ceshtja came

Mediat shqiptare kanë krijuar një kategori të re kërkimi në Google. Ky është Ligji i Luftës me Greqinë.

Vendimi për zhvendosjen e popullsisë çame në Azi

Ka një reagim emocional por edhe të llogaritur nga akrobatë të njohur të protagonizmit mediatik shqiptar, pas deklaratave të presidentit grek, Prokopis Pavlopoulos për çështjen çame. Siç raportoi së pari ResPublica, Pavlopoulos I bëri këto deklarata në një vizitë pranë shtabit të ushtrisë greke në Larisa ku u shpreh se çështja çame nuk ekziston dhe se çamët bashkëpunuan me nazistët.

Te ky qëndrim konstant i Greqisë mund të dallojmë disa gjëra.

Deklaratat e ministrit të Jashtëm, Ditmir Bushati se në paketën e çështjeve të mbetura pezull nga Lufta e Dytë Botërore, përfshihet edhe zgjidhja e pronave të çamëve ka provokuar reagimin e Athinës. Pavarësisht se jo në mënyrë të drejtëpërdrejtë, seksioni greqisht i CNN duke iu referuar burimeve nga qarqe diplomatike thotë se "pozicioni i Greqisë është ai që ka qenë  dhe i shprehur në vizitën e fundit në Tiranë të ministrit Kotzias se “për Athinën nuk ekziston çështje çame”.  

Shaban Murati, gazetar, publicist dhe ish-diplomat shkruan sot në “Gazeta Shqiptare” një opinion rreth marrëdhëieve mes Shqipërisë dhe Greqisë. Duke e nisur opinionin me atë që e quan ndërhyrje të paprecedentë të Athinës zyrtare në punët e brendshme të vendit tonë, kjo për rastin e deklaratës së fundit kur pala greke përmendi edhe çështjen “Tahiri”, Murati sugjeron që në bisedimet e Kretës të përfshihet edhe çështja çame.

Tonet patriotike të Edi Ramës jo gjithmonë nënkuptojnë disponimin e tij për të zgjidhur çështjet e ashtuquajtura kombëtare. Viktima e radhës është Shpëtim Idrizi dhe çështja çame. Kryeministri që nuk i kursen shfaqjet  sipas axhendave nacionaliste që promovon në kuadër të devizës "zero probleme me fqinjët", duket se ka bërë një hap mbrapa në raport me Greqinë, me të cilën ka tensionuar ndjeshëm marrëdhëniet qëkurse ka ardhur në pushtet. 

Konferenca e Kryetarëve në Kuvend nuk ka marrë në shqyrtim një kërkesë të PDIU-së për ngritjen e një komisioni për ngjarjet në Çamëri pas Luftës së Dytë Botërore. Pengesa për këtë nismë të partisë së Idrizit ka qenë Lëvizja Socialiste për Integrim, e cila ka kërkuar më shumë kohë për të shqyrtuar kërkesën. Kjo është përplasja e radhës mes dy partive që janë në garë se kush do të mbajë vendin e dytë në koalicionin e majtë.

Ethet elektorale në Shqipëri dhe pasigurtë që i paraprijnë zgjedhjeve kanë orientuar aksione politike tensionuese. Një grup deputetësh të PDIU-së, bashkë me firmën e deputetit socialist Artan Gaçi, kanë depozituar sot në Kuvendin e Shqipërisë kërkesën për ngritjen e një Komisioni Parlamentare që do të hetojë dhe hulumtojë për këtë çështje, të cilën vetë iniciatorët njëherë e cilësojnë tragjedi, njëherë genocid e një herë tjetër spastrim etnik.

Pjesë e shqetësimeve të ngritura nga ministri i jashtëm grek Nikos Kotzias në samitin e ministrave të Jashtëm të BE-së që u mbajt në Bruksel në fillim të dhjetorit të kaluar ishin edhe praktikat e përvetësimit të pronave në jug të Shqipërisë dhe më konkretisht në zonat e njohura si minoritet. Siç pretendon gazeta greke “To Ethnos”  pasardhësit e “agallarëve shqiptarë “përdorin dekrete osmane për të marrë në duart e tyre prona të minoritetit grek në jug të Shqipërisë”.

Në klimën e një debati sa politik edhe mediatik mbi marrëdhëniet shqiptaro-greke dhe dilemës nëse Bashkimi Evropian ka njohur ose jo çështjen çame pas intepretimive që lindën nga deklarata e komisionerit Hahn, vlen të shihet edhe paragrafi për marrëdhëniet mes Shëipërisë e Greqisë në tekstin e progres raportit për Shqipërinë që iu dorëzua një ditë më parë autoriteteve shqiptare. Komisioni Europian nuk përmend asnjë referncë lidhur me çështjen çame, por vlerëson vullnetin pozitiv për marrëdhënie të mira mes dy vendeve dhe bashkëpunimin sidomos për çështjen e krizës së emigrantëve.