Blloku Ekonomi

Qeveria shqiptare ka marrë kritita nga Komisioni Europian lidhur mosrealizimin e shpenzimeve buxhetore vitet e fundit. Në një raport të KE-së vijnë kritika për dështimin e vazhdueshëm të Shqipërisë në invstimet publike. Rënia e shpenzimeve sipas KE–së, është ndikuar nga interesat e ulëta të borxhit. 

Në mediat serbe është publikuar edhe përralla më e re për Ballkanin. Madje atë Perëndimor. “Gjermania ka një plan special”, shkruan gazeta e përditshme “Vecernje Novosti”, raporton agjencia “B92”. Dhe ky plan special gjerman do të jetë së shpejti në tavolinën e Këshillit të Europës në Bruksel dhe ai quhet Berlin Plus. Karamelet për ballkanasit nuk kanë të sosur me idenë se hallet do zgjidhen me plane të bëra gjetkë. Ky plani Berlin Plus do t’i marrë paratë nga disa vende anëtare me synimin që brenda dy viteve “të krijojë një mjedis ekonomik tërheqës”.

Ndërhyrja e qeverisë shqiptare për të ulur pragun e taksueshëm për mallrat e blera online ka dhëë efekte praktike. Instituti i Statistikave raporton se për 3 muajt e parë të vitit 2017, blerjet përmes kësaj rruge kanë rënë me 23 tonë. Arsye duket të jetë jo vetëm taksimi, por edhe procedurat e gjata për të paguar taksën doganore e për të tërhequr pakon.  Ndryshimi ndodhi në gusht të vitit 2016 dhe kufiri u ul nga 150 euro në 22 euro, me arsyetimin se duhej stimuluar tregëtia e brendshme.

Pensionet dhe fondi i siguruar për to konsiderohet se përbëjnë bombë financiare të botës. Të paktën kështu rezulton nga një studim i Ëorld Economic Forum sipas të cilit deri në vitin 2050 defiçiti në këtë drejtim arrin në 400 trilionë dollarë në shkallë globale. SHBA-të janë vendi më i goditur: në vitin 20250 këtij shteti do t’i mungojnë 137 trilionë dollarë për të përballuar pagesën e pensioneve të personave që do të jenë në atë moshë. Në vend të dytë vjen Kina me defiçit 119 trilionë dollarë, mandej India me 85 trilionë, Britania 33, Japonia 26 trilionë dhe Kanadaja me 12.

Ish-ministri i Financave, Arben Ahmetaj bëri në Gosë të Kavajës një premtim nëpër dhëmbë për heqjen e tvsh-së për inputet bujqësore, pjesë sipas tij e  programit të Partisë Socialiste për bujqesinë. Nëse ndërmerret kjo masë prek 31.300 fermerë që janë regjistruar si subjekte private nga kjo qeveri. 

Kontrolli i Lartë i Shtetit raporton se administrata publike i ka shkaktuar taksapaguesve 169 milionë euro dëme në katër muajt e parë të këtij viti. Buletini i sapopublikuar i Auditit përfshin periudhën janar-prill të këtij viti. KLSH vlerëson se pjesa më e madhe e këtij dëmi, 162 milionë euro vjen nga mosarketimi korrekt i të ardhurave që duhet të shkonin në arkën publike, ose nga abuzimi me shpenzimet e kryera nga administrata, ndërsa pjesa e mbetur prej 7.1 milionë euro i takon parregullsive dhe shkeljeve financiare nga institucionet e audituara.

Pa shpjeguar arsyet, Ministrja teknike e Financave Helga Vukaj, e emëruar në këtë pozicion nga Partia Demoktratike ka nxjerrë një urdhër për dikasterin që drejton dhe institucionet në varësi si tatimet e doganat, në bazë të së cilit anullon të gjithë lejet vjetore të planifikuara nga data 25 maj deri në 30 qershor dhe po ashtu vendos datën 1 korrik si ditë nga ku nëpunësit mund të përfitojnë lejen vjetore.

Në Shqipëri pensionistët apo personat që përfitojnë pension kanë ndjekur jo rrallë rrugën e mashtrimit. Siç raporton sot Top-Channel, në të gjithë vendin rezultojnë të jenë 5000 raste mashtrimi nga persona që kanë falsifikuar dokumentet. Kjo mes vitet 2007-2017. Sipas drejtorit Astrit Hado dy janë mënyrat më të zakonshme: 

Në fund të mandatit qeveria prish kontratën e nënshkruar 20 vite më parë me kompaninë “Hidro srl” për ndërtimin me konçesion të hidrocentralit të Kalivaçit. Kjo kompani që ka në zotërim 100% të aksioneve të firmës Kalivaçi Green Energy është në pronësi të italianit Françesko Beketi i akuzuar nga Prokuroria Shqiptare për veprat penale të pastrimit të parave, falsifikimit të dokumentave dhe shmangien e taksave.  

Falja e radhës është ajo që lidhet me gjobat dhe kamatëvonesat për kontributet e papaguara të sigurimeve shoqërore. Fatura e kësaj lëvizjeje elektorale kushton 15 miliardë lekë siç raporton Televizioni Publik Shqiptar. Njësoj siç u veprua me energjinë, apo me kontributet e papaguara në bujqësi, edhe kësaj radhe falja kushtëzohet me pagesën e principalit principalit të kontributeve të papaguara brenda dhjetorit të këtij viti. Drejtrori Hado tha se falja do të normohet me një vendim të posaçëm të qeverisë.