jemen

Shtetet e Bashkuara kryen sulme ndaj rebelëve Houthi në Jemen për të dytën ditë radhazi. Sulmi e përfshin më tej administratën Biden në luftë në Lindjen e Mesme, gjë që ka ndarë më dysh opinionin në Uashington.

SHBA, së bashku me katër vende të tjera, goditën gati 30 pozicione të Houthi pasi grupi militant i mbështetur nga Irani përshkallëzoi sulmet e tij ndaj anijeve tregtare në Detin e Kuq.

Fotoja është marrë në Taez të Jemenit në ditën e parë të shkollës më 3 shtator. AFP raporton se godina është dëmtuar nga goditjet ajrore. 

Shokuese janë vlerësimet e organizatës “Save the Children” për fëmijët në Jemen, ku nga viti 2015 rreth 85 mijë fëmijë nën 5  vjeç kanë vdekur nga uria dhe sëmundjet në tre vitet e fundit.

Kombet e Bashkuara paralajmëruan muajin e kaluar se 14 milionë njerëz janë në prag të urisë në Jemen. OKB kërkon rifillimin e bisedimeve për t'i dhënë fund luftës tre-vjeçare, e cila ka shkaktuar krizën më të rëndë humanitare.

Në Jemen po luhet një tjetër tragjedi. Vdekja ka marrë përmasa biblike duke përfshirë gra dhe fëmijë. Një nga dramat më të mëdha në teatrin e Lindjes së Mesme. Jemeni, sipas OKB-së po përjeton krizë më të madhe humanitare në botë. Masakrat e nisura që nga viti 2015 pak shqetësojnë opinionin publik në Perëndim. Aq më tepër që kjo situatë  nuk është shkaktuar nga armiqtë e fuqive dominuese perëndimore, por nga aleatët e tyre.

Vendet e Bashkimit Europian figurojnë mes shitësve më të mëdhenj të armëve në konfliktin mes Arabisë Saudite dhe Jemenit. Britania e Madhe qëndron në krye me 4.2 miliardë euro armë të shitura në vitin 2015 për Arabinë Sauidte, ndjekur nga Franca me 1 miliardë në vitin 2016, Italia dhe Spanja me nga 100 milionë euro.

Marrëdhëniet mes Iranit dhe Arabisë Sauadite janë tensionuar ndjeshëm duke mbërritur në deklarata të hapura lufte. Pak ditë pasi një nga përfaqësuesit e monarkisë saudite, ministrit të Mbrojtjes Mohammed bin Salman deklaroi se bisedimet me Iranin janë të pamundura pasi “Teherani kërkon kontrollin e botës myslimane”, homologu i tij Iranian, gjenerali Hossein Dehqan, nuk ka kursyer kërcënimet.

“I paralajmërojmë se nëse bëjnë ndonjë veprim injorant, nuk do të lëmë asgjë pa goditur,, përveç Mekës dhe Medinës”, tha Dehqan.

Irani ka deklaruar sot se avionë të Arabisë Saudite kanë goditur selinë diplomatike të tij në kryeqytetin e Jemenit. Informacioni është përcjellë nga agjencia iraniane IRIB dhe citon zëdhënësin e Ministrisë së Jashtme, Hossein Jaberi Ansari. “Arabia Saudite është përgjegjëse për dëmet e shkaktuar në ndërtesën e a,basadës dhe plagosjen e disa pjesëtarëve të stafit”, tha Ansari. Ky akt pason sulmin ndaj ambasadës së Arabisë Saudite në Teheran dhe shkëputjen si pasojë e tij, të marrëdhënieve diplomatike mes dy vendeve.

Sipas AFP, hoteli në Aden, ku qëndronte kryeministri i Jemenit, Khaled Bahah, u godit sot me tre predha dhe u përfshi nga flakët. Lajmi bëhet i ditur nga burimeve të sigurisë dhe dëshmitarëve në terren. “Ka pasur të vdekur dhe të plagosur gjatë këtij sulmi”, deklaroi një përgjegjës, por pa saktësuar nëse mes viktimave ka edhe ministra. Kryeministri Bahah, që është gjithashtu edhe zëvendëspresident i Republikës dhe ministrat e tij ndodhen në Aden, që është shpallur kryeqyteti provizor i Jemenit pasi u çlirua nga kontrolli i rebelëve shiitë Huthis pro-iranianë.

Gjatë faljes së Kurban Bajramit, ka ndodhur kjë sulm kamikaz me bombë, në një xhami në Sana, kryeqyteti i Jemenit. Sipas raportimit të BBC, nga ky atentat në xhaminë al-Balili kanë vdekur 12 persona. Nga shpërthimi kanë mbetur të plagosur edhe shumë persona të tjerë. Kryeqyteti i Jemenit është goditur kohët e fundit nga një seri sulmesh me bombë nga ISIS-i.

Middle East Monitor, raporton se rreth 1 milionë luftëtarë jemenitë janë mbledhur në kufi me Arabinë Saudite dhe po përgatiten për ta sulmuar. “MEM” i referohet një gazete iraniane, “Kayhan” e cila pretendon se burime nga terreni japin këto informacione. Irani ka interes direkt në konfliktin në Jemen, ku janë angazhuar sauditët, për shkak të komunitetit shiit që jeton aty. Edhe ky përqendrim forcash, nga fise të Jemenit, synon siç shkruan “MEM, të zhvendosë konfliktin nga Jemeni. Një zëdhënës i ushtrisë së Jemenit, Sharaf Ghalib Luqman.