ahmetaj

Fondi Monetar Ndërkombëtar monitoron nga shumë afër qeverinë shqiptare dhe zbatimin e marrëveshjes 3 vjeçare me të. Kreu i Misionit të përhershëm të Fondit në Tiranë Jens Reinke, ndonëse optimist për ecurinë e ekonomisë lëshoi kritika të forta për administratën tatimore, nisur nga shqetësimet që ka përcjellë vetë biznesi

Teksa kreu i opozitës Basha ka nisur një tur takimesh me fermerët, të cilëve u ka premtuar ndryshimin e praktikës për marrjen e subvencioneve vetëm me kartë identiti dhe eleminimin e NIPT-it, ministri i Financave Arben Ahmetaj konstaton se udhëzimi i ri për pagesat në dorë nga fermerët deri në shumën 300 mijë lekë të vjetra ka lehtësuar transaksionet mes pikave të shumicës dhe tgëtarëve të vegjël.

Një vendim i qeverisë Berisha që nuk u kthye asnjëherë në një investim konkret dhe që u përdor nga ish-kryebashkiaku i Lezhës, Viktor Tushe si premtim për rilindjen  e Lezhës, u zhbë me një vendim të qeverisë aktuale, nisur nga një propozim i ministrit të Financave Arben Ahmetaj. Bëhet fjalë për Parkun Industrial të Lezhës, shpallur me një vendim të 27 Janarit të vitit 2009 për dhënien e statusit të zonës ekonomike. Në realicionin shoqërues të vendimit thuhet se riaktivizimi i zonës së mësipërme nuk mund të vazhdojë, për shkak të problematikave të pronësisë së truallit.

Pak ditë më parë ministri i Ekonomisë Arben Ahmetaj, ia faturoi medias interpretimet keqdashëse për ekonominë shqiptare, duke deklaruar se ana tjetër e medaljes që mediat nuk duan ta shohin është rritja e investimeve të huaja në ekonomi dhe përmirësimi i klimës së biznesit. Sot Shoqata e Investitorëve të Huaj publikoi indeksin e klimës së biznesit, i cili ka vijuar rënien në të katërt 3- mujorët e 2015-s.

Ekonomia është mirë dhe Shqipëria e ka lënë pas krizën. Kështu mendon të paktën ministri i Financave, Arben Ahmetaj, i cili gjatë një takimi për zhvillimin ekonomik, zhvilluar me deputetë të Kuvendit në Komisionin e Ekonomisë, u shpreh optimist. “Shqipëria ka kapërcyer kërcënimet ekonomike dhe shkaku kryesor i rritjes janë reformat e ndërmarra nga qeveria aktuale si dhe investimet e huaja dhe vendase. Transparenca e shifrave është me shumë rëndësi.

Sot kryeministri i vendit, Edi Rama, bashkë me ministrin e Ekonomisë, Arben Ahmetaj, kanë prezantuar atë që e kanë quajtur faza e dytë kundër informalitetit. Kryeministri ka vlerësuar se kjo sipërmarrje synon mbrojtjen e biznesit dhe jo luftën ndaj tij, por duke vepruar në një mënyrë të re. “Synimi ynë është që bizneset në Shqipëri të rrinë me vite pa u kontrolluar, të mos kenë nevojë të kontrollohen. Dhe ndërkohë, sistemi të jetë i tillë që mungesën e kontrolleve në terren ta kompensojë me një kapacitet monitorues në çdo sekondë.

Fondi Monetar Ndërkombëtar i bashkohet zërave të partnerëve të Shqipërisë që kërkojnë reformën në drejtësi. Gjatë një konference për shtyp me ministrin e Financave, Arben Ahmetaj dhe Guvernatorin e Bankës së Shqipërisë, Gent Sejko, shefja e Europës Lindore dhe Jug-lindore e FMN-së, Anita Tuladhar deklaroi se përmirësimi i parametrave ekonomikë kalon nga reformat strukturore.  “Për të përmirësuar klimën e biznesit më tej, nevojitet që të vazhdohet puna me reformat strukrurore sa i takon të drejtave të pronësisë, reformës në drejtësi dhe në fushën e së drejtës së shoqërive”, tha ajo.

Kërkesa e Presidentit të Republikës, Bujar Nishani, drejtuar Gjykatës Kushtetuese, për interpretimin e nenit 98, pika 1 të Kushtetutës për dekretimin e dy ministrave, duket se ka brenda natyrë spekuluese dhe bazohet në sofizëm.

Në dy deklarata të Partisë Demokratike u sulmua ashpër ish-ministri i Ekonomisë, Arben Ahmetaj. Kryetari i Partisë Demokratike në një deklaratë të shpërndarë për mediat shprehet se emërimin i Ahmetajt në Ministrinë e Financave është arsyeja që mazhoranca kërcënon me shkarkim Presidentin e Republikës. Basha e ka lidhur emërimin e Ahmetajt me konçesionin e TVSH-së duke përmendur si ndërlidhës të këtij emërimi vëllain e kryeministrit Olsi Rama.

Ish-kryeministri Berisha ka komentuar në parlament shkarkimin e Skëlqim Canit nga Ministria e Financave dhe emërimin në vend të tij të Arben Ahmetajt. Berisha tha se ky ndryshim mund të çojë në destibilizimin e vendit, pasi opozita nuk do të pranojë konçesionin për administrimin elektronik të TVSH-së, arsye për të cilën sipas tij u shkarkua edhe ish-ministri Shkëlqim Cani. “Ministër që shkarkohet se nuk donte të lejonte një marrëveshje korruptive nuk kam parë unë. A doli se është TVSH e Olsit dhe Edit sepse ai zotëria që hoqët nuk pranonte ta firmoste atë.