Blloku Bota

Ish-kryeministri italian, Silvio Berlusconi, po trajtohet në njësinë e kujdesit intensiv të një spitali të Milanos për një infeksion të mushkërive që lidhet me një lloj leuçemie, nga e cila ai vuan prej disa kohësh.

Lajmin e bëri publik për mediat dr. Alberto Zangrillo, i cili saktësoi se Berlusconi, 86 vjeç, vuan nga leuçemia mielomonocitare kronike, e cila nuk është akute.

Berlusconi u shtrua në spitalin “San Raffaele” të mërkurën, 5 prill.

Në një intervistë për "Kathimerini" ish-kreu i Divizionit Operacional të Mossad-it izraelit, Haim Tomer, ka folur edhe për metodat e shërbimeve sekrete iraniane, të përfolura se kanë vepruar edhe në Shqipëri. Sipas Tomer, iranianët kanë shumë organe të shërbimit inteligjent mes të cilave Pasdaran që është i ushtrisë, i cili ka dy organizata bijë jashtë vendit.

Arabia Saudite dhe Irani po shkojnë drejt rivendosjes së marrëdhëieve diplomatike të nivelit më ta lartë. Diplomatët kryesorë të vendit, Hossein Amir-Abdollahian dhe minsitri saudit, Prince Faisal bin Farhan kanë deklaruar nga Pekini se të dyja vendet bien dakord që të bashkëpunojnë për stabilitetin në rajonin e Lindjes së Mesme.

Burokratët që punojnë me propozimet ligjore të BE-së do të  jenë tërësisht të paidentifikueshëm. 

Komisioni Evropian ka vendosur të heqë emrat e stafit të nivelit më të ulët nga databaza ËhoisËho. Kjo e fundit është një bazë të dhënash me adresa emaili dhe numra telefoni për zyrtarët e të gjitha niveleve të ekzekutivit të BE-së.

Qëllimi është të shmanget aksesi te burokratët, në mënyrë që të parandalohet influenca në ligjet e BE-së. Tashmë në lista do të jenë vetëm shefat e tyre, drejtues të njësive dhe më lart.

Virgin Orbit, kompania e raketave në pronësi të miliarderit britanik, Richard Branson, ka njoftuar falimentin. Kompania e satelitëve me bazë në Kaliforni ndaloi të gjitha operacionet, në pritje të një blerësi të ri.

Virgin Orbit u themelua në 2017 si “bijë” e kompanisë së turizmit në hapësirë, Virgin Galactic.

Gjatë kësaj kohe, kompania ka lëshuar raketa përmes aeroplanëve të modifikuar Boeing 747 për të dërguar satelitë në hapësirë.

Ministri i Jashtëm i Britanisë së Madhe, James Cleverly ka bërë thirrje që anëtarët e NATO-s të shmangin në këtë moment diskutimin apo konsiderimin e kërkesës së Ukrainës për t’u anëtarësuar në aleancë. Në një intervistë për “Politico”, Cleverly ka vënë në dukje se anëtarësimi është një derë e hapur në planin aftagjatë, por ky nuk është momenti për të konkretizuar gjërat.

Prioriteti tani është vetëmbrojtja. Mendoja se radha e gjërave ka rëndësi – dhe sot puna konsiston në ndihmën e Ukrainës për të mbrojtur veten

Sekretari i Përgjithshëm i NATO-s, Jens Stoltenberg, thotë se nëse Kina vendos të furnizojë me armë Rusinë, do të bëjë një gabim historik.

Japonia po përgatit një projekt-ligj që lehtëson hapjen e vendstrehimeve nga bombat. Keiji Furuya,  anëtar i Partisë Liberal Demokratike në pushtet, në një intervistë për Bloomberg News, thotë se kjo masë vjen në një kohë kur bota ka ndryshuar shumë.

Dy njerëzit më të pasur në botë janë francezë. Bernard Arnault, CEO i liderit botëror të luksit LVMH, dhe Francoise Bettencourt Meyers, trashëgimtare e L'Oreal, ngjiten në krye të listës së Forbes për vitin 2023. Vitin e kaluar, listën e kryesonte Elon Musk, i ndjekur nga Jeff Bezos dhe në vend të tretë vinte Bernard Arnault. Por dhjetorin e kaluar, miliarderi francez i kishte rënë nga froni nisi të fitonte terren, pasi vlera e aseteve që zotëron po rritej me shpejtësi, duke arritur në 211 miliardë dollarë amerikanë.

Policia belge dhe ajo gjermane bastisën sot zyrat e PPE, partia më e madhe në nivel evropian, grupi i së cilës ka numrin më të madh të vendeve në Parlamentin Evropian. Kontrollet lidhen me një hetim që vijon në Turingi, Gjermani, ndaj kreut lokal të CDU-së, Mario Voigt, i cili dyshohet për korrupsion dhe ryshfet, raporton Euronews. Voigt ka punuar për PPE-në gjatë ciklit zgjedhor 2019.