Blloku Shkenca

Studiuesit në universitetin e Upsalas në Suedi kanë arritur në konkluzionin se konsumi i çajit çon në ndryshime epigenetike te femrat. Ndryshime të cilat konsistojnë në aktivizimin e disa geneve si pasojë e veprimit të aktorëve të jashtëm. Këto gene ndërveprojnë me metabolzimin gjatë sëmundjes së kancerit dhe çlirimit të estrogjenit. Studime të mëhershme kanë provuar se konsumi i kafes dhe çajit luan një rol në frenimin e  tumoreve, uljen e inflamacioneve dhe në metabolizmin e estrogjenit. Por për çajin ndryshimet epigenetike prekin vetëm femrat.

Arkeologët turq kanë zbuluar atë që besohet të jetë mbishkrimi më i vjetër në Anadoll, por edhë në Europë. Zbulimi është bërë në Acemhöyük Mound në provincën Aksaray, ku besohet se mori jetë një nga mbretëritë më të vjetra të Anadollit Qendror. Gërmimet nisën në vitin 1982 dhe deri më tani janë identifikuar 12 shtresa arkeologjike që datojnë deri në 4500 vjet më parë. Mbishkrimi është mbi një peshë kristali që shërbente për shkëmbime tregëtare. Ajo i përket epokës së bronzit – 2250 vjet p.e.s dhe mbi të ka mbishkrime me shkrim kuneiform.

Apple mund të japë një tjetër goditje në tregun e telefonisë bashkë me të cilën me gjasë do të pasojë edhe një standard i ri në përdorimin e Inteligjencës Artificiale dhe masivizimin e saj. Kompania është duke punuar për një qark të integruar të quajtur Motori Neuronik Apple(Apple Neural Engine) i cili do të shërbejë për proceset e inteligjencës artificiale në pajisjet e telefonisë celulare.

Geni njerëzor mund të ketë nisur rrugën e evolucionit në Ballkan. Ky konkluzion, gjithësesi në formën e një hipoteze, pason disa vlerësime të gjetjeve fosile në Greqi në vitin 1944 dhe mandej në Bullgari në vitin 2009. Krijesa e quajtur Graecopithecus freybergi mendohet se është pjesëtari më i vjetër i homininëve, karakteristikat e të cilit bazuar në gjetjet fosile, e inkuadrojnë atë te njerëzit dhe jo të majmunët. Pra kemi të bëjmë me individin më të afërt me majmunët, por që hyn në linjën njerëzore, datuar 7.2 milionë vjet më parë.

"Unë besoj fuqishëm se  njerëzimi duhet të fillojë të kërkojmë planete të tjera si një opsion për strehimin e tij"- tha Stephen Hawking duke folur të shtunën në një seminar në Londër. Astrofizikanti i njohur dhe profesor në Universitetin e Kembrixhit përsëriti paralajmërimin se "mbijetesa njerëzore varet nga gjetja e një shtëpie të re" dhe theksoi se "kërkimi për kolonizimin e planeteve të tjera duhet të fillojë tani."

Sondat e lëshuara në haapësirë nga agjencia amerikane, NASA, kanë konstatuar diçka me të vërtetë të rëndësishme që lidhet me aktivitetin e njeriut në Tokë. Një pengesë artificiale që qarkon planetin, krijuar pikërisht nga aktiviteti njerëzor, e cila është e paqëndrueshme, e cila është pasojë e komunikimeve në frekuencë shumë të ulët radio që ndërveprojnë me grimcat në hapësirë. Kjo pengesë, apo mantel rezulton të japë mbrojtje për planetin ndaj radiacionit kozmik.

Jeta vijon të befasojë shkencëtarët, hipotezat e të cilëve sfidohen nga zbulime të reja. Së fundmi në Australinë Perëndimore, në Pilbara, janë gjurmuar fosile të organizmave biologjikë që datojnë 3.48 miliardë vjet. Evidencat janë gjetur në depozitat e burimeve të ngrohta dhe e shtyjnë kështu pas kohën e nisjes së jetës me 580 milionë vjet dhe me gjasë zhvendosin edhe mjedisin fillestar të lindjes së saj. Deri më tani ideja kryesore ka qenë se jeta u zhvillua në oqeane e mandej u adaptua në stere.

Në shtator të vitit 2015, kërkuesit në Afrikën e Jugut njoftuan zbulimin e një lloji të ri brenda hominidëve, që u quajt Homo Naledi(http://www.respublica.al/2015/09/10/zbulim-i-madh-n%C3%AB-afrik%C3%ABn-e...). Zbulimi u cilësua shumë i rëndësishëm, nisur nga fakti se hominidi në fjalë përbënte një hallkë të re në skemën njerëzore që ka populluar planetin.

Ndoshta kriminalizimi i kanabisit është i padrejtë. Vetitë e tij mjekësore konfirmohen së fundmi edhe nga një kërkim I univeristetit të Bonit në Gjermani që në bashkëpunim me kolegë të universitetit hebraik në Jeruzalem kanë provuar se një kurë e dozuar me kanabis për një kohë të gjatë, arrin të prapësojë proceset e plakjes te minjtë. Plakja e trurit është normale si te çdo organ tjetër dhe kjo mund të verifikohet te rënia e aftësisë për vëmendje në shumë gjëra njëherësh, në aftësinë për të mësuar etj..Ka raste që kjo çon në demencë.