masakra

Edhe masakra e Las Vegasit mplekset në lojërat e botës dixhitale dhe politikat e Google. Gazeta “The Guardian” raporton se të mbijetuarit e masakrës ku mbetën të vrarë 58 njerëz dhe u plagosën 500 të tjerë, por edhe familjarë të viktimave janë shumë të irrituar me platformën “Youtube”, e cila sipas tyre ka promovuar videot që e cilësojnë ngjarjen një mashtrim. Miliona klikime mbi disa video që kanë vetëm pak ditë që janë postuar, pasi edhe ngjarja është shumë e freskët.

Autoritetet britanike bënë publike foton e autorit të masakrës së Mançesterit. Ai është 22 vjeçari libian, Salman Ramadan Abedi. Abedi ishte i dyti në serinë e katër fëmijëve të çiftit nga Libia. Fillimisht familja e tij  emigroi në Londër para rreth 10 vitesh dhe më pas u shpërngul në Mançester. Dy prej katër fëmijëve në profilet e tyre në Facebook kanë shënuar si qytetin e tyre të lindjes Tripolin në Libi.

Një gjeneral në pension i Ministrisë së Brendshme të Jugosllavisë së pas Dejtonit, Gorna Radosavljeviç, ka dhënë një intervistë në gazetën “Vecernje Novosti” përmes të cilës i kundërpërgjigjet njëfarësoj ish-kreut të misionit të OSBE-së, William Walker që deklaroi së fundmi se ka një projekt për bashkimin e shqiptarëve. Po kështu ishte Walker që shkruajti raportin në bazë të të cilit nisi sulmi i armatosur ndaj Serbisë në vitin 1999. Historia që rrëfen gjenerali në fjalë është e thjeshtë: sipas tij nuk kishte masakër. As ndonjë që del jashtë zakoneve të luftës.

Për dhjetra viktima raporton televizioni shtetëror sirian nga një sulm kamikaz në periferi të Alepos, ku shumë civilë po përgatiteshin të linin fshatrat e tyre për t’i shpëtuar urisë.Masakra  ndodhi kur një makinë bombë shpërtheu në një stacion autobusi, teksa po zbatohej marrëveshja për shkëmbimin e banorëbe mes mes rebelëve dhe ushtrisë siriane. Siç bëhet  e ditur në autobusë ndodheshin banorët e dy fshatrave të evakuuar. Autobusët transportonin banorë shiitët të cilët ishin në mbështeje të qeverisë siriane dhe po braktisnin shtëpitë e tyre sipas ujdisë me rebelët.

34 vjeçari nga Uzbekistani i dyshuar si autori i masakrës në lokalin Reina të Stambollit natën e ndërrimit të viteve ka dëshmuar se është ai që ndërmori sulmin me 39 të vdekur.  Sipas guvernatorit të Stambollit, Masharipov, i ciliflet katër gjuhë  të huaj kishte hyrë në mënyrë të paligjshme në Turqi. CNN Turk raporton se policia e dinte strehën e autorit dhe ishte   përgatitur prej për tri ditësh për të gjetur kohën e duhur për aksionin e arrestimit.

Autoritetet turke arrestuan në një lagje të Stambollit, autorin e dyshuar të  sulmit në lokalin e natës "Reina", ku mbetën të vrarë 39 persona. Policia turke ishte në kërkim që prej 1 Janarit duke patur në dispozicion një video dhe disa foto nga autori i dyshuar. Sipas gazetës "Hurriyet" njeriu që dyshohet se vrau 39 klientët e klubit "Reina" natën e Vitit të Ri, quhet Abdulkadir Masharipov dhe u arrestua në lagjen Esenyurt bashkë me djalin e tij.

Xhihadistët e Shtetit Islamik kanë marrë përsipër përgjegjësinë e sulmit vdekjeprurës në klubin Reina të Stambollit, ku mbetën të vrarë  39 persona dhe u plagosën 64 të tjerë. Shteti Islamik e quan autorin e masakrës si një ushtar të kalifatit. Autoritetet kanë arritur në përfundimin se autori është një i ri  rreth 25 vjecc, ndërsa fakti që nuk fliste mirë turqisht hedh dyshime se origjina e tij mund të jetë Kyrgyzstani ose Uzbekistan. Më herët kurdët e PKK e kishin bërë të qartë se nuk kishin asnjë lidhje me sulmin.

Vritet në Milano 24 vjeçari tunizian i dyshuar për sulmin terrorist në Berlin. Aniz Omri, njeriu më i kërkuar nga policia gjermane që prej të mërkurës, u vra gjatë një shkëmbimi zjarri me policinë mëngjesin e të premtes në San Giovanni të Milanos.
Ishin karabinierët italianë që ndaluam për një kontroll të rastësishëm dy burra, njëri prej të cilëve nxorrën armë dhe shtoi kundër tyre, duke thënë "Allahu Ekber" para se të vdiste.

Mediat gjermane vijojnë të zulojnë detaje nga jeta e 18 vjeçarit, Ali Sonboly, autor i masakrës me 9 të vdekur në Mynih. Duke iu referuar të dhënave të policisë, ato shktuajnë se adoleshenti veproi në gjndje amoku. Nga kontrollet në shtëpinë e tij u gjetën libra që flasin për vrasjet masive.
Para se të qëllonte mbi viktimat 18 vjeçari tha se 7 vite më parë kishte qenë viktimë e baullizmit, talljes dhe përbuzjes nga të tjerët. Ndaj dhe ai donte qe viktimat të ishin në një moshë me të, për t'u hakmarrë bashkëmoshatarëve që e kishin poshtëruar.

Sulmet e një dite më parë në aeroportin e Stambollit u përcollën me ndjenjë solidariteti nga Tirana zyrtare. Presidenti Nishani në reagimin e tij thotë se ndihet i revoltuar dhe dënon me forcën më të madhe këto akte të urryera terroriste që përgjakën muajin e shenjtë të Ramazanit dhe që sipas tij synojnë të trembin e destabilizojnë Turqinë mike.