Blloku Bota

Sekretari i Përgjithshëm i NATO-s, Jens Stoltenberg ka vizituar për herë të parë Ukrainën që nga nisja e sulmit ushtarak rus dhe që nga Kievi ka folur për anëtarësimin e saj në Aleancë.

Vendi i drejtë i Ukrainës është në NATO dhe me kalimin e kohës mbështetja jonë do t’ju ndihmojë që kjo të bëhet e mundshme

i është shprehur ai presidentit ukrainas, Volodymyr Zelenskiy.

Ish-drejtuesja e Lartë e Politikës së Jashtme të Bashkimit Europian, Catherine Ashton, ka folur në një intervistë për revistën “Cord” përmes së cilës ka komentuar marrëveshjen e Brukselit të para 10 viteve mes Serbisë dhe Kosovës dhe marrëveshjen e fundit që e shtyn më tej procesin e normalizimit të marrëdhënieve mes të dyja vendeve.

"BuzzFeed" ka vendosur të mbyllë divizionin e lajmeve, në përpjekje për të shkurtuar 15 për qind të vendeve të punës. Gazetarët janë njoftuar sot përmes një memoje nga shefi ekzekutiv i kompanisë, Jonah Peretti. Shkurtimet do të prekin 180 persona. Rreth 60 nga këto vende pune do të preken nga mbyllja e "BuzzFeed News", sipas një burimi për "New York Times".

Mediat turke raportojnë se është ekstradua nga Shqipëria biznesmeni i kriptovalutave Faruk Fatih Özer, i cili akuzohet në Turqi për mashtrim.

Urdhëri i kërkimit ndërkombëtar u lëshua nga autoritetet turke në prill të vitit 2021 dhe më datë 20 prill të këtij viti është ekzekutuar.  Özer kërkohet për akuzën e krijimit të një organizate me qëllim krijimin e krimeve, mashtrimit përmes përdorimit të sistemeve informatike, bankave apo institucioneve të kreditit.

Jetojmë në një kohë të errët, kur zëdhënës të politikbërjes janë kllounët e interesave të mëdha financiare, kur sistemi vetë ka ceduar të të korrigjojë veten duke e shndërruar forcën e delegimit me votë, në një ritual pëlqimi në mediat sociale. Është kjo arsyeja pse është kaluar nga diskutimi dhe këshillimi në garën për të fituar debatin, dominuar zhurmën çka sjell mandej pasojën fatkeqe të drejtimit nga njerëz që nuk kuptojnë dhe as duan në fakt të kuptojnë pasojën e asaj që thonë dhe bëjnë.

Presidenti i Gjermanisë kërkoi falje për krimet e kryera nga vendi i tij në Luftën e Dytë Botërore, në përvjetorin e Kryengritjes së Getos së Varshavës. Frank-Walter Steinmeier, presidenti i parë gjerman që flet në ceremonitë përkujtimore në kryeqytetin e Polonisë, u bashkua me homologët e tij polakë dhe izraelitë për të shënuar 80-vjetorin e kryengritjes së hebrenjve kundër pushtuesve nazistë.

Një nekropol i lashtë është zbuluar vetëm pak metra nga një stacion treni në zemër të Parisit. 50 varret e tij zbulojnë detaje të jetës së parizienëve 2000  vjet më parë.

Stacioni Port Royal u ndërtua në vitin 1970, por në atë kohë gjatë punimeve nuk u vu re asgjë. Pesëdhjetë vjet më pas, planet për një dalje të re për stacionin e trenit nxitën një gërmim arkeologjik.

Prodhuesi i vodkës suedeze “Absolut” njoftoi se do të ndalojë eksportet në Rusi pas thirrjeve në vend për bojkotimin e markës.

Stephanie Durroux, shefja ekzekutive e firmës, tha se vendimi është marrë për shkak të thirrjeve në rrjetet sociale për bojkotimin e produkteve të Absolut.

Në prill, pronari i Absolut, Pernod Ricard, konfirmoi se kishte rinisur eksportet në Rusi pasi më parë i kishte ndërprerë ato në mars 2022, menjëherë pasi Moska filloi operacionin ushtarak në Ukrainë.

Konferenca e 18-të e Kontrollit të Armëve, Çarmatimit dhe Mospërhapjes së Armëve të Shkatërrimit në Masë ka vënë në dukje se për Perëndimin, NATO-n, Kina përfaqëson rrezikun kryesor. Me rrezik apo kërcënim nënkuptohet vlerësimi që bën ShBA, e që me fjalët e Zëvendës Sekretarit të Shtetit, Wendy Sherman, se Kina është i vetmi vend që ka kapacitetin për të ndryshuar rendin aktual ndërkombëtar dhe rregullat e tij. 

Dhe këtë synon Xi

ka shtuar ajo. 

Asetet e Rusisë që janë aktualisht nën juridiksionin e vendeve të G7 do të qëndrojnë të ngrira deri në zgjidhjen e konflikttit ukrainas. Njoftimi është bërë zyrtar nga ministrat e vendeve të G7 pas një takimi në Karuizawa të Japonisë:

Ne jemi të vendosur, në përputhje me sistemet respektive legjislative, që asetet sovrane të Rusisë nën juridiksionin tonë të mbeten të ngrira der isa të zgjidhet konflikti në Ukrainë. Çdo zgjidhje duhet të sigurojë që Rusia të paguajë për dëmet që ka shkaktuar