Blloku Shkenca

400 milionë vjet dritë larg. Kjo është distanca e sistemit më të afërt të vrimave të zeza binare me Tokën. Zbulimi është bërë nga disa qendra kërkimore në SHBA që raportojnë se dy vrimat e zeza që orbitojnë ndaj njëra – tjetrës ndodhen në galaktikën NGC 7674. Ato ndodhen në distancë 1 vit dritë larg nga njëra-tjetra që është rekord i ri krahasuar me rrezen më të shkurtër të orbitimit të regjistruar deri më tani, që ishte 24 vjet dritë.

Shkencëtarë të universitetit të Oksfordit mendojnë se numri Zero mund të jetë përdorur nga matematikanë të Indisë rreth 500 vjet më parë sesa mendohej deri më tani. Vlerësimi me metodën e karbonit i një dorëshkrimi të quajtur si dorëshkrimi Bakshali, evidenton përdorimin e numrit Zero në formën e pikave që shenjojnë mungesën e vlerës për të dalluar p.sh 1 nga 10 apo nga 100. Dorëshkrimi është vlerësuar nga stili i shkrimit që e nxjerr atë diku mes shekujve 8-12 pas Krishtit, por vlerësimet me karbon e nxjerrin atë në vitet 224-383 pas Krishtit.

Ka ndërruar jetë në orët e para të mëngjesit të sotshëm, akademiku Farudin Hoxha. Profesor Hoxha është i njohur në vendin tonë për rolin e tij parësor në projektimin dhe zbatimin e projekteve për digat e hidrocentraleve. 
Ai lindi në Gjirokastër  më janar 1935. Ndoqi studimet larta në Budapest dhe Sofje për hidroenergejtikë dhe u diplomua në Tiranë. 

Një ekip shkencëtarësh dhe inxhinierësh në Universitetin e Teksasit ka shpikur një mjet që identifikon me shpejtësi dhe me saktësi indet kanceroze gjatë operacionit, duke dhënë rezultate në rreth 10 sekonda - 150 herë  më shumë se shpejt se teknologjia ekzistuese. Pen MasSpec është një instrument inovativ me dorë që u jep kirurgëve informacion të saktë diagnostikues në lidhje me indet që duhen prerë ose ruajtur, duke ndihmuar në përmirësimin e trajtimit dhe zvogëlimin e shanseve për përsëritjen e kancerit.

Gjurmë njeriu 5.7 milionë vjet të vjetra janë gjetur së fundmi në bregdetit kretan në Mesdhe. Zbulimi përbën ngjarje në historinë e njeriut, pasi deri më sot për këtë përiudhë shkencëtarët mendonin se këmbët e njeriut ishin të ngjashme me ato të majmunit dhe se ata jetonin në Afrikë. 

Truri ynë duket të jetë më mirë  në parashikime sesa vetë ne. Një pjesë e trurit tonë bëhet aktive kur ka dijeni se diçka do të ketë sukses të plotë, edhe pse ne me vetëdije mund të vendosim ndryshe. Nëse kjo gjetje funksionon, mund të çojë në sondazhe më të mira elektorale,  madje të parashikojë edhe ndryshimet në tregjet financiare.

Hulumtuesit kanë ndërmarrë një hap të madh drejt zhvillimit të një prove që mund t'u tregojë njerëzve nëse kanë kancer para se të shfaqin simptomat e para. “Testi i gjakut zbuloi praninë e sëmundjes tek shumica e njerëzve të prekur nga katër llojet më të shpeshta të kancerit: atë të gjirit, zorrës së trashë, kancerit të mushkërive dhe ovarianëve”- deklaroi ekipi i Universitetit Johns Hopkins.

Shkencëtarët kanë zbuluuar rajonin më të madh vullkanik në Tokë, 2 km poshtë sipërfaqes së akullit që mbulon Antarktidën.

Projekti eksplorues i ndërmarrë nga universiteti i Edinburgut, ka konstatuar ekzistencën e 100 vullkanëve në një zonë që lë pas zonën tjetër të konsideruar si zona me dendësinë më të madhe vullkanike në Tokë, e që ndodhet në Afrikë. Sipas kërkuese shpërthimet mund të mos dalin deri në sipërfaqe, por ato mund të shkrijnë akullin duke sjellë destabilizimin e saj.

Një asteroid me diameter 15-30 metra do të kalojë shumë afër planetin tonë më 12 tetor, 44 000 km nga toka, ose pothuajse sa një e teta e distancës mes Tokës dhe Hënës ose pak më sipër se orbitat e sateliteve gjeostacionare të NASA-s dhe Agjencisë Hapësinore Evropiane (ESA) që ndodhen në një largësi prej 36 000 km. «2012 TC4» lëviz me një shpejtësi prej rreth 14 kilometra në sekondë, sipas llogaritjeve të shkencëtarëve rrugëtimi i tij nuk përbën ndonjë kërcënim. "Ne jemi të sigurt se nuk ka gjasa që ky objekt të godasë Tokën. Nuk ka asnjë rrezik"- siguroi Dedlev Kosni nga Agjencia ESA.