënyrën si duhet të veprojë lidershipi i PD-së. Frangaj ka deklaruar se Berisha nuk ka bërë asnjëherë gabimet që bëri Basha, mes të cilave është edhe mospërfshirja në listën e kandidatëve të Tiranës, të asnjë katoliku dhe ortodoksi.

“Kjo është gafë e rëndë”, tha Frangaj.

Drama sjell me vete edhe humor. Kështu rezultati humbës i PD-së merr tjetër kuptim në Kavaajë, ku siç raporton “Gazeta Shqiptare” kjo parti ka djegur 680 vota për shkak të gabimit në thirrjen ndaj votuesve. Ndonëse ka reduktuar diferencën në krahasim me vitin 2013 nga 5 500 në 700, “GSh” raporton se në këtë zonë kanë rezultuar 680 vota të pavlefshme në të cilat ishte votuar edhe për numrin 3 edhe për numrin 6.

Në zgjedhjet e vitit 2013(zgjedhje politike) morën pjesë 1 724 779 votues.

Në ato zgjedhje rezultate ishin këto:

 PS-ja si parti politike mori            713 407 vota       41.36%   baraz    65 mandate

PD-ja si parti politike mori            528 373 vota       30.63%   baraz    50 mandate      

LSI-ja si parti politike mori            180 470 vota       10.46 %   baraz     16 mandate

Zgjedhjet e 25 qershorit na përcjellin përmes rezultateve ende në përpunim një aspekt të qartë: mungesa e koalicioneve për shkak të marrëveshjes së 18 majit penalizoi jo vetëm disa parti, por edhe vlerën përfaqësuese të votës së shumë qytetarëve shqiptarë.

PD-ja është partia më e goditur në këtë skemë që ngriti vetë duke marrë leksionin se ajo nuk është ende gati të mundë PS-në e vetme. Në marrëveshjen e 18 majit me Lulzim Bashës dhe Edi Ramës, ndër të tjera thuhet edhe se palët do të angazhohen për realizimin e reformës zgjedhore (me fillimin e legjislaturës së re).

Humbja e PD-së është tanimë realitet elektoral, por edhe politik. Sekretari i Përgjithshëm i kësaj partie, Arben Ristani, i katërti në kistën e Vlorës dhe që nuk arriti të zgjidhej si deputet, ka bërë një shnëim të shkurtër në Facebook përmes të cilit shpreh keqardhjen për rezultatin dhe falenderon anëtarët e PD-së. 

Edi Rama ka thënë më nota humori në fushatë se Luli është çun i mirë por nuk bën për atë punë. Pra për të qenë kryeministër i vendit. Por kjo nuk do të thotë se nuk i duhet kryeministrit në krye të PD-së. Kjo qasje u reflektua edhe gjatë kohës së fushatës ku Luli nuk u quajt kryetari i Shqup-it apo kukulla e Sali Berishës.

Tashmë është e qartë që PS-ja dhe Edi Rama janë fitues të zgjedhjeve me një pjesëmarrje nga më të ulëtat në historinë e pluralizmit. Por ky nuk është më lajm. Shqiptarët që votuan e dhanë votën për atë parti që kanë zakon ta votojnë që nga 1946 për arsye që mund të hulumtohen vetëm në dhomën e rrëfimit të priftit. Sot lajm është se çfarë do të bëjë PD-ja, kjo krijesë e shkalafitur elektorale e cila mori grushtin e rëndë që nisi në marrëveshjen e 18 majit. Edi Rama ka folur shpesh në fushatë për bashkëqeverisje, se ai do të ketë kontakte me demokratët për hir të reformave.

Partia Demokratike shënoi rezultatin më të dobët të histotrisë së saj, duke njohur fitore vetëm në Qarkun e Kukësit. Duhet thënë se PD ishte në pritje të një humbje, por jo në të tilla përmasa. Basha dështoi ta kthejë opozitën në një alternativë sfiduese kundrejt një qeverisje të keqe dhe një kryeministri arrogant. Përgjegjësitë e humbjes janë të lidershipit të PD-së dhe statuti e kërkon që Basha të japë dorëheqjen.

Partia Socialiste e udhëhequr nga Edi Rama duket se do të shkojë drejt një fitore dërrmuese në zgjedhje. Projeksionet e para flasin për një fitore mbi 51%  në rangun e 75-76 mandateve me një diferencë të thellë kundrejt Partisë Demokratike, e cila zbret në shifra, ndërkohë që LSI ruan votat e saj. Nga një vëzhgim i shpejtë duket se rritja e Partisë Socialiste lidhet në mënyrë të drejtëpërdrejtë me tkurrjen e Partisë Demokratike në disa qarqe, një mesazh i fortë për lidershipin e PD-së.