Vendet e Jugut kontestojnë planin e von der Leyen për Mbrojtjen europiane

Palni i Komisioni Europian për rritjen e shpenzimeve të Mbrojtjes nga vendet anëtare për të krijuar autonominë strategjike përkundër SHBA, është kundërshtuar nga vendet e Jugut të BE-së. Spanja, Franca dhe Italia e kanë të pamundur të adoptojnë pa kosto politike dhe financiare.

Ideja ishte për ofrimin e një kredie 150 miliardë eurosh me interesa të ulëta dhe lehtësim i përkohshëm i rregullave fiskale të bllokut me synim orientimin e fondeve të marra drejt mbrojtjes. Por sipas analistëve të ndryshëm, ekipi i von der Leyen ka injoruar në këtë pikë një moment shumë të rëndëishëm: çdo kredi e re do të shtohej në borxhin publik të këtyre ekonomive që kanë edhe kështu probleme.

Edhe Franca, një vend që mbron me të madhe një strukturë europiane për mbrojtjen, e konteston planin tani që borxhi publik i saj arrin në 110% të PBB-së.

Ka një risk për një fiasko që do të shtronte rrugën për bonde për mbrojtjen

citon “Politico” një diplomat europian.

Por ideja e Eurobondit është kundërshtuar edhe nga vende me stabilitet të lartë fiskal si Gjermania apo Holanda që i druhen faktit se eurobondi do të transferonte borxhin e ekonomive të caktuara te të gjithë. Ndërkohë kryeministrja italiane Meloni u shpreh se i duhet kohë për të menduar.

Ajo që nuk po kuptohet ende mirë është kostoja dhe përfitimi pasi financimi për mbrojtjen kalon nga fuqizimi i një industrie që jep në ekonomi dhe siç dihet prodhimet europiane janë të kërkuara në tregje.