isis

Duket se drejtimi fetar dhe politik i Shtetit Islamik po njeh rënien drastike në terren. Të paktën këtë raporton agjencia ruse “Sputnik”, e cila referon një burim mediatik irakne, rrjetin “Alsumaria”, sipas të cilit lideri i ISIS, Abu Bakr al-Baghdadi, ka mbajtur një fjalim që cilësohet si fjalim lamtumire. 

“Al – Baghdadi ka pranuar se organizimi i ISIS ka pësuar humbje në përplajest e fundit në Irak”, shkruan “Sputnik”. Ai madje thuhet se ka bërë thirrje që militantët të strehohen maleve.

Video është publikuar nga Ministria ruse e Mbrojtjes dhe paraqet shkatërrimin nga ISIS të sitit të famshëm arkeologjik në Siri.

Policia e Shkodrës ka ndaluar mësuesen e Medresesë së Shkodrës, Emine Alushi, pas audioregjistrimit të transmetuar një ditë më parë në emisionin "Stop", ku ajo shfaqet duke bërë propagandë pro ISIS. Ka reaguar edhe Drejtori i Pergjithshem i Medresesë së Shkodres, Kujtim Dervishi, i cili është distancuar nga qëndrimet e mësueses.  Sipas tij, “ajo cfarë ka thënë mësuesja, subjekt i kësaj videoje nuk përfaqëson linjën zyrtare të Medresesë si Institucion Arsimor i KMSH dhe është krejtësisht e kundërt me atë cfarë ofron dhe synon shkolla jonë në procesin edukativ.

Ministri i Brendshëm i Shqipërisë, Saimir Tahiri, i ka kërkuar gazetës italiane “La Repubblica” që të përgënjeshtrojë lajmin e saj për praninë e ISIS në vendin tonë. 

"Për fat të keq, kjo nuk është hera e parë që ndodh, duke cënuar imazhin e Shqipërisë në sytë e lexuesit tuaj, por shpresoj shumë të jetë e fundit…Nga Republika e Shqipërisë, gjatë dy viteve 2015 dhe 2016 nuk ka pasur asnjë shtetas shqiptar që të jetë larguar për në vendet e konflikteve fetare në Siri apo gjetkë, në cilësinë e “foreign fighter”.

Një palestinez përplasi kamionin e tij me një grup ushtarësh izraelitë në një rrugë për këmbësorë në Jeruzalemin perëndimor, duke vrarë katër ushtarë dhe duke plagosur 15 të tjerë në një sulm të qëllimshëm. Disa orë më vonë, kryeministri izraelit Benjamin Netanyahu tha se autori i sulmit ishte një mbështetës i Shtetit Islamik. "Ne e dimë identitetin e agresorit dhe sipas të gjitha indikacioneve, është një mbështetës i Shtetit Islamik” tha kryeministri Netanyahu në një deklaratë.

Vlerësimin se Shteti Islamik herët a vonë do të godasë Italinë ka shprehur kreu i policisë italiane, Franco Gabriel. "Dua ta them me një mënyrë sa më të pranueshme. Herët apo vonë edhe ne do të paguajmë një çmim. Nuk ka anjë dyshim, ne nuk duhet të mashtrojmë veten. Shpresojmë që goditja të jetë në një shkallë sa më të kufizuar”

Turqia ka dhënë sot një sinjal tjetër se marrëdhëniet me Shtetet e Bashkuara të Amerikës nuk do të jenë ashtu si deri më sot. Formalisht është gjetur mungesa e mbështetjes nga koalicioni ndërkombëtar kundër ISIS, ashtu siç e intepreton Ankaraja, për të shtruar një pyetje që mund të ketë pasoja me natyrë strategjike.

Shteti Islamik ka publikuar një video të re në morinë e mesazheve propagandistike për luftën e tyre në emër të xhihadit. Në të shfaqen fëmijë  duke u trajnuar me armë si të loftojnë në fushën e betejës dhe si të ekzekutojë të burgosurit e tyre.

Fëmijët mësohen si të përdorin armët në në luftrat urbane, por edhe në hapësira ​​të hapura në fshat. Këto video propagandistike publikohen në një kohë kur organizata terroriste ka marrë goditje të rënda në Siri dhe Irak.

Presidenti turk Rexhep Tajip Erdogan tha të martën se ai ka prova se forcat e koalicionit ndërkombëtar nën drejtimin e SHBA kanë mbështetur organizatat terroriste, duke përfshirë ISIS dhe organizatat kurde YPG dhe PYD kurde.

"Na akuzuan se mbështesim Daesh (ISIS)", tha ai në një konferencë për shtyp në Ankara. "Tani u sigurojnë mbështetje organizatave terroriste, duke përfshirë Daesh, YPG dhe PYD. Në mënyrë të qartë. Ne kemi dëshmi në imazhe, foto dhe video", -deklaroi Erdogan.