Balili

Dy ditë pasi në media dhe në skenën politike është konsumuar çështja "Balili" ka dalë në një deklaratë për shtyp edhe kryetari i PD-së, Lulzim Basha. "Me bekimin e ministrit te brendshem dhe nen mbrojtjen e policise Klement Balilaj prej dy ditesh eshte arratisur dhe nuk gjendet. Kjo nuk eshte rastesi por sherbimi i fundit pas lehtesirave per trafikun e droges qe Sajmir Tahiri i beri Klement Balilajt.

Ish-deputeti i PS-së, Koço Kokëdhima ka reaguar sot lidhur me akuzat që u bënë në adresë të tij dje në parlament për lidhje me Klement Balilin. Kokëdhima thotë se ky i fundit është një propozim i LSI-së dhe se nuk ka njohje personale me të. 

Qeveria nuk e ka gjumin të qetë pas publikimeve në CNN Greek se oficerë të policisë kanë pohuar për homologët grekë pamundësinë për të arrestuar Klemend Balilin, të cilit i ofrohet mbrojtje politike.
Në një letër që mban firmën e Andi Likaj, dërguar CNN grek ambasada jonë ka dhënë sqarimet e nevojshme pas një shkrimi të publikuar pikërisht në këtë media, pak ditë më parë, ku theksohej se ‘Escobari” nuk prekej pasi kishte lidhje të forta me politikanë të lartë në Tiranë.

Rasti i Klement Balilit po nxjerr në dritë se deri ku i ka zgjatur duart politika në aktivitete kriminale, mbrojtjen e tyre apo edhe mbështetjen e forcës elektorale mbi njerëz që kanë lidhje me botën e jashtëligjit. Deklaratat e sotme flasin për një instrumentalizim të çështjes e cila për fat të mirë ka nisur nga jashtë.

Dy standarde nga LSI

Ministri i Drejtësisë, Ylli Manjani, deklaroi sot se Balili është shkarkuar nga detyra, pasi sipas tij “ky është minimumi që mund të bëhet në rastet kur zyrtarë të ndryshëm Përfliten”.

I takoi ministrit të LSI-së Ylli Manjani të japë lajmin e shkarkimit të Drejtorit të Transportit të Sarandës, Klemend Balili. Në një dalje rastësore për mediat Manjani tha se ishte në dijeni të hetimeve dhe se sot kishte mësuar për shkarkimin e Drejtorit të rrugëve në Sarandë. Sipas tij, gjithkush ka mbi kokë shpatullat e veta dhe duhet të mbajë përgjegjësi personale, pasi LSI nuk pengon asnjë të korruptuar të shkojë në burg. “Cilido person, “i fortë“, Ministër, zyrtar, çfarëdo qoftë, nëse ka shkelur ligjin duhet të jetë prapa hekurave. Askush nuk ka mbrojtje nga politika!

Teksa një Drejtor i Lartë i Administratës Publike është nën akuzë si një prej drejtuesve kryesorë të një prek karteleve më të mëdha të drogës në Europë, si qeveria ashtu dhe opozita kanë devijuar deklaratat dhe diskutimet për zyrtarin që akuzohet për lidhjet me Ilir Metën dhe bashkëpronësinë e hotelit “Santa Quaranta” në bregdetin e Sarandës. Gjatë diskutimeve në seancën plenare kryeministri Edi Rama nuk tha asnjë fjalë për Drejtorin e Administratës së tij  të emëruar nga LSI, duke mos atakuar aleatin e ngushtë në qeveri, Ilir Meta.

Shteti shqiptar është nën akuzë se po i ofron mbrojtje politike Drejtorit të Transportit Rrugor të Sarandës, Klemend Balili, i akuzuar dhe shpallur në kërkim nga policia greke si një prej organizatorëve të trafikut ndërkombëtar të drogës. Të paktën kështu thotë rrjeti prestigjoz CNN në seksionin grek, në lajmin me titull: “Mbrojtje politike për baronin e kartelit të Ballkanit”, ku i referohet një takimi dypalësh mes policisë greke dhe asaj shqiptare.

Drejtori i Transporteve të Sarandës, i cili është në kërkim nga autoritetet greke për trafik ndërkombëtar të drogës nuk është i panjohur për policinë shqiptare. "ABC News" ka arritur të sigurojë të dhënat e arrestimit të parë të Klement Balilit, të bërë më 16 korrik 2006 në qytetin e Delvinës. Sipas policisë, në rrugën Qafë-Muzinë - Delvinë, rreth 15 km larg qytetit agjentët e policisë i kanë zënë rrugën furgonit me targa gjermane brenda të cilit ndodheshin 750 kg hashash, që kishte destinacion Greqinë.

Personi që është në kërkim si një prej 3 kokave të trafikut ndërkombëtar të drogës që vepronte në Shqipëri, Greqi dhe disa vende të Europës sipas deputetit të Partisë Demokratike, Genc Pollo është Drejtori i Transportit Rrugor  të Sarandës, Klement Balili, i emëruar nga LSI. "Dje në darkë keni njoftimin e policisë greke për kapjen enjë rrethi trafikantësh droge në të cilin kërkohet një drejtor i trasnporteve të Sarandës si shef i këtij qarku trafikantësh droge. Më 18 maj të vitit 2014 PD e ka denoncuar me emër e mbiemër që është drejtori i transporteve dhe është Klement Balili.