Blloku Bota

Presidenti kinez, Xi Jinping, ka bërë thirrje gjatë një takimi me sekretarin amerikan të Shtetit, Anthony Blinken, që Kina dhe SHBA të jenë partner.

Të dyja vendet duhet të jenë partnere, jo rivale

citohet Xi pas takimit me zyrtarin amerikan që ndodhet në Kinë për herë të dytë brenda këtij viti.

Ka ende një numër çështjesh që duhen zgjidhur dhe ka ende hapësirë për përpjekje të tjera. Ne shpresojmë se SHBA mundet po ashtu të marrë një pozicion poztiv për zhvillimin e Kinës

Mediat rajonale raportojnë se votimi i Rezolutës për Srebrenicën në OKB është shtyrë. Parashikuar për në datën 2 maj, votimi është shtyrë për shkak se teksti është shpërndarë për rishikim nëse do të ketë propozime. 

Lajmi bëhet i ditur nga ambasadori i Bonsje-Hercegovinës në OKB, Zlatko Lagumdzija. 

Gjykata më e lartë e Nju Jorkut rrëzoi sot vendimin e dhënë nga një gjykatë e një niveli më të ulët për rastin që shënoi nisjen e lëvizjes MeToo. Gjykata e Apelit hodhi poshtë vendimin që dënonte producentin e Hollivudit, Harvey Weinstein, me burgim për përdhunim.

Ndërkohë që skenarët për Ukrainën sa vijnë e bëhen më të zymtë, ministri i Jashtëm polak, Radoslaë Sikorski, deklaron se një luftë e Rusisë me NATO-n do të çonte në humbje të Kremlinit.  Madje sipas Sikorskit ky do të ishte rezultati i pashmangshëm. 

Nuk është Perëndimi, pra NE që duhet të trembemi, por e kundërta. Ja vlen të kujtohet kjo dhe jo për të rritur ndjesinë e kërcënimit te rusët, pasi NAT është një pakt mbrojtës, por për të treguar se një sulm nga rusët ndaj njërit prej anëtarëve të saj do të përfundonte në humbje të pashmangshme

Gati 282 milionë njerëz në 59 vende u përballën me urinë akute në vitin 2023. Rripi i Gazës është territori me numrin më të madh të njerëzve që kanë vuajtur nga uria vitin e kaluar, sipas një raporti të OKB-së.

Raporti konstaton se në vitin 2023 numri i njerëzve që përballen me urinë akute u rrit me 24 milionë krahasuar me vitin 2022 për shkak të përkeqësimit të fortë të sigurisë ushqimore, veçanërisht në Rripin e Gazës dhe Sudan.

Shënime të gjetura në Ercolanon e sotme, Itali, lokalizojnë vendin ku është varrosur Platoni (427 – 348 p.e.s.). Së bashku me qytetin e afërt të Pompeit, Herculaneum u shkatërrua gjatë shpërthimit vullkanik të Vezuvit në vitin 79 pas Krishtit, duke e varrosur qytetin nën shtresa të trasha hiri.

Gjykata e Lartë e Greqisë ka përjashtuar nga zgjedhjet europiane partinë e ekstremit të djathtë, Spartiates(Spartanët).

Gjykata ka vlerësuar kërkesat e Demokracisë së Re, PASOK-ut dhe Të Majtës së Re për përjashtimin e partisë në fjalë që akuzohet se ka lidhje me Agimin e Artë, konkretisht me Ilias Kasidiaris. Zgjedhjet mbahen më 9 qershor. 

Ish- kreu i shërbimeve sekrete serbe, Aleksandar Vulin, ka deklaruar në një intervistë për median ruse, Ria Novosti, se Perëndimi kishte organizuar një revolucion në Serbi, pas zgjedhjeve të muajit dhjetor. 

Ne e dinim para zgjedhjeve se ata(opozita) po përgatisnin të akuzonin autoritetet për mashtrim elektoral. Shërbimet speciale ruse u dorëzuar homologëve serbë planet për një revolucion me ngjyra

është shprehur ai.

Në një intervistë për Christiane Amanpour, komediani egjiptian Bassem Youssef, hedh akuza të rënda për mediat perëndimore, që sipas tij udhëheq një ndër fushatat më kriminale të manipulimit global. Loja që sipas tij media perëndimore po bën me konfliktin në Gaza përfaqëson një episod të radhës në justifikimin e vrasjeve nga Izraeli, që nuk mundet në asnjë rast të përligjet në aspektin human.

Lideri i një karteli droge në Spanjë i shpëtoi drejtësisë falë një "gabimi" që kjo e fundit bëri në rastin e tij.