gjyqtari

Kontrolli në banesën e gjyqtarit Skënder Damini ka prodhuar disa fotografi të “çuditshme” të zakonit të njohur se lekët mbahen nën dyshek. Report Tv përcjell në fakt foto të lekëve – mijëra euro në sirtarin e rrobave të brendshme të bashkëshortes, që cilësohet si vendndodhje pikërisht kështu, si e si për të treguar se me akuzat për korrupsion vjen edhe mundi i të akuzuarit për të fshehur lekët.

Një prej 5 anëtarëve të trupës gjyqësore që dha vendimin për Dritan Dajtin ka publikuar në rrjetet sociale faqen e fundit të vendimit që sipas tij tregon se dy nga gjyqtarët e Apelit të Krimeve të Rënda kanë qenë pjesërisht kundër shuqizimit të dënimit të përjetshëm.

Fuat Vjerdha, gjyqtar në Shkodër nuk ka dhënë më shumë detaje por, ka lënë të kuptohet se ai nuk pajtohet plotësisht me 3 nga kolegët që firmosën për uljen në 25 vjet të dënimit për Dajtin, i cili në vitin 2009 vrau katër efektivë policie.

Një kontroll i befasishëm zbuloi se gjyqtari i Gjykatës së Apelit të Tiranës, Shkëlqim Miri mbante në banesën e tij rreth 300 milionë lekë të vjetra. Ai u ndalua me me urdhër të Prokurorisë së Krimeve të Rënda në kuadër të operacionit të koduar “ Një vrasje e dytë”.

Këshilli i Lartë i Drejtësisë ka nisur verifikimin për të gjithë dokumentacionin lidhur me vendimin që gjyqtari i Vlorës, Arqile Basho ka dhënë për lirimin e trafikantit të drogës Rakip Arapaj, i cili ndodhej në masë sigurie arrest me burg për mbi 5 tonë lëndë narkotike të kaput në fshatin Llakatund të Vlorës.

Kryetari i Gjykatës së Gjirokastrës u regjistrua teksa kërkonte favore seksuale në këmbim të ndikimit të vet. Rasti është publikuar nga emisioni “Stop” në Tv Klan dhe sikurse pritej prodhoi reagimet e zakonshme në kësi rastesh: ministri i Drejtësisë në lidhje telefonike deklaroi se Këshilli i Lartë i Drejtësisë duhet ta shkarkojë gjyqtarin. Unioni i Gjyqtarëve lëshoi një deklaratë përmes së cilës “u distancua nga akte të tilla”, për të pritur ditën e nesërme ku me siguri ky akt i kapur në flagrancë do të shërbejë për të riaktivizuar propagandën e një “reforme radikale në drejtësi”.

Ministri i Brendshëm Sajmir Tahiri ka deklaruar pas pyetjeve në prokurori se ai ka të drejtë të shprehë opinione mbi punën e gjyqtarëve. “Nuk mund të më pengojë askush të jap mendimet dhe opinionet e mija lidhur me vendimet e gjykatave apo gjyqtarëve që janë në detyrë për shërbimin apo qokave të atyre që kanë kapur drejtësinë. 99% e shqiptarëve sot mendojnë se sistemi gjyqësor ka segmente të caktuara që militojnë prej qokave politike. Për mua ato janë korporatë gjyqtarësh”, tha Tahiri.

Prokuroria për Krime të Rënda kërkon dënimin me 5 vjet burgim dhe 3 vjet heqje të të drejtës së ushtrimit të funksioneve publike për gjyqtarin e Sarandës, Rasim Doda, I akuzuar për veprën penale të “Korrupsionit pasiv të gjyqtarit…”. Hetimi ndaj të pandehurit u zhvillua fillimisht nën masën e sigurisë “arrest në burg” dhe më tej në “arrest në shtëpi”.

Ministri i Brendshëm Sajmir Tahiri është kallëzuar penalisht nga Këshilli i Lartë i Drejtësisë. Në një mbledhje jashtë radhe që ky i fundit ka bërë me kërkesë të kreut të vet, presidentit Bujar Nishani, është dënuar sjellja e Tahirit ndaj gjyqtarit Aliaj, që vendosi shkarkimin e drejtorit të Policisë, Haki Çako. “Gjatë diskutimeve anëtarët e Këshillit, dënuan ashpër intimidimin që po i bëhet gjyqtarit z.