parashikimi

Iracionaliteti i rezultateve të zgjedhjeve është një fenomen i hershëm në Shqipëri dhe kjo kryesisht nga  ndikimi i degëve lokale të faktorëve politikë nëpër zona të ndryshme të vendit. Nganjëherë (para  ndryshimeve të sistemit zgjedhor në vitin 2008), qytetarët e një spektri politik kanë qenë të detyruar të  votojnë parti të tjera për shkak të sistemit zgjedhor.

Parashikime të reja për të ardhmen e Europës që vijnë nga SHBA duket se përvijojnë një panoramë krejt të ndryshme nga ajo që shohim sot. Gazeta serbe “Vecernje Novosti” përcjell një analizë të Agjencisë amerikane të Inteligjencës, CIA dhe qendrës së analizave, Stratfor, sipas të cilës Europa që shohim sot nuk do të ekzistojë më as duke nisur nga viti 2020.

Një ekip hulumtuesish ka zhvilluar një sistem inovativ të inteligjencës artificiale që mund të parashikojë se si do të zhvillohen reaksione të reja organike kimike. Shkencëtarët po kërkojnë mënyra të reja për ta bërë procesin më të parashikueshëm dhe për të shpejtuar zhvillimin e ilaçeve të reja të dobishme.Hulumtuesit kanë zhvilluar një rrjet artificial, i cili është ushqyer me një bazë të dhënash të gati 400,000 reaksioneve kimike të njohura tashmë.

Truri ynë duket të jetë më mirë  në parashikime sesa vetë ne. Një pjesë e trurit tonë bëhet aktive kur ka dijeni se diçka do të ketë sukses të plotë, edhe pse ne me vetëdije mund të vendosim ndryshe. Nëse kjo gjetje funksionon, mund të çojë në sondazhe më të mira elektorale,  madje të parashikojë edhe ndryshimet në tregjet financiare.

Mbretëresha Elizabeth dhe burri i saj Princi Philip, Jimmy Carter, David Rockfeller, George H.W. Bush, apo edhe Bob Dole. Emra të njohur të cilët sipas një faqeje në internet me gjasë do të vdesin në vitin 2017. E çuditshme por ka edhe të këtilla madje me njëfarë suksesi. “Deathlist.net” quhet faqja e cila publikon parashikime të ngjashme në emër të një komiteti ekspertësh. Për vitn 2016 ajo parashikoi me saktësi vdekjen e 12 personave të njohur mes të cilëve, Fidel Castro, apo Muhammad Ali.

Edi Rama fiton zgjedhjet. Këtë e thotë me bindje një person që quhet Meri Shehu, e cila sipas televizionit kombëtar, Top-Channel, është astrologe. “Çfarë thonë yjet, cili do t’i fitojë zgjedhjet?” Ja pyetjet që shtron Top-Channel që e ekspozon këtë “lajm” në faqen kryesore të vet.

http://top-channel.tv/lajme/artikull.php?id=344714

“The Intercept” publikon një video të realizuar nga Pentagoni që nënvizon sfidat e mëdha të sigurisë në një botë ku popullsia urbane në vitin 2030 do të arrijë 1.4 miliardë. Megaqytetet që mund të parashikohen që sot janë një aliazh krimi dhe polarizimi social që vë në pikëpyetje efikasitetin e strategjive të deritanishme të sigurisë publike, përballimit të krimit, por edhe rendin social që kemi njohur deri më sot. Video ka karakter didaktik, për qëllime të Pentagonit, por ajo na ofron një realitet distopik prej nga ku të gjithë duan të ikin, apo edhe të mos e pranojnë.

Fatos Lubonja është një kritik i Edi Ramës dhe qeverisjes së tij. Madje pa e tepruar, si me shumëkënd që merret me opinionin politik, Lubonja bashkon në qëndrimet e veta si premisë edhe antipatinë thuajse organike për kryeministrin. Ky është efekti jopozitiv i Edi Ramës që prodhon refluks të madh mbi të dhe qëndrimet e personalizuara mbi shtetin. Sot në një koment të bërë në studion e "News24", Lubonja deklaron se teza e PD-së për përplasje është realiste.

Një raport i FMN-së i kërkon qeverisë shqiptare të ulë me 6 për qind borxhin publik, të rrisë me 5 për qind arkëtimet në OSHEE dhe të përmirësojë skemën e mbledhjes së kredive të këqija.  Programi i Reformave Ekonomike për vitin 2016-2018 i hartuar nga ekspertët, thekson se konsolidimi fiskal dhe ulja e nivelit të borxhit publik është kërkesa e parë e formuluar për qeverinë shqiptare nga grupi ndërinstitucional i ekspertëve dhe FMN për dy vitet e ardhshme.