Blloku Ekonomi

Afrimi i sezonit turistik veror ka identifikuar një numër të lartë prenotimesh për hotelet, të cilin Banka e Shqipërisë e ka shtuar te faktorët për zhvlerësimin e euros. Por, për kreun e shoqatës së Tur-Operatorëve, Kliton Gërxhani ky argument i Bankës nuk qendron, pasi përpos faktit që ka një rritje progresive të pretonotimeve, numri dhe vlera e parapagimeve është e papërfillshme.  Ai tha për Tema Tv se asesi Banka nuk mund të dalë me një arsyetim të tillë për zhvlerësimin e euros në këto nivele.

Në nivelet më të larta të katërvjeçarit arriti çmimi i naftës, duke tejkaluar 75 dollarë për fuçi, ndërsa konsumi botëror pritet të tejkalojë 100 milionë fuçi në ditë në muajt e ardhshëm. Por çfarë saktësisht shkakton këtë rritje në çmimet e naftës? Është një kombinim faktorësh sipas analistëve të Cnn Money që ka çuar në stratosferë çmimin e arit të zi, ku një ndikim të madh ka marrëdhëniet e SHBA-ve me vendet e Lindjes së Mesme por edhe qëndrimi i Rusisë. Cnn ka ilustruar dhe me një video dinamikën e çmimet të naftës. 

Përfaqësues të kompanive gjermane të materialeve të ndërtimit pohojnë se e shohin me optimizëm tregun shqiptar. Megjithëse flasin për të njëjtin treg, ata sjellin një perceptim të ndryshëm nga bizneset e Dhomës Amerikane, që pretendojnë për një përkeqësim të klimës së biznesit. 

Sa herë na është dashur të sigurojmë një pronë apo shëndetin, kemi shkuar direkt tek një nga kompanitë e sigurimit dhe kemi zgjedhur atë që na është ofruar. Në shumicën e rasteve nuk negociojmë për shërbimin më të mirë apo për garancitë për dëmshpërblim. Maksimumi që diskutojmë është ulja e çmimit. Në të gjithë botën këta elementë negociohen për klientin nga brokerat financiarë, një shërbim që ka filluar të ofrohet edhe në Shqipëri.

Të dhënat e Bankës së Shqipërisë për stokun e kredisë për individë sipas rretheve, për numër banorësh, tregojnë se huaja për banor në kryeqytet është 884 euro, gati tre herë më e lartë sesa qyteti i dytë që vjen më pas në listë, Durrësi.

Në total, në Tiranë individët kanë për të kthyer në banka 101 miliardë lekë hua, ose rreth 780 milionë euro, sipas të dhënave që i referohen tremujorit të parë të vitit 2018. Rreth 70% të kësaj shume e zë huaja për blerje banesash (624 euro për frymë), që shënon një rritje të qëndrueshme vit pas viti.

Ka shumë zurmë dhe kakofoni për rritjen ekonomike të vendit tonë, objektivitetin e synimeve të vendosura dhe sidomos për realitetin e mundësive që ofrohet në Shqipëri. Si një vend që aspiron hyrjen në BE, Shqipëria ka për detyrim edhe rritjen e ekonomisë që vjen në vështrim me standardin e BE-së ndaj të cilit jemi shumë larg.

Qeveria mendon se me ritmet e përcaktuara do të ketë afrim, por realiteti në vend, ai i burimeve njerëzore dhe sidomos i strukturimit të ekonomisë nuk lë shumë vend për optimizëm.

Nga  ky muaj, koeficienti për taksën e banesave do të jetë fiks 0.05 i vlerës, por bashkitë kanë tagër për të vendosur rritjen ose uljen e mëtejshme me 30 për qind në të dy krahët. Drejtori i Përgjithshëm i Taksës së Pasurisë në MInistrinë e Financave, Enton Duro tregon për TemA Tv se çdo bashkie i lind e drejta për të ndryshuar koeficientin, çka do të përkthehet në një vlerë të re pagese për familjarët.

Pas akuzave se në treg ka midhje të infektuara, Zv/ministri i Bujqësisë, Roland Kristo, shpjegon TemA TV debatin mbi rezultatet e analizave për midhjet në liqenin e Butrintit. Sipas tij,  procesi i prodhimit dhe tregtimit të midhjeve në zonë kalon në një proces të rregullt deporimi dhe midhja është e sigurt në rast se në shitje shoqërohet me certifikatë. Sa e besueshme është një gjë e tillë kjo ka shumë dyshime pasi në Shqipëri deporimi thuajse nuk kryhet fare. 

TvT

Edhe pse fondet që jep Bashkimi Europian në fushën e bujqëisë janë në vlera të konsiderueshme, ato rrezikojnë të mos përpthithen nga të gjithë. Shkak për këtë është fakti që granti i dorëzohet fermerit pas përfundimit të investimit.

Nga ana e saj Minsitria e Bujqësisë kërkon marrëveshje me bankat që ato që ato të marrin si kolateral marrëveshjen e femerit me Agjencinë e Zhvillimit Rural Buqjësor. Kjo e fundit del përfitues i IPARD dhe në këto kushte investimi do të bëhej me paratë që merren nga kredia dhe ajo të shlyehej me grantin e BE-së

Përfshirja e fermave, magazinave bujqësore dhe stallave në taksimin e pronës, sipas formulës që prek edhe biznesin nuk ka gjetur dakordësinë e ekspertëve të bujqësisë. Sipërmarrësi, Ardian Citozi thotë për TEMA TV, se formula e re e taksimit dëmton fermerët, duke rritur kostot, ndërsa shton se do të do t’i kërkojnë qeverisë të mos përfshihet kjo kategori strukturash.

Ndërsa drejtroi i Projektit IPESA, Morten Sejersen e quan të disfavorshëm vendimin, por mund të reflektojë në një periudhë afatgjatë për  t’i orientuar fermerët t’i riorganizojnë fermat e tyre.