bullgaria

Media të ndryshme në rajon njoftojnë për një urdhër të organeve hetimore në Bullgari për hetimin e subjekteve që kanë kryer blerje pasurish të patundshme për më shumë se 317 mijë dollarë në vitet 2015-2016 dhe që po ashtu posedojnë makina luksi. Sipas Reuters janë rreth 350 bullgarë që kanë blerë pasuri me vlerë më shumë se 317 mijë dollarë – 500 mijë levs - në këto dy vite në një vend ku rroga mesatare mujore është vetëm 1000 levs.

Parlamenti maqedonas ka ratifikuar Traktatin e Fqinjësisë së Mirë me Bullgarinë. Me 61 vota pro dhe një abstenim, Kuvendi ka harur rrugën e një raporti të ri mes të dyja vendeve në konflikt diplomatik që nga fillimi I viteve ’90 të shekullit të kaluar.

Traktati u prezantua nga të dy qeveritë në muajin gusht të vitit 2017 me ardhjen në pushtet në Shkup të Zoran Zaev. 

Duhet thënë se ky i fundit ka hapur një sërë procesesh çtensionuese me fqinjët, si me Greqinë për çështjen e emrit, apo edhe me Shqipërinë për çështjen e zbatimit të Marrëveshjes së Ohrit.

Bullgaria, shteti më i varfër anëtar i Bashkimit Evropian, mori sot për herë të parë, presidencën e rradhës së Bashkimit Europian.

Kryeministri i vendit Bojko Borisov shkruajti në llogarinë e tij në fejsbuk se Bullgaria merr kryesimin e Unionit në një moment kyç për Bashkimin Europian. Slogani" Fuqia vjen nga bashkimi "le të na udhëheqë"- thekson Borisov në postimin e tij.

Kryesimi i Bashkimit Evropian është një sfidë e madhe e Bullgarisë. Negociatat për Brexitin, daljen e Britanisë së Madhe nga BE, kriza me refugjatët, përgatitja e kornizës financiare për periudhën deri në vitin 2020 - janë vetëm tri obligime të mëdha që e presin. Por Bullgaria përpiqet të gjejë edhe temën e "saj", në të cilën do të insistojë gjashtë gjashtë muajve të ardhshëm. Bëhet fjalë për të ardhmen e Ballkanit Perëndimor, ku Bullgaria mund të luajë një rol të rëndësishëm ndërmjetësimi.

Në qarqet politike dhe ato ekonomike flitet për një “histori suksesi” të ekonomisë greke dhe kalim nga periudha e recesionit në një  fazë të re zhvillimi, por kjo nuk ka reflektuar në gjendjen financiare të qytetarëve.

Sipas Eurostat, një në tre grekë ose rreth 32% në vitin 2016, nuk ishte në gjendje të gëzonte të mirat bazë, duke e renditur Greqinë në vendin e tretë mes shteteve evropiane ku qytetarët privohen nga të mirat bazë.

Bullgaria ka raguar ndaj deklaratave të presidentit turk,  Erdogan për ndryshimin e kufijve mes Turqisë dhe Greqisë duke theksuar se kjo nuk i shërben stabilitetit rajonal. Ministria e Jashtme e Bullgarisë përcolli dje një deklaratë për shtyp përmes të cilës e vlerëson çdo rishikim të Traktatit të Lozanës që përkufizon kufijtë mes Greqisë dhe Turqisë si një lëvizje kundër stabilitetit.

Zoran Zaev synon të ndryshojë kursin e politikës së jashtme maqedonase duke kërkuar miqësi dhe aleancë me Bullgarinë dhe të zgjidhë çështjet e hapura me Greqinë, dy shtete me të cilët Shkupi zyrtar ka patur jo pak probleme deri më tani. 

Ai ka apeluar gjatë një interviste për televizionin kombëtar bullgar, BTV, që Maqedonia dhe Bullgaria të bëhen aleatë. 

Agjencia Bullgare e Lajmeve raporton sot se kryeministri i vendit, Boyko Borissov, ka zhvilluar një telefonatë me homologun e tij shqiptar, Edi Rama, përmes të cilës ka kërkuar respektimin e të drejtave të minoritetit kombëtar bullgar në Shqipëri, sipas standardeve ligjore ndërkombëtare.

“Biseda mori shtysë nga një ligj që synon mbrojtjen e të drejtave të pakicave që u hartua nga qeveria shqiptare. Borissov tha se ai priste që legjislacioni të përfshinte parashikimin për mbrojtjen e të drejtave të minoritetit bullgar”, raporton agjencia shtetërore bullgare.

Zëvendësndihmës Sekretari për Çështjet Europiane dhe Euraziatike në Departamentin amerikan të Shtetit, Briqn Hoyt Yee ka përshëndetur firmosjen e Traktatit të Miqësisë mes Bullgarisë dhe Maqedonisë, duke vlerësuar se ai është i rëndësishëm për mbarë rajonin. 

 Italianët preferojnë Shqipërinë dhe Rumaninë, gjermanët me gjasë Bullgarinë. Është fjala për një lloj tjetër emigrimi, jo thjesht për arsye ekonomike, por një rikthim në një lloj jete që perëndimi e ka asgjësuar përfundimisht. Al Jazeera shkruan për zhvendosjen e disa gjermanëve në Bullgari, një vend që ka përjetuar shpopullim masiv të fshatrave. Fshati Odrintsi është një prej tyre, me vetëm dy banorë: një grua e shkuar në moshë dhe një bari. Tani kanë ardhur gjermanët, 14 të rritur dhe 5 fëmijë. Blenë 8 shtëpi të vjetra dhe i rregulluan.