Blloku Shkenca

Hulumtuesit e Spitalit të Fëmijëve në  Boston raportuan se arritën të kurojnë me sukses një rast me diabet të tipit 1 pas injektimit në pankresanin e një kafshe të qelizave burimore të gjakut, që nxitën prodhimin e proteinës PD-L1 që zakonisht është e pamjaftueshme te kafshët dhe njerëzit me këtë lloj të veçantë të diabetit.

Shkencëtarët kanë zbuluar si të rigjenerojnë qelizat e vjetra njerëzore përmes përtëritjes. Është një zbulim emocionues që mund të ndryshojë mënyrën se si njerëzit plaken. Studiuesit në Universitetin e Exeter dhe Universitetin e Brighton gjetën një mënyrë për të rifituar bashkimin e qelizave përmes kimikateve dhe panë sesi qelizat që kishin ndalur ciklin e rritjes natyrore, filluan të ndahen përsëri dhe të rinovohen. Eksperimenti vërtetoi se qelizat e ngurta jo vetëm që dukeshin më të reja, por gjithashtu silleshin si të tilla.

Një ekip hulumtuesish kinezë ka kryer me sukses një transmetim të të dhënave nëpërmjet një kanali kuantik mbi një distancë prej pothuajse 3 kilometrash, një rekord i ri. Nëse kjo vërtetohet do të shënojë një moment historik të rëndësishëm në metodat e komunikimit kuantik  dhe dërgimin e mesazheve që nuk mund të interceptohen ose spiunohen.

Të dhënat e koduara kuantike nuk mund të përgjohen, sepse një palë e tretë që ngatërron kanalin e komunikimit shkakton një mesazh kuantik duke bërë që marrësi dhe dërguesi do të dinë se dikush po tenton t’i kapë.

Manipulimi i rrjeteve mitokondriale brenda qelizave  me kufizime dietetike ose me manipulime gjenetike që e imitojnë atë -mund të rrisin jetëgjatësinë e njerzve. Një hulumtim i ri i publikuar në 26 tetor nga  Shkolla e Shëndetit Publik në Harvard T.H. hedh dritë mbi aftësinë e qelizave për të përpunuar energjinë me kalimin e kohës, gjë që çon në plakjen dhe shfaqjen e sëmundjeve të lidhura me moshën.

Shkencëtarët kanë zbuluar së fundmi  një hapësirë boshe në Piramidën e Keopsit në Giza të Egjiptit. Zbulimi u bë i mundur falë teknologjive të reja që gjurmon grimcat kozmike që godasin Tokën me shpejtësi afër asaj të dritës dhe penetrojnë objektet solide. Sipas kërkuesve boshllëku i zbuluar është rreth 100 m i gjatë dhe ndodhet mbi atë që quhet Galeria e Madhe, një nga kalimet e shumta që ndodhen brenda piramidës.

Për shumë vite, shkencëtarët mendonin se bakteret nuk kishin struktura të brendshme dhe ishin thjesht "xhepa të enzimave".  Por hulumtuesit kanë zbuluar struktura misterioze, të tilla si këto ndarje bubblelike të quajtura vezikula që ndodhen ndërmjet membranës qelizore dhe murit qelizor të bakterit Halothiobacillus Neapolitanus

Astronomët besojnë se kanë identifikuar objektin e parë që ka hyrë në sistemin diellor nga hapësira e jashtme  tij. Objekti i quajtur A/2017 U1, u gjurmua javën e kaluar nga kërkuesit e stacionuar në teleskopin  Pan-STARRS 1në Havai. 

Shkencëtarët kanë detektuar për herë të parë bashkimin e dy yjeve neutronikë të cilët kanë çliruar energji dhe ndriçim që është kapur në Tokë. Yjet neutronikë janë yje të shuar që kanë dendësi shumë të madhe. Vëzhgimi i kësaj ngjarjeje të ndodhur në një galaktikë 130 milionë vjet dritë larg - NGC 4993 në yjësinë Hydraka  - ka rëndësi shumë të madhe, pasi shkencëtarët kanë mundur të identifikojnë origjinën e disa elementëve të tabelës së Mendelejevit, përfshirë elementë të rëndë.

Rezistenca ndaj antibiotikëve e baktereve që janë shkaktare infeksionesh në trupin e njeriut, ka detyruar mjekët të flasin për një epokë post-antibiotike, apo për një Apokalips të Antibiotikëve, sipas fjalëve të Sally Davies, përgjegjësja më e lartë britanike për mjekësëin.

Situata është bërë shqetësuese edhe më shumë pas një rasti në SHBA, pak muaj më parë, kur një grua e moshuar vdiq si pasojë e një infeksioni të marrë gjatë hospitalizimit në Indi, e që nuk u përmirësua as pas përdorimit të colistinit, “antibiotiku I fundit”.

 Disa shkencëtarë gjermanë kanë zbuluar me ndihmën e teleskopti Hubble një tip shumë të veçantë objekti në sistemin diellor. Objekti konsiston në dy asteroid që orbitojnë ndaj njëri-tjetrit, kanë karakteristikat e një komete dhe ndodhet në rripin e asteroidëve mes Marsit dhe Jupiterit. Asteroidi binar quhet 288P dhe u zbulua në shtatorin e vitit 2016 dhe bishti që shfaqin njësoj sit e kometat, dëshmon për avullimin e ujit të akullt që ndodhet brenda tyre.