ministria e jashtme

Një postim i Ministrisë së Jashtme Ruse paralajmëron se lufta e Ukrainës do të ketë fatin e asaj të Irakut, Vietnamit dhe përpjekjes së dështuar kundër Fidel Kastros në Kubë.

Në Tuiter, Ministria e Jashtme e Rusisë shprehet se luftërat që kanë pasur pas SHBA-të kanë përfunduar të gjitha me kosto të rënda financiare dhe njerëzore, duke shtuar se së shpejti atyre do t’u bashkohet edhe lufta në Ukrainë.

Mediat serbe shkruajnë se Ivica Daçiç pritet të zëvendësohet në detyrën e ministrit të Jashtëm, nga Marko Gjuriç, kreu i Zyrës për Kosovën. Lajmi raportohet nga gazeta Vecernje Novosti, sipas të cilës një sinjal për këtë ishte prezenca e Gjuriç në delegacionin serb në Uashington dhe Bruksel.

Kryeministri Edi Rama ka deklaruar sot në një intervistë për Top-Channel se Shengeni Ballkanik ishte pjesë e diskutimeve të tij me kancelaren gjermane, Angela Merkel. Nga mënyra sesi përgjigjet zoti Rama duket sikur ai dëshiron të marketojë një mbështetje gjermane në këtë kuadër, nisur nga fakti se Shengeni Ballkanik është pranuar edhe nga presidenti serb Vuçiç se kundërshtohet në disa vende të BE-së. Cilat janë këto vende?

Ministria e Jashtme e Shqipërisë refuzon publikimin e listës emërore të deputetëve dhe ish-deputetëve si dhe familjarëve të tyre që aktualisht zotërojnë pasaportë diplomatike nga MEPJ për shkak të funksionit parlamentar dhe ligjit mbi statusin e deputeti. Ky ka qenë objekti i një kërkese pranë kësaj ministrie nga Instituti i Studimeve Politike, kërkesë e cila është refuzuar me arsyetimin se cenon të drejtat e subjekteve të ligjit “Për mbrojtjen e të dhënave personale”. 

Shqipëria nuk ka dorëzuar pranë autoriteteve turke asnjë person që sipas Ankarasë zyrtare është anëtar i organizatës FETO, të themeluar nga filantropi Fetullah Gulen. ResPublica iu drejtua Ministrisë së Jashtme dhe për Evropën me disa pyetje për këtë çështje duke qenë se që nga njoftimi zyrtar i dorëzimit të listës nga autoritetet turke, nuk ka patur ndonjë deklarim për ekstradim personi.

Nxitimi i Gent Cakajt për ta shpallur veten ministër të Jashtëm në profilet e veta në rrjetet sociale, nuk është një akt i izoluar. Burimet bëjnë të ditur se Cakaj ka kërkuar takim me drejtorë të ndryshëm në Ministrinë e Jashtmë që në datën 31 dhjetor, pra tri ditë pas Asamblesë së Partisë Socialiste ku ai u shpall ministër nga kryeministri Edi Rama.

Ministria Jashtme shqiptare ka dalë me një deklaratë ku ka shprehur shqetësimin për vrasjet e 4 shtetasve shqiptarë në Greqi dy javët e fundit. Reagimi vjen pas vrasjes së  18-vjeçarit Mario Isai në 4 dhjetor në Kavalla, ndonëse sipas hetimeve autori i krimit është një bashkëkomoshatar i tij shqiptar.

“MEPJ shpreh indinjatën e thellë për humbjen e jetëve të bashkëkombasve tanë, ndjenja këto që thellohen nga vonesat në zbardhjen e këture ngjarjeve nga autoritetet greke”- thuhet në deklaratën e ministrisë së Jashtme.

Është folur shpesh në Shqipëri për anëtarësimin e vendit tonë në Konferencën Islamike, që sot quhet Organizata e Bashkëpunimit Islamik. Hera e fundit kur pozita e Tiranës zyrtare u debatua në lidhje me këtë organizatë, ishte miratimi i rezolutës turke për Jeruzalemin, që kaloi edhe në Asamblenë e Organizatës së Kombeve të Bashkuara.

Ministria e jashtme ruse postoi në profilin e saj  në Facebook një foto "terapeutike", siç e karakterizon ajo imazhin e  ministrit të Jashtëm rus Sergei Lavrov, i cili shfaqet në një sfond me  qiellin blu, buzëqesh dhe mban në shpatulla një flamur të madh rus.

Në Facebook-un e Ministrisë së Jashtme fotoja shoqërohet me fjalët:

"Foto Terapeutike. Të vendoset në pjesët më të prekura të planetit. Në disa rajone gjeografike, mund të ketë efekte ekzorcizmi"

Ambasada ruse në Tiranë ka reaguar sot përmes një njoftimi rreth qëndrimeve të Ministrisë shqiptare për Evropën dhe Punët e Jashtme lidhur me rastin “Skripal”. Një njoftim ku nuk mungon ironia dhe tallja për qëndrimet e ministrisë që e konsideron të mirëqenë faktin se në Britani ka patur një sulm kimik nga Rusia.