Blloku Shkenca

Universiteti i Stanford në SHBA njoftonte dje se është ndarë nga jeta Maryam Mirzakhani, pedagoge e matematikës. Ajo vdiq në moshën 40 vjeçare si pasojë e sëmundjes së kancerit.

Kërkues nga Instituti Max Planck për Imunologjinë dhe Epgenetikën kanë arritur në përfundimin se instruksionet epigenetike transferohen nga brezinnë brez. Deri më sot debati rreth kësaj çështjeje ka qenë i përqendruar në faktin nëse ndryshimet epigenetike, që janë në thelb memorizim nga qelizat i ndryshimeve të imponuara nga stili i jetës, dieta, stresi etj.,kalon apo jot e pasardhësit. Pra a jemi në diçka më shumë sesa thjesht kombinim genesh të prindërve? 

Një shpresë e madhe për të sëmurët me tumore, por edhe për njerëzit në përgjithësi vjen nga Hollanda. Universiteti i Leiden është pranë zhvillimit të vaksinës kundër kancerit, duke zgjidhur kështu problemin kryesor për këtë sëmundje: identifikimin e qelizave kanceroze nga sistemi imunitar.

Marrëdhënia seksuale mes njeriut modern dhe kushëririt të tij Neandertalit ka qenë gjithmonë një histori e paqartë, e cila tani është edhe më e ngatërruar. Analizat mitokondriale të ADN-së të një skeleti të Neandertalit të gjetur në Gjermaninë jugperëndimore(pjesë nga femuri), tregojnë se genet e Homo Sapiens kanë kaluar në gjenomin e Homo Neanderthalensis të paktën 220.000 vjet më parë. Dhe që kjo të ndodhë, ka vetëm një mënyrë: marrëdhënia seksuale.
 

Japonia planifikon dërgimin e një astronauti në Hënë në vitin 2030. Propozimi është bërë nga agjencia hapësinore japoneze – JAXA – dhe ai do të zbatohet si fazë e dytë e një angazhimi tjetër të drejtuar nga NASA. Projekti I agjencisë amerikane synon krijimin e një stacioni hapësinore në orbitën e Hënës, edhe ky pjesë e një projekti më të madh që është mbërritja në Mars.

Për Ballkanin thuhet se është një rajon me trazime të mëdha popullsish e për pasojë teorizimet për autoktoni dhe vijimësi genetike përherë vihen në dyshim. Mirëpo nuk ka rajon tjetër në histori që të ketë shërbyer si portë migratore për njerëzimin për mijëra vjet si Kaukazi. Arkeologjia ka dokumentuar ndryshime të mëdha kulturore në këtë rajon që përbëhet ndër të tjera nga Gjerogjia, Armenia dhe Azerbajxhani. Kakuazi është nyja që lidh Azinë me Europën, aty kanë kaluar të gjithë popujt që nga prehistoria e deri në shekujt e parë të erës së re. Prej aty cekën edhe mongolët dhe turqit.

Kërkuesit e Institutit Max Planck për Fizikën Gravitacionale kanë zbuluar se valët gravitacionale mund të influencohen nga dimensione të fshehura që janë të tilla sipas parashikimeve të teorisë së unazave. Studimi pason gjurmimin për herë të parë të valëve gravitacionale në vitin 2015 që origjinonin nga një vrimë e zezë binare.  Identifikimi i këtyre valëve lejon gjurmimin e vrimave të zeza, por edhe një kuptim më të mirë të vetë gravitetit.

Duket se periodizimi i jetës biologjike në tokë nuk ka qenë edhe aq i saktë sa mendohej. Shkencëtarë të univeristetit të Zyrihut kanë identifikuar atë që mund të quhet një ngjarje e zhdukjes në masë, që zuri fill 2 milionë vjet më parë, e gjatë së cilës mendohet se janë zhdukur 1/3 e gjallesave të mëdha detare si balena, peshkaqenë zogj deti, breshka. Ekipi hetoi fosile detare të megafaunës nga periudhat e Pliocenti dhe epokës së Pleistocenit(5.3 milionë deri 9.700 vjet p.e.s). Ngjarja preku sidomos gjitarët detarë, 55% e të cilëve u zhdukën.

Një kërkim i ri nga mjekë të universitetit Rush në Çikago, mund të hapë rrugë të reja për të kuptuar biologjinë e kancerit, zhvillimin e ilaçeve të reja kundër tij, por edhe në trajtimin e asaj që quhet këmba diabetike, një formë ulçere që çon në amputim te pacientë kronikë me diabet të avancuar të tipit II.

Kujtesa e fortë zakonisht lidhet me inteligjencën e një personi dhe ka një seri këshillash sesi të forcohet ajo. Por duket se truri punon aktivisht që ne të harrojmë. Të paktën sipas dy kërkuesve në Institutin Kanadez për Kërkime të Avancuara, Paul Frankland dhe Blake Richards, të cilët kanë publikuar një studim të ri.