ambasada

Ministri i Jashtëm serb. Ivica Daçiç, është shprehur se ka informacione sipas të cilave Norvegjia do të mbyllë ambasadën e vet në Prishtinë. Në një intervistë për Tv Pink, ai ka thënë se e ka marrë këtë informacion pas një takimi me sekretarin e Shtetit në Ministrinë e Jashtme norvegjeze, Eivind Vad Peterson dhe sipas tij kjo është një goditje për Prishtinën.

Talebanët duket se e kanë fituar betejën e legjitimimit ndërkombëtar. "Financial Times" raporton se Bashkimi Europian do të hapë në muajin nëntor një mision të vetin përfaqësimi në Kabul. Misioni nuk do të konsistojë në një ambasadë pasi BE nuk e njeh qeverinë e talebanëve.

Vendimi vjen pasi Perëndimi duket se ka humbur kontaktin me terrenin në një vend që pasi dëboi forcat e NATO-s dhe ato amerikane, ka marrëdhënie në nivel të lartë diplomatic me vende të tjera rivale si Kina, Turqia dhe Rusia.

Në vitin 2021, Shtetet e Bashkuara të Amerikës, morën më në fund informacione të besueshme për aktet korruptive të Sali Berishës. Dhe sapo një gjë e tillë ndodhi, SHBA vepruan duke e shpallur atë non grata, një akt analog p.sh me heqjen e qytetarisë romake dikur.

Por nga erdhën këto informacione në një shtet që thuhet se ka 17 agjenci për shërbimet inteligjente? Këtë çështje duket se e ka zgjidhur Vizion Plus që i është drejtuar ambasadës amerikanë në Tiranë me dy pyetje:

Rusia duket se nuk e ka gëlltitur mirë fyerjen sipas saj që iu bë nga qeveria shqiptare me dëbimin e një diplomati nën argumentimin e thyerjes së masave anti-CoVid-19. Përmes faqes së vet në Facebook, ambasada ruse në Tiranë përcjell një qëndrim të zv.ministrit të Punëve të Jashtme të Federatës Ruse, Aleksandër Grushko që paralajmëron se ky akt nuk do të kalojë për reagim.

Shqipëria ka hapur ambasadën e saj në Canberra të Australisë. Lajmi është publikuar edhe në mediat australiane që raportojnë se në ceremoninë e rastit kanë marrë pjesë edhe pjesëtarë të komunitetit shqiptar në Australi.

Drejtues i misionit është i Ngarkuari me Punë Edmond Trako që ka qenë më parë në Lisbonë dhe në Argjentinë.

Tani është radha juaj, e Australisë që të hapni ambasadën në Shqipëri, sepse mbulimi i Shqipërisë vijon të bëhet nga Italia

citohet të jetë shprehur Trako.

Sot raportohet se qeveria e Kosovës ka vendosur heqjen e barrierave doganore me Serbinë dhe Bosnje Hercegovinës, një hap që është deklaruar se do të shoqërohet nga reciprociteti. Reciprociteti është një fjaë që nuk i pëlqen SHBA-së në rastin e Kosovës, pasi pavarësisht këtij deklarimi, ambasada në Prishtinë e ka cilësuar atë pengesë të rre.

Shtetet e Bashkuara ishin të qarta se Kosova duhet t’i heqë të gjitha tarifat dhe të mos krijojë barriera të reja sepse këto politika lëndojnë njerëzit e Kosovës dhe e ngulfatin ekonominë e vetë Kosovës.

Ambasadorja e SHBA në Tiranë, Yuri Kim është riaktivizuar në rolin e saj së fundmi duke dalë më shpesh në media. Sot ajo ka postuar në tuiter një status në të cilin flet për dizinformacionin rreth çështjes së CoVid 19. 

Raporti i EEAS tregon ata që kanë kërkuar ta dobësojnë Shqipërinë pak vjet më parë po përdorin sërish dizinformacionin dhe propagandën për të fshehur të ërtetën…duke pretenduar të jenë shpëtimtarë në krizën që e shkaktuan vetë. Historia ka vlerë, faktet kanë vlerë

shkruan ambasadorja.

Ambasadori i ri i Rusisë në Tiranë, Mihail Afanasiev ka dhënë së fundmi një intervistë për faqen online, argumentum.al. Përtej vlerësimeve për vendin tonë dhe simpatinë e shqiptarëve të thjeshtë për Rusinë, Afanasiev zbulon edhe faktin se pas situatës së krijuar me tërmetin e 26 nëntorit 2019, pala ruse ofroi ndihmën e vet. Falas siç e thekson ambasadori. Por pala shqiptare nuk ktheu asnjë përgjigje.

Ambasada e Shteteve të Bashkuara në Athinë, u sulmua në orët e para të së hënës, nga pjesëtarë të grupimit anarkist “Rubikoni”. Sulmi, që u shënua në orën 03 e 30 pas mesnate  u krye në hyrje të parkingut të ambasadës, që ruhet nga personeli i sigurisë i përfaqësisë diplomatike amerikane.

Anarkistët hodhën drejt mureve dhe dyerve shishe e tollumbace të mbushura me bojë të kuqe.

Menjëherë forcat e policisë që ndodhen të dislokuara rreth ambasadës, filluan ndjekjen dhe tetë persona janë shoqëruar në polici si të dyshuar.

Një ditë pas vendimit të Gjykatës së Krimeve të Rënda për të dënuar me 55 vite burg grupin e Emiljano Shullazit, Ambasada Amerikane reagoi duke përshëndetur këtë vendim, por duke ngritur në fund edhe një pyetje. Kush e ka radhën pas Shullazit?

Një përgjigje mund të jetë, peshqit e mëdhenj, për të cilët na ka folur kaq shumë ish-ambasadori amerikan Donald Lu, madje duke vënë dhe afate për arrestimin e tyre.

E ngarkuara me punë e ambasadës së SHBA përmendi para pak javësh Klement Balilin, për të cilin edhe kryeministri ka filluar të ndihet e bezdisur me moskapjen e tij.