Blloku Bota

Kina ka demonstruar forcën e vet në një paradë në përkujtim të Luftës së Dytë Botërore. Parada është cilësuar si ekstravagande dhe që i bën jehonë traditës politike të Luftës së Ftohtë. Media të ndryshme e kanë parë këtë akt të Kinës edhe si një shfaqje të arsenalit të ri ushtarak, në një kohë kur gjithë bota është prekur nga efektet e krizës. Gjithësesi, arsyeja nuk mungon në Pekin pa kësaj shfaqjeje.

Ish-kryeministri britanik Tony Blair i ka kërkuar ish-presidentit amerikan, Bill Klinton që të shkruante një artikull në gazetë, për të mbështetur kandidaturën e tij (e cila nuk kishte shumë shpresa) për presidencën e Këshillit Europian, sipas asaj që del nga emailet e lëshuar rishtaz. Ish kryeministri britanik dëshironte që ish presidenti i SHBA të shkruante një artikull mbështetës për “cilësitë e tij personale” që e bënin kandidatin më të mirë.
Emaili ishte një prej 7000 mesazheve të bërë publikë të HIlari Klintonit dhe që i përkasin kohës kur ajo ishte Sekretare Shteti.

Agjensia e lajmeve AFP njofton se  presidenti kinez, Xi Jinping përshëndeti sot fitoren në vitin 1945 kundër Japonisë që sipas tij i ka mundësuar Kinës të ribëhet një komb i madh në botë duke shënuar kështu fillimin zyrtar të një parade madhështore ushtarake. Mbi 30 zyrtarë të huaj, përfshirë këtu ministra dhe krerë shtetesh, si presidenti rus Vladimir Putin dhe sekretari i përgjithshëm i OKB-së Ban Ki Moon morën pjesë në këtë ceremoni madhështore. Por shumë liderë të tjerë, përfshirë këtu kryeministrin japonez Shinzo Abe nuk morën pjesë në këtë paradë.

Kanë surpizuar sërish grekët me preferencat e tyre elektorale në prag të zgjedhjeve të parakohshme të 20 shtatorit. Syriza që deri para pak javësh dukej e pathyeshme pas fitores bindëse në referendumin për masat shtrënguese, tashmë në sondazhe renditet parti e dytë me një diferencë shumë të lehtë me Demokracinë e Re. Në sondazhin më të fundit të kryer për llogari të kanalit televiz Mega, Demokracia e Re që tashmë udhëhiqet nga ish-ministri i Brendshëm mbledh 25.%3 për qind të preferencave të grekëve kundrejt 25% për qind të Syrizas.

Gazetat më të mëdha britanike si "The Indipendet" dhe "Guardian" vendosën të publikojnë të paçensuruara fotografitë e një foshnje të vdekur në brigjet e bregdetit turk me shpresën se mos liderët europianë do të kuptojnë më në fund përmasat e tragjedisë njerëzore me emigrantët sirianë.
Fotot shokuese kanë bërë xhiron e botës dhe kanë ngritur pikëpyetje të mëdha mbi mënyrën se po menaxhohet kriza humanitare që erdhi si pasojë e konfliktit në Siri.

Aleksandër Stipçeviç, ilirologu kroat me orgjinë nga Arbneshi i Zarës (Arbanasi në Zadar), ka ndërruar jetë dy ditë më parë. Stipçeviç lindi më 10 tetor 1930 nga një familje arbëreshe. Ai përfundoi studimet për arkeologji në Zagreb dhe doktori në vitin 1977 me temën: “Simbolizmi religjioz tek ilirët. Ishte lektor i rregullt në universitetin e Zagrebit deri më 1997 kur u tërhoq. Ka dhënë leksione edhe në universitetin e Prishtinës në vitet ’70-73. Sipçevic ishte edhe bibliograf i njohur. Vepra “Ilirët” e vitit 1974 konsiderohet vepra kryesore e tij.

Një klinikë në Londër të Britanisë së Madhe ka zbuluar gabimisht identetin e qindra pacientëve që janë të prekur nga virusi HIV. Klinika në fjalë, “The 56 Dean Street”, ka zbuluar identitetin e 780 pacientëve, të cilëve u ishte dërguar e-mail mbi trajtimin e HIV. Por klinika nuk ka mbuluar identitetin e marrësve, duke nxjerrë zbuluar pacientët. “The Guardian” njofton se do të nisë një hetim për cenim të privatëisë, ndonëse përfaqësues të klinikës kanë kërkuar falje shumë prej pacientëve.

Sioas raportit tw agjencisw sw lajmeve AFP, presidenti i vietnamit paralajmëroi kundrejt kërcënimeve aktuale për pavarësinë e vendit, duke akuzuar Kinën, me rastin e 70 vjetorit të pavarësisë të ish-kolonisë franceze. “Mosmarrëveshjet në det janë duke u rritur, kryesisht në detin e Kinës”, deklaroi presidenti i vietnamit, Truong Tan Sang, në një aludim të një konflikti të mundshëm me Kinën mbi sovranitetin në detin e Kinës Jugore.

Ajo ishte në udhëtimin e saj në Mesdhe, ndërsa ai i sfilitur prej 13 orësh në det. Në shpresat e fundit për të mbijetuar, emigranti pa dritën e fundit. Varka e turistëve ndaloi dhe e ngriti lart. Mandej një përqafim mes turistes greke që gjendej në bord dhe refugjatit sirian të trembur, shpëtuar nga grupi i pushuesve pas 13 orëve sfidë mes dallgëve. "Ishte gati i pandërgjegjshëm kur e dalluam", tregon Sandra Tsiligeridu, ish- top modelja në profilin e saj në Facebook, ku ka publikuar dhe foton.

Presidenti amerikan Barack Obama i ka cilësuar ndryshimet klimatike si një kërcënim në rritje dhe mjaft urgjent. Obama shkoi të henën në Alaska në kuadër të një turne tre ditor në shtetin e largët amerikan për të shtuar vëmendjen ndaj çështjeve të mjedisit. Obama është presidenti i parë amerikan në detyrë që viziton Arktikun.