Blloku Bota

Parlamenti turk ka miratuar kërkesën e Finlandës për t’u anëtarësuar në NATO duke hapur rrugën për zgjerimin e Aleancës në gadishullin nordik.

Kërkesa u miratua me 276 vota pro ndërkohë që Partia demokratike Popullore nuk mori pjesë në votim. Vendimi është përshëndetur nga sekretari i Përgjithshëm i NATO-s, Jens Stoltenberg që ka deklaruar se pranimi i Finlandës do ta bëjë më të fortë Aleancën.

Parisit zyrtar i është hapur një tjetër problem, kësaj radhe në frontin e jashtëm. Zv.kryeministri Italian, Matteo Salvini ka reaguar ndaj një vendimi të gjykatës francez për të refuzuar ekstardimin e 10 personave, që Italia I konsideron si terroristë të Brigadave të Kuqe. Personat strehohen në Francë dhe kanë marrë dënime për krime të rënda në Itali, ndërkohë që gjykatat franceze kanë arsyetuar se vendimi respekton të drejtën private dhe jetën e failjes si dhe të drejtën për gjykim të ndershëm.

Mbreti Charles III i Anglisë e ka cilësuar luftën në Ukrainë si kërcënim për vlerat demokratike të Europës. Gjatë fjalimit të parë të një monarku në parlamentin gjerman, pasardhësi i Elisabetës ka nëvizuar unitetin mes të dyja vendeve:

nga i cili ne duhet të nxjerrim kurajo

Media e ka fajin për tensionet në shoqëri. Kjo po bëhet tashmë një bindje globale që duket se do të ndikojë në rregullime shtesë për sektorin. Ish-presidenti amerikan, Barack Obama, ka akuzuar kreun e perandorisë mediatike, manjatin e “News Corp”, Rupert Murdoch, se ka ndikuar më shumë se kushdo për të theksuar polarizimin e shoqërisë. Duke folur në një takim në Sidney të Australisë, Obama ka folur për një dukuri globale, atë të ndarjes së shoqërisë.

Një raport i Club of Rome, një organizatë joftimprurëse, parashikon se popullsia e botës mund të bjerë në 6 miliardë në vitin 2100 nëse  ndiqen politika agresive të eliminimit të varfërisë ekstreme.

Presidenti i Këshillit të Europës Charles Michel ka deklaruar në një konferencë për shtyp se kërkesa e nisjes së bisedimeve të anëtarësimit të Moldavisë në Bashkimin Europian do të merret shumë shpejt në konsideratë. Michel ka zbardhur faktin se ka diskutuar çështjen me presidenten e vendit, Maia Sandu ndaj së cilës ka kërkuar që të ndiqen hapat e kërkuar, sidomos për reformën në gjyqësor dhe luftën kundër korrupsionit.

Moldavia mund të marrë në konsideratë mbështetjen e plotë të BE-së

është shprehur ai.

Komisioni Evropian pret të gjenerojë fitime prej rreth 2.6 për qind nga investimi i aktiveve që i përkasin bankës qendrore të Rusisë, të ngrira si pasojë e sanksioneve të BE-së. Shifra del në një dokument, të cilin e ka siguruar POLITICO.

Protesta masive kanë mbërthyer Francën si pasojë e miratimit të reformës së pensioneve. Kjo është dita e nëntë e protestave ku vlerësohet se vetëm të enjten morën pjesë 1 milionë njerëz. Natën e fundit janë arrestuar 457 personave dhe janë lëndruar 441 policë. 

Tensionet franko-gjermane për emetimin e karbonit, që lidhet direkt me industrinë e makinave, dalin në sipërfaqe pak para samitit të BE-së. Problemi lidhet me draftin e propaganduar gjerësisht për ndalimin e shitjes së makinave me motor me djegie të brendshme deri në vitin 2035.

Ironia në këtë situatë lidhet me faktin se vetë BE-ja u pagëzuar nga një Traktat i vitit 1952, njohur edhe si Komuniteti Europian i Qymyrit dhe Çelikut, premisa bazë e ndërtimit të institucioneve europiane që sot janë BE.

Aktualisht BE-ja dhe SHBA kanë një problem me Serbinë për sa i përket Kosovës. Nuk kanë më një problem me Prishtinën. Pak orë pas takimit të Ohrit, pala serbe nxitoi të thoshte se nuk ka firmosur asgjë, se nuk lëshon nga sovraniteti, e kështu me radhë, duke u rifortifikuar në një narrativë që nuk jep më asgjë. Mirëpo ndërkohë që mohon çdo gjë publikisht, përfaqësues të Beogradit ndryshojnë kanalin kur vjen puna në takime me zyrtarë të vendeve europiane.

E urova presidentin Vuçiç për marrëveshjen e fundit në Ohër mes Beogradit dhe Prishtinës