Europa

Irani paralajmëron Europën se do të rrisë rrezen e raketave të veta nëse do të ndihet i kërcënuar. Reuters citon numrin dy të Gardës Revolucionare, sipas të cilit Teherani është në gjendje të rrisë rrezen e raketave mbi 2000 km.

“Nëse e kemi mbajtur rrezen e raketave deri në 2000 km nuk e kemi bërë këtë për mungesë teknologjie. Ne po ndjekim një doktrinë strategjike. Deri më tani ne kemi ndjerë se Europa nuk është një kërcënim…por nëse Europa do të kthehet në kërcënim ne do të rrisim rrezen e raketave tona”, tha Gjenerali Hossein Salami.

Kryeministri grek, Alexis Tsipras, ka akuzuar ashpër Bashkimin Europian dhe institucionet jodemokratike të tij. Përmes një interviste për gazetën franceze “Le Figaro”, Tsipras ka folur për atë Europë që i merr vendimet me duer të mbyllura, për një Europë shoviniste dhe ku po dominion nacionalizmi. 

Ngërçi politik në Gjermani për shkak të dështimit në formimin e një koalicioni qeverisës, të ashtuquajtura "Jamaica" (CDU / CSU, Die Gruenen, FDP), po e çon "lokomotivën" e Europës drejt një krizë të zgjatur, me frikën se kjo pasiguri do të përhapet në të gjithë Evropën.

Presidenti francez, Emanuel Macro tha që momentin e parë të dështimit të bisedimeve se "ngrirja e procesit politik në Gjermani nuk është në interesin e BE" pasi në fillim të dhjetorit udhëheqësit e Gjermanisë dhe Francës do të diskutojnë planet për arkitekturën e re të Europës.

Shërbimi meteorologjik i Rusisë njoftoi se në në fund të shtatorit ka konstatuar nivele "jashtëzakonisht të larta" të izotopit radioaktiv ruten-106 , duke konfirmuar vlerësimet e Institutit të Shkencëtave të Rrezatimit dhe Sigurisë Bërthamore (IRSN) në Francë mbi origjinën e mundshme të elementit radioaktiv që ishte identifikuar në Evropë në fillim të tetorit.

Vizioni i përbashkët franko-gjerman i bashkëpunimit midis vendeve evropiane në fushën e sigurisë dhe të mbrojtjes merr "udhë" pas nënshkrimit nga 23 vende të BE-së të planit për mbrojtjen e përbashkët ushtarake.

Marrëveshja njihet si Bashkëpunimi i Përhershëm Strukturor (PESCO). Pjesëmarrësit e takimit nënshkruan një sërë angazhimesh që "përfshijnë rritjen e shpenzimeve për kërkime dhe teknologjinë në sektorin e mbrojtjes në masën  2% të shpenzimeve totale të mbrojtjes" dhe "rritje të rregullt në terma realë për  buxhetet e mbrojtjes”

Gazeta gjermane  “Tagesspiegel” ka publikuar së fundmi një listë të plotë, me emra, mbiemra, origjinën dhe shkakun e vdekjes, të personave që kanë tentuar të arrijnë Europën dhe kanë humbur jetën. 33 293 njerëz të regjistruar si të vdekur në këtë përpjekje që nga viti 1993. 

33,293 emra, 33,293 fate, 33,293 të vdekur në aspiratën e përbashkët për të shkelur Europën. Figurojnë patjetër aty edhe shqiptarët, sidomos në vitet ’90, bashkë me marokenë, afganë, jugosllavë, irakenë, iranianë e së fundmi afrikanë të tjerë dhe sirianë. Gjithë lista e kombeve që janë sot në lëvizje masive. 

Këto ditët e fundit në Europë u kujtua 500 vjetori i Reformacionit dhe autorit të saj Martin Luter. Konsiderohet një prej ngjarjeve që ka shenjuar historinë e Europës dhe madje edhe të njerëzimit në kuptimin e historisë se besimit fetar. Jubileu përkon në fakt me kohë të turbullta, ku feja ka rimarrë një rëndësi të madhe në narrativat e përditshme të identitetit individual, por edhe me një periudhë rënieje të madhe të rolit të saj në shoqërinë perëndimore.

Një raport i përgatitur nga parlamenti turk vë në dukje se ShBA kanë të dislokuara 150 armë bërthamore në 5 vende anëtare të NATO-s. sipas këtij dokumenti aktualisht ka në dispozocion rreth 15000 armë bërthamore, dislokuar në 14 vende të ndryshme, nga të cilat 9,400 janë pjesë e arsenalit për përdorim ushtarak, kurse pjesa tjetër duhet të shkatërrohet. 

Serbia është ushtari i Vladimir Putinit në Ballkan. Kështu shprehet ambasadori ukrainas në Beograd, Oleksandr Aleksandrovych sipas të cilit, “Kremlini nuk do t’ia dijë për Serbinë, por thjesht po e përdor atë për të krijuar kaos dhe provokuar një luftë të re në Ballkan”.

Liderët e Turqisë, Azerbajxhanit dhe Gjeorgjisë kanë përuruar punimet e një linje hekurudhore 826 km të gjatë që do të lidhë Europën me Kinën duke shmangur linjën tradicionale ruse.

Në kryeqytetin azer, Baku, liderët e të trija vendeve kanë vënë simbolkisht binarët e parë të një linje që bën pjesë në aksin kinez të Rrugës së Mëndafshit, por që nuk fsheh synimet strategjike që ta kthejë gjigandin rus në një xhep që qëndron anash atij që mendohet të jetë një korridor tregëtar ndër më të mëdhenjtë në botë.