Blloku Ekonomi

Shqipëria dhe Greqia mund të shkojnë drejt një tjetër përplasje që lidhet ne marrëveshjen e detit dhe Zonat Ekskluzive Ekonomike. Referuar deklaratës së ministrit të Energjisë, Giorgios Stathakis, “CNN.gr” raporton se pas kontratave që qeveria firmosi për koncesionet tokësore e ka radhën firmosja e kontratës për Bllokun detar “Joni 2” zona detare në lindje të ishullit të Korfuzit.

Socialistët premtuan 300 mijë vende pune para se të vinin në pushtet në vitin 2013. Shifër e sigurtë është se të paktën 100 mijë shqiptarë ikën nga vendi qysh atëherë, për ta reduktuar sfidën në 200 mijë. Aktualisht një tjetër parti politike, LSI-ja premton 100 mijë vende pune për katër vitet që vijnë, kuptohet nëse zgjidhet si parti që do të drejtojë qeverinë. Nuk dihet nëse ky objektiv lidhet me punësimet masive që partia e Ilir Metës mendon se janë bërë gjatë kohës kur “punë kishte, por profesionistë jo”, apo me komplekset e saj si parti e dytë.

Autoriteti i Konkurrencës ka nisur hetimin për tre nga katër kompanitë celulare që operojnë në Shqipëri, Vodafone, T Mobile dhe Eagle Mobile. Shkak për këtë janë bërë tre ankesa nga konsumatorët dhe një nga qendra për Mbrojten e Konsumatorit të cilët kanë hedhur dyshime për praktika të koordinuara mes operatorëve për të ndryshuar paketat.

Shqipërisë i rekomandohet zgjerimi i bazës së taksave në një kohë që është vendi me barrën më të lartë fiskale në rajon dhe kur ministri i larguar i Financave premtoi zbutje të taksës progresive. Vlerësimi vjen nga Komisionin Europian dhe Banka Qendrore Evropiane në takimin vjetor me homologët e tyre nga Ballkani Perëndimor dhe Turqia për dialogun e politikave ekonomike. Në përfundim u dhanë konkluzionet për seicilin vend ku për Shqipërinë u sugjeruan disa rekomandime, ku me ndikim më të madh është ai për zgjerimin e bazës së taksave.

Një televizion lokal në Sarandë, “Sarandaweb” raporton për një përplasje mes një biznesmeni dhe Bashkisë për prishjen e një muri. Siç shihet në video biznesmeni thotë se muri është prishur nga Bashkia që njeh vetëm Koço Kokëdhimën dhe jo ligjin. Biznesmeni kërkoi ndihmën edhe të opozitës, me rastin se aty po kalonte deputetja e PD-së, Grida Duma, që e hodhi situatën me qëndrim stoik prej kukulle(politike kuptohet) dhe premtimin: “Do ta shohim çështjen tënde”. Sipas këtij biznesmeni kreu i PD-së në Sarandë është i lidhur me Bashkinë, mish e thua siç e do edhe Pazari.

Projekti gjigand që po tenton Kina përmes Rrugës së Mëndafshit, një nismë e shpallur nga presidenti kinez Ji Xiping që prej vitit 2013 bazohet në një program të madh kreditimi që do të financojë porte, rrugë dhe linja hekurudhore.  

"Kriza e eurozonës është tejkaluar, rimëkëmbja ekonomike po bëhet gjithnjë e më fortë në sektorë të ndryshëm produktive dhe në vende të ndryshme," tha presidenti Bankës Qendrore Evropiane,  Mario Draghi në një ceremoni në tel Aviv. "Kërkesa e brendshme e  mbështetur nga politika monetare të BQE-së, dhe është motori kryesor i rimëkëmbjes. Ne vlerësojmë se  në nivel ndërkombëtar, sektori financiar është tani më elastik" dhe perspektiva ekonomike ndërkombëtare po shkon drejt përmirësimit."- shtoi Draghi.

Në Shqipëri taksohesh me dyfishin e taksave në krahasim me të gjithë vendet e rajonit, nëse je individ me pagë të lartë. Këshilli i Investimeve, agjenci e financuar nga BERZH, përcjell një të dhënë aspak pozitive për vendin tonë. Të paktën për qytetarët. Sipas këtij këshilli, qytetarët shqiptarë taksohen me dyfishin e taksave krahasuar me të gjitha vendet e rajonit nëse ke një pagë të lartë.

Dje u bë me dije një manovër administrative e qeverisë shqiptare e cila kushtëzon marrjen e ndihmës ekonomike me kryerjen e kontrollit bazë mjekësor. FIllimisht harku i moshës të cilës I ofrohet ky shërbim ishte 40-65 vjeç, më vonë u bë 35-70 vjeç, dhe së fundmi shtohet edhe ky kriter. Dyshimi është që qeveria po përpiqet të mbulojë konçesionin e check up i cili paguhet për rreth 400 mijë persona, pavarësisht sesa është numri i personave që e kryejnë atë.

Ministri i Financave Arben Ahmetaj në kuadër të strategjisë elektorale të qeverisë për të përcjellë në opinion "mrekullitë" e programit të ri elektoral të Partisë Socialiste deklaroi në një konferencë për shtyp se premtimi për hapjen e 220 mijë vendeve të punës në katërvjeçarin e ardhshëm është realist, ndërsa ripërsëriti si vlera të shtuara në programin e ri qeverisës rritjen me 40% të pagave në arsim e shëndetësi.