edi rama

Kryeministri Edi Rama është shfaqur sot në një lidhje televizive përmes së cilës ka folur për situatën e krijuar nga pandemia e tanishme e coronavirusit. Zoti Rama ka thënë se numrat në Shqipëri do të rriten, por sipas tij që duhet bërë çmos që të ruhet një rritje graduale dhe jo eksponenciale e cila do të vendoste sistemin shëndetësor përpara pamundësisë për trajtim. Kryeministri nuk ka pranuar të zbulojë diçka për paketën e ndihmës ekonomike.

Nuk jemi në situatën që deti të bëhet kos, por do të kursejmë edhe kosin që kemi

Kryeministri i vendit, Edi Rama, ka njoftuar sot se shtrëngimet në lëvizje do të thellohen. Tashmë do të ndalohet qarkullimi i këmbësorëve pas orës 18:00 të mbrëmjes.

Duke nisur nga sot, çdo ditë në vijim pas orës 18.00 do të ndalohet edhe lëvizja me këmbë në të gjithë territorin e republikës së Shqipërisë!

Nga nesër, me urdhër të ministres së Shëndetësisë do të hyjnë në fuqi gjoba edhe për këmbësorët dhe për ata që ulen në parqe apo mjedise të tjera të hapura!

Punoj online me ministrat, flas non stop me Ogertën, marr të dhënat dhe porositë e ekspertëve, lexoj çfarë shkruhet për epideminë nëpër botë, ndjek televizor çfarë thonë dhe bëjnë kolegët nëpër Europë…dhe hyj hera-herës këtu për të shikuar shqetësimet, pyetjet tuaja…

Kryeministri i vendit është i gëzuar. Thirrja e tij për solidaritet funksionoi. Shqiptarët u futën të gjithë në kuvli, ndërkohë që mjekë dhe infermierë i janë përgjigjur thirrjes së tij.

Lajmi i mirë është se deri tani i janë përgjigjur thirrjes 497 mjekë dhe 617 invermierë. E përsëris që të gjithë mjekët dhe infermierët që paga e marsit do të jetë me një bonus prej 1 mijë eurosh. Ky bonus do t’u jepet edhe gjithë vullnetarëve që do të thirren në front. Është më e pakta që mund të bëjmë

Në luftën kundër koronavirusit janë dalluar dy modele: modeli kinez dhe ai koreanojugor.

Modeli kinez, i adoptuar së fundmi edhe nga Italia konsiston në karantinim total të lëvizjeve njerëzore dhe ekonomisë. Ai u provua në Kinë si i suksesshëm në frenimin e përhapjes por si model ai ka një problem themelor: ka kosto të jashtëzakonshme për vende me ekonomi të varfër dhe që janë demokracia. Kosto që për një kategori sociale mund të rezultojnë shkatërrimtare.

Kryeministri ka paralajmëruar sot të gjithë ata që duan të përfitojnë nga situata aktuale. Farmacitë që rrisin çmimet do t’u hiqet liçenca, ushqimoret që rrisin çmimet do t’u hiqet e drejta për të tregëtuar, personat që qarkullojnë me makinë, do t’u hiqet patenta. 

Zoti Rama e shpalli kështu veten Zot në ferrin e pandemisë shqiptare. Por me çfarë do t’i bëjë këto ndalime? Me cilin ligj, dekret, apo urdhër që të ketë vlerë? 

Edi jam. Të lutem shumë laj duart, ruaju medias…telefono 127-ën. Përqaf nga larg.

Mediat raportojnë se një zyrtar i lartë brazilin, sekretari për Komunikacionin Fabio Wajngarten rezulton i prekur nga koronavirusi. Ky në fakt nuk është lajmi. Lajmi është se ai ka qenë ditë më parë në një darkë pune me presidentin amerikan Donald Trump, që ka deklaruar më pas se nuk është i shqetësuar nëse është ekspozuar ndaj virusit. 

Siç mund të pritej edhe me krizën e pandemisë së tanishme, shqetësim ndër kryesorët për qeverinë shqiptare janë mediat. Një pjesë e tyre. Ç’është e vërteta në botë po bëhen përpjekje për të ndalur lajmet e rreme, kurse në Shqipëri të tilla ende nuk ka. Janë vënë në lëvizje padi penale për përhapje paniku, por ato janë akuza mbi rërë, pasi përditë e më shumë po del në pah se Shqipëria nuk po di ta përballojë krizën veçse duke imituar vendimet që merren në Itali. Ka ankesa të shumta nga stafet mjekësore, ka mosbesim për shifrat, ka shtrëngesë në logjistikë.

Kryeministri Edi Rama ka njoftuar sot përmes një videoje se masat e parashikuara përfshijnë nxjerrjen në rrugë të patrullave të policisë dhe policisë ushtarake për të kontrolluar çdo person që mund të ketë ardhur nga zonat e rrezikut epidemiologjik. Z. Rama ka paralajmëruar se për personat e ardhur nga Italia apo Greqia që do të shihen sërish në rrugë nga dita e nesërme do të gjobiten me 5000 euro gjobë.

Jemi në situatë lufte, ka thënë z. Rama.