Blloku Ekonomi

“Halo inspektore”! Grupi në fjalë vepron në mjedisin kroat në Facebook dhe ka organizuar një protestë të veçantë: bojkot dyqaneve dhe supermarketeve për shkak të rritjes së çmimeve.

Sipas mediave në Kroaci, bojkoti pati efekt real: transaksionet ranë me 44% dhe shitjet në total.me 53%. Ndërkohë çmimet e ushqimeve sipas Eurostat janë rritur me 45% që nga viti 2020 duke kaluar mesataren europiane me 33%. Vetëm buka është rritur me 61%, vezët me 63%.

“Politico” shkruan sot për një problem serioz strukturor që prek shëndetin global. Rezistenca ndaj antibiotikëve si një çështje e adresuar në nivelet më të larta, nuk po arrin të gjejë zgjidhje praktike për aspekte të funksionimit të tregut. Që do të thotë se ndonëse ka kompani të vogla që sugjerojnë dhe kanë konfirmuar zgjidhje të reja për zëvendësimin e antibiotokëve që tashmë janë të padobishëm, ato nuk arrijnë të hyjën në treg dhe të marketohen. Media në fjalë flet për një “mur indiference nga investitorët dhe një mungesë ndihme nga qeveria”.

Britania e Madhe nuk përjashton një lloj ribashkimi tregtar dhe doganor me Bashkimin Europian, vetëm disa vjet pas referendumit krenar për daljen e ishullit nga Unioni. Kjo rezulton të paktën nga ajo ccfarë po flitet pas Davosit, edhe pse anglisht-anglisht Londra ka bërë të qartë se nuk bëhet fjalë për një gjë të tillë. BBC-ja citon kreun e ri të tregtisë në Bashkimin Europian, Maros Sefcovic, që u shpreh "i hapur për një Konventë Pan-Euro-Mesdhetare si pjesë e një rregullimi post-BREXIT”.

Kompania amerikane “Chevron” ka shprehur interes për nisjen e kërkimeve për naftë dhe gaz në zonën e veriperëndimit të Peloponezit në Greqi.

Lajmi është bërë i ditur nga zëdhënësi i qeverisë greke, Pavlos Marinakis, ka deklaruar se krahas “Exxon Mobil”, që aktualisht vijon kërkimet në Greqi, interesi I “Chevron” e vendos Greqinë në kushtet kur mund të mendojë për të luajtur një rol drejtues në tregun global të energjisë.

Zv.presidenti i Komisionit Europian, Stéphane Séjourné, ka bërë thirrje që administrata e re amerikane e Donald Trump të heqë dorë nga lufta tregtare që ka paralajmëruar duke qenë se ndër të tjera kjo luftë vë në diskutim arritjen e objektivit buxhetor për mbrojtjen. Që është një kërkesë e madje kusht i Trump që SHBA të vazhdojë të qëndrojë në NATO.

Nuk e bëjmë dot këtë me një luftë tregtare në derë dhe kudo në BE, buxhetet kombëtare nuk janë në gjendje të rrisin shpenzimet e mbrojtjes më shumë se 3%

Qeveria greke ka bërë tē ditur se ka përfituar 18 miliardë euro nga grantet dhe kreditë e Bashkimit Europian në kuadër të Fondit Europuan të Rimëkëmbjes. Fondet janë përfituar që nga viti 2021, pra pas pandemisë së CoVid-19.

Shifra përfaqëson 8% tē PBB-së greke dhe sipas ecurisë së deritanishme, ajo mund të maŕrë edhe 18 miliardë euro të tjera deri në vitin 2027. 

Franca po shkon drejt një krize ekonomike dhe financiare dhe politika nuk po bën dot asgjë për këtë. Një ndër ekonomistët më të njohur në botë, Olivier Blanchard, dikur një ndër ekonomistët kryesorë të Fondit Monetar Ndërkombëtar, thotë se qeveritë e Francës kanë dështuar të balancojnë buxhetin.

Ne nuk po bëjmë absolutisht asgjë që na duhet

citohet ai.

Kompania e njohur e gomave të automjeteve, “Toyo”, ka zgjedhur Serbinë për qendrën e vet të prodhimit dhe shpërndarjes për Europën. Kryeministri serb. Milos Vucevic ka qenë në fabrikën e krijuar në qytetin e Indjija, gjatë të cilës ka shprehur besimin se në këtë zonë, Toyo, do të hapë edhe një qendër kërkimi për sektorin.

Më datë 1 gusht 2023, Këshilli Kombëtar i Territorit miratoi vendimin nr. 26 për një leje zhvillimi në Tiranë, quajtur "Parisi i Ri" me zhvillues një kompani "Sara-el.sh.p.k"  

Më datë 25 shtator 2024, me propozim të Agjencisë së Zhvillimit të Territorit, leja shfuqizohet duke i dhënë subjektit të drejtë ankimi. Vendimi është firmosur nga Adelajda Roka më 11 nëntor duke anulluar një projekt të madh urbanistik në Tiranë. 

Një firmë hollandeze, LeonidsPort B.V, e themeluar nga anëtarë të familjes Louis-Dreyfus, kanë paraqitur pa kërkim një ofertë për të blerë 21% të Autoritetit Portual të Selanikut.