gjykata speciale

Hashim Thaçi është kthyer në Kosovë pas katër ditësh intervistim në Prokurorinë Speciale në Hagë. Një institucion të cilin ai e ka dekretuar dhe para të cilit përgjigjet sot. Me imunitetin e Presidentit, jo me besimin e një qytetari që respekton angazhimin e tij. Sot ai ka bërë një hap pas në krahasim edhe me Rambujenë, në kështjellën e së cilës hyri me kredencialet e një luftëtari, pasi në këtë rast Presidentit të Kosovës nuk po i kërkohet informacion një firmë për paqen, por i kërkohet llogari për aktet e tij gjatë luftës.

Akuzë për rreth 100 vrasje për Hashim Thaçin dhe Kadri Veselin, njëri Presidenti i Republikës së Kosovës dhe tjetri, kryetar i Partisë Demokratike të saj. Materiali është përgatitur nga Zyra e Prokurorit Special dhe të dy të akuzuarit duhet të mbrohen para Gjykatës Speciale në Hagë.

Pas Ramush Haradinajt ftesa për në Gjykatën Speciale i ka ardhur Jakup Krasniqit, ish-zëdhënës i UÇK-së dhe aktualisht një kundërshtar politik i Hashim Thaçit. Në Kosovë kanë nisur të arsyetojnë se pas largimit të Haradinajt dhe të tjerëve pro qëndrimeve të tij mund të qëndrojnë amerikanët që nuk pranojnë dot dështimin me negociatat mes Serbisë dhe Kosovës. Daniel Server, një studiues dhe diplomat i njohur ka pranuar se skenari që pas kësaj që po ndodh të jetë administrata Trump, duke cilësuar se po bëhet një gabim i madh. 

Kryeministri i Kosovës, Ramush Haradinaj, ka dhënë sot dorëheqejn e parevokueshme nga detyra. Ai ka lexuar një letër dorëheqjeje pas mbledhje së qeverisë përmes së cilës ka sqaruar arsyet e largimit.

Gazeta Zëri në Kosovë shkruan sot se tre liderët politikë të ardhur nga radhët e Ushtrisë Çlirimtare të Kosovës, presidenti Thaçi, kryeministri Haradinaj dhe kryetari i Kuvendit Veseli janë tërhequr përfundimisht nga iniciativa për shfuqizimin e Gjykatës Speciale firmosur pak javë më parë nga 43 deputetë të Kuvendit

Kosova rrezikon seriozisht të humbasë mbështetjen e Bashkimit Europian dhe Shteteve të Bashkuara nëse parlamenti voton të mërkurën Projektligjin për Zhbërjen e Dhomave të Specializuara, i njohur ndryshe si Shkrirje e Gjykatës Speciale, e ngritur për trajtimin e krimeve të luftës nga ish-luftëtarët e UÇK-së.

Siç raporton gazeta ”Zëri”,  Zyra e Bashkimit Evropian në një përgjigje dhënë gazetës ka paralajmëruar se tentimi për zhbërjen e Speciales rrezikon dukshëm raportet e Kosovës me Brukselin. 

Pasi është detyruar nën presionin ndërkombëtar të miratojë krijimin e Gjykatës Speciale që do hetojë krimet e luftës në Kosovë, zv.kryeministri dhe kreu i PDK-së Hashim Thaçi ka paralajmëruar në fjalën e tij në Këshillin e Sigurimit të OKB-së se rezistencën e shqiptarëve dhe luftën e UÇK-së, asgjë nuk mund ta barazojë me krimin shtetëror serb.

Edhe pse më në fund u mundësua krijimi i saj, Gjykata Speciale për krimet e luftës në Kosovë mund të rezultojë një histori dështimi, thotë analisti amerikan, Daniel Serwer. Kjo sepse edhe EULEX ka dështuar, çka tregon se korrupsioni është i plotfuqishëm në vend, ndërkohë që provat e krimeve të luftës janë vjetruar dhe se ka rrezik që procesi të mos jetë i drejtë.

Janë votuar nga deputetët e Kuvendit të Kosovës, ndryshimet kushtetuese që hapin rrugë në krijimin e Gjykatës Speciale. Siç njofton Express, me 82 vota deputetët e Kuvendit të Kosovës i thanë Po krijimit të Gjykatës Speciale duke miratuar ndryshimet kushtetuese, kundër të cilave ishin vetëm 5 vota dhe 1 abstenim. Opozita nuk ka votuar, duke hequr kartelat e tyre në momentin e votimit. Ndërkaq, janë evidentuar edhe ata deputetë që megjithëse ishin kundër më herët, kanë ndryshuar qëndrim këtë herë duke votuar pro.

Parlamenti i Kosovës po përgatitet për të votuar krijimin e GJykatës Speciale që do të hetojë krimet e luftës, pasi palët politike aleate në qeverisje, deklarojnë se janë gati. Bindja e deputetëve të partisë së Hashim Thaçit, PDK, për të votuar pro, ka qenë e vështirë. Por ndërkaq veteranët e luftës po vazhdojnë protestën e tyre para selisë së Qeverisë së Kosovës. Ata kërkojnë përfundimin e listave të veteranëve dhe mos votimin e Gjykatës Speciale. Madje kanë gjuajtur me shishe zëvendëskryeministrin e Kosovës Hashim Thaçi, duke i thirrur “hajn, hajn”.