kryeministri

Gjykata e Lartë e Pakistanit ka urdhëruar largimin nga detyra të kryeministrit Nawaz Sharif pas një viti hetimi dhe gjykimi për përfshirjen e tij në skandalin e Panama Papers. Sharif është në mandatin e tij të tretë dhe goditja e gjykatës vjen vetëm një vit përpara mbylljes së tij. Kjo e detyron partinë në pushtet, Lidhjen Myslimane Pakistaneze që të zgjedhë një kryeministër të përkohshëm deri në mbajtjen e zgjedhjeve të reja në mesin e vitit 2018.

Tashmë është e qartë për të gjithë: pushteti i Tiranës po konkuron për të imponuar të vërtetën e vet që divergon me atë që ndodh përditë. Ka disa mënyra që janë shtënë në punë për këtë: së pari është fitorja elektorale që po shitet si përgjegjësi kur ajo është krejt e kundërta. 

Së dyti është dukuria e bashkëqeverisjes elektronike, ku populli merr pjesë me hallet e veta përmes mesazheve në kompjuter. 

Së treti është një lloj kriminalizimi i medias shqiptare që pavarësisht problemeve monitorohet nga pushteti dhe mbi të ngrihet edhe çdo fabul mëngjesore. 

Shikojeni këtë video prononcim të z. Artan Lame. Ajo është shpërndarë në Facebook nga kryeministri Edi Rama, si shembulli sesi do të ndëshkohen të gjithë ata që nuk shërbejnë për popullin. Lame, që tërheq nga mbrapa këmborën mediatike të intelektualit, të befason kur e sheh të transformuar verbalisht – pasi karakterin nuk ja njeh kush – në një nëpunës shembullor, nga ata që marrin formën e enës së autoritetit.

Kryeministri Edi Rama ka dhënë një intervistë për emisionin “Përballë” në RTSH.  Ndonëse përflitej dhe hamendësohej, me këtë dalje, Rama ka bërë të qartë se edhe nëse merr 71 mandate ai do të ftojë parti të tjera në koalicion. Por kësaj radhe sipas tij, duke qenë se PS-ja është e pashantazhueshme, koalicionet do të jenë programore.

Betimi i Aleksandër Vuçiç si president i Serbisë ka hapur diskutimin për pasuesin e tij në kryeministri. Pak ditë më parë në disa media serbe u përfol mundësia e zgjedhjeve të parakohshme, por aktualisht është ende shpejt për të folur. Lidhur me këtë çështje, ministri i Jashtëm serb, Ivica Daçiç, aleat me Vuçiç, është shprehur se mundësia që ai të jetë kryeministër është shumë e vogël.

Dje u bë me dije një manovër administrative e qeverisë shqiptare e cila kushtëzon marrjen e ndihmës ekonomike me kryerjen e kontrollit bazë mjekësor. FIllimisht harku i moshës të cilës I ofrohet ky shërbim ishte 40-65 vjeç, më vonë u bë 35-70 vjeç, dhe së fundmi shtohet edhe ky kriter. Dyshimi është që qeveria po përpiqet të mbulojë konçesionin e check up i cili paguhet për rreth 400 mijë persona, pavarësisht sesa është numri i personave që e kryejnë atë.

Dy vjetorin e martesës me të tij me të dashurin e tij, Gaultier Ntestene festoi kryeministri i Luksemburgut, Xavier Betel. Betel u bë lideri i pari i një vendi të Bashkimit Evropian që u martua me person të të njëjtin seks, me një ceremoni të zhvilluar në 2015. Duke postuar në Tëitter fotot me partnerin ai ka dërguar një mesazh në lidhje me homoseksualitetin. "Është e turpshme që në më shumë se 70 vende ka ende ligje kundër homoseksualitetit"- shkroi Xavier Betel.

Neni 2 i Kushtetutës së Republikës së Shqipërisë pohon se "Sovraniteti në Republikën e Shqipërisë i përket popullit" (pika 1). Por me dashje, falë deformimit të sistemit zgjedhor, kryetarët e partive kanë rrëmbyer të gjithë autoritetin e duhur për të qenë të vetmit persona që  bëjnë listat e ligjvënësve të ardhshëm, pa asnjë proces demokratik, pa asnjë platformë, duke e shndërruar demokracinë në një kujtim të largët të saj. Në këtë mënyrë, sovraniteti në Republikën e Shqipërisë i ka kaluar monarkëve të rinj të saj, kryetarëve të këqij të partive politike.

Kryeministri turk Binali Yildirim ka paralajmëruar opozitën se thirrja e protestave pas rezultateve të referendumit është e papranueshme. Associated Press citon kreun e qeverisë të jetë shprehur se opozita ka të drejtën të depozitojë ankesat e veta për referendumin që i dha presidentit Erdogan kompetenca të reja duke ndryshuar në thelb strukturën e shtetit. Sipas Yildirim shtegu për kërkimin e të drejtave duhet të kufizohet në ankesat ligjore duke eliminuar kështu një të drejtë si ajo e protestës.

Së fundmi në portale të ndryshme online, por edhe në faqet e televizioneve vihet re një praktikë “gazetarie” që sugjeron për lexuesin bisedat që kryeministri zhvillon me komentues të ndryshëm në profilin e tij në Facebook. Përveç ndonjë rasti kur thuhet ndonjë gjë me vlerë, apo përcillet ndonjë mesazh, kjo praktikë “pune” nuk justifikohet as për interesin publik dhe as për kriterin profesional. Së pari shumica e portaleve që transmetojnë këto qyfyre politike qëndrojnë në klikime poshtë numrit të ndjekësve të kryeministrit Rama në Facebook. I cili ka sot më shumë se 1 milionë ndjekës.