Blloku Ekonomi

Para një muaji doli lajmi se midhja e Sarandës rezultoi me salmonelë. Mediat që e raportuan një gjë të tillë i referoheshin analizave të kryera nga Agjencia Kombëtare e Ushqimit, që konstatonin kushtet skandaloze të nxjerrjes, përgatitjes dhe tregëtimit të midhjes, e cila në Sarandë shitet rrugëve.

Dyshimit se janë 80 kompani në sektorin Call Center, të cilat mashtrojnë përmes telefonisë dhe përdorin aktivitetin për pastrim parash, drejtori i AMF-së, Ervin Koçi i është përgjigjur se e ka cuar ankesën pranë 4 institucioneve, përfshi dhe SHISH.

Pyetjen për aktivitetin e paligjëshëm të tyre, e ka bërë kreu i Komisionit të Ekonomisë, Erion Brace gjatë diskutimeve të raportit vjetor të AMF-së.

Në konkluzionin qe Brace ka dhene per punën e AMF, ka përsëritur akuzën se institucioni i Drejtuar nga Koci, po lejon funksionimin e Byrosë së Sigurimeve në paligjshmëri të plotë.

Kryebashkiakia socialiste e Sarandës, Floriana Koka kallëzohet për herë të dytë penalisht për shkelje dhe parregullsi në punët publike. Pas Kontrollit të Lartë të Shtetit është Inspektorati Kombёtar i Mbrojtjes sё Territorit që e ka paditur bashkë me disa zyrtarë dhe ish-zyrtarë të kësaj bashkie.

Ata akuzohen per miratimin ne kundershtim me ligjin, te lejes se ndertimit ne favor te firmes “Daedsh.p.k”dhe zgjatjen e afatit te kesaj leje per objektin Kompleks multifunksional ne zonen bregdetare, prane Kanalit te Cukes

Kryebashkiaku i Belshit dhe gjashtë zyrtarë e ish-zyrtarë të kësaj bashkie janë  kallëzuar në prokurorinë e Elbasanit për shkelje në projektet e Rilindjes Urbane. 

Gjatë auditimit për periudhën 2016 dhe 2017 Kontrolli i Lartë i Shtetit ka zbuluar se 
ata i kanë shkaktuar një dëm ekonomik prej 80 milionë lekësh, ndërsa kanë përdorur në mënyrë të paefektshme 286 milionë lekë duke i shkaktuar një mungesë të ardhurash bashkisë prej 66 milionë lekësh.

Ministri i Bujqësisë dhe Zhvillimit Rural, Niko Peleshi zhvilloi një takim me operatorët e përpunimit të industrisë së qumështit dhe nënprodukteve të tij, tryezë nga e cila dhe garanci se produktet e bulmetit në supermarketet shqiptare janë të sigurta.

“Një produkt shqiptar qumësht, nënprodukte qumështi dhe ushqime të tjera, të cilat tregtohen në subjekte të liçensuara markete dhe supermarkete, janë ushqime të sigurta dhe të kontrolluara me një protokoll kontrolli të vazhdueshëm nga AKU- ja”-tha Peleshi.

Qeveria shqiptare nënshkroi një marrëveshje me kompaninë gjermano-amerikane, Ernst & Young për të luftuar evazionin tatimor endemik dhe krime të tjera ekonomike.

Pak a shumë një praktikë e ngjashme me CroWn Agent për të luftuar korrupsionin në dogana. Marrëveshja e nënshkruar parashikon ngritjen e një Task Force të përbërë edhe nga agjentë shqiptarë të hetimit tatimor e doganor.

Dhomat e biznesit i kërkojnë qeverisë që në paketën fiskale të shfuqizohet pika e ligjit për strehimin social, i cili i detyron ndërtuesit që për sipërfaqet ndërtimore të banimit mbi 2000 m2 të kalojnë 3 për qind tyre në favor të bashkive, që të përdoret për të pastrehët. Ministri Arben Ahmetaj, tha se një masë e tillë aplikohet në shume vende.

Hendeku që kanë zyrat e Punës për të plotësuar objektivat e punësimit, e kanë shtyrë qeverinë të përfshijë në vendet e lira të punës kuotat e rekrutimeve për ushtarët me pagesë. 

Madje Forcat e Armatosura kanë patur stendën e tyre në Panairin e Punës në Berat, organizuar nga Shërbimi Kombëtar i Punësimit. Stendat i ka vizituar, mes të tjerëve edhe kryeministri Edi Rama, ndërsa 1/3 e vendeve vakante i përket ushtarëve me pagesë. Në Panair u rklamuan 300 vende të lira pune, ndërsa Rama u shpreh se objektivi i vitit  për punësime nga zyra e punës është për 25000 mijë kontrata. 

Nga 1 qershori hyjnë në fuqi tarifat e reja gjyqësore, të cilat reflektojnë një rritje prej 40 përqindësh për hapjen e padive nga qytetarët. Në një intervistë për Tema TV, kreu Shoqatës së Avokatëve Penalistë, Sajmir Vishaj thotë se pagesat  e larta procedurale do të “frenojnë” qytetarët, për t’iu drejtuar dyerve të gjykatave.

Bllokohen sasi të mëdha mishi importi që kishin si destinacion tregun shqiptar. Bëhet fjalë për dy ngarkesa me 53.1 ton mish, i cili  rezultonte i kontaminuar me salmonelë . Autoriteti Kombëtar i Ushqimit ka njoftuar se mishi i bllokuar është ishte me origjine nga Brazili.